Haurrek ikasturtea hasi eta kutsatzeak nola doazen aztertu arte, ez da eskola-kirolarik egingo Araban eta Bizkaian, nahiz eta koronabirusagatik protokolo zurruna prest dagoen ikasturte honetarako. Oraingoz, lurraldeotako foru aldundien arabera, “debekatuta egongo da partida, torneo edota ekintzak antolatzea, lagun artekoak izanda ere”.
Pandemiaren bilakaeraren arabera erabakiko dute eskola-kirola berrabiarazi ala ez. Dena den, Bizkaian izena eman daiteke dagoeneko, eta kontuan izango dute gero zerrenda hori.
Neurriak
Bizi dugun pandemiak baldintzatuta, berezia izango da ikasturte honetako eskola-kirola. Protokolo zehatza adostu dute EAEko hiru foru aldundiek eta Eusko Jaurlaritzak, eta besteak beste, prebentzio eta segurtasun ikastaroa jasoko dute arduradun eta teknikariek; protokoloa behar bezala betetzen dela ziurtatzeko arduradun bat jarriko da; ekintzetan ez da ikuslerik izango; eta aldagelak ezingo dira erabili.
Hiri bat Olinpiar Jokoen antolatzaile izendatzen dutenean, biztanleen artean ilusioa sortzea da helburuetako bat. Asko dira hartu beharreko erabaki polemikoak, eta herritarren babesa izateak lana errazten du. Hala ere, 2017an Nazioarteko Olinpiar Batzordeak (NOB) Paris... [+]
Athlon Kooperatiba Elkarteak Kirol eta Jolas egitasmoa abiatu du, Eusko Ikaskuntzaren Asmoz Fundazioarekin elkarlanean. Ekimenak Eusko Jaurlaritzaren Kultura eta Hizkuntza Politika Sailaren laguntza jaso du.