Ertzaintzako sindikatuei “proposamen hobea” egingo die Jaurlaritzak
Ahots-tonu gogorrean hitz egin du Urkullu lehendakariak Eusko Legebiltzarreko ganbaran; kritikatu egin du ertzain talde asindikalak "egoera baldintzatu" nahi izatea. Gogorarazi du herritarren batezbestekoa baino 10.000 euro gehiago irabazten dituztela ertzainek.
aurre egingo dieten hedabide independenteak
Eusko Legebiltzarreko ostiraleko kontrol saioan, Elkarrekin Podemos-IU koalizioak izan ezik, oposizioko beste alderdi guztiek galdetuko diote Iñigo Urkullu lehendakariari Ertzaintzaren gatazka egoeraren inguruan. Ohi baino ahots-tonu altuagoan hitz egin du gaiaren inguruan.
"Langile guztiek dute eskubidea lan-baldintza hobeak exijitzeko; orain, hori bai, herritarren bizitza baldintzatzea, tranbiaren zirkulazioa moztu eta trafiko arazoak sorraraztea, ez dator bat Ertzaintzaren printzipioekin", nabarmendu du Urkullu lehendakariak PPren galderari erantzunez.
Alderdi Popularraren arabera, Jaurlaritzak "entzungor" egiten die ertzainen aldarrikapenei; haien "lan-baldintza hobeak" eskatu ditu. Voxek, berriz, "ertzain gutxiegi" daudela azpimarratu du, eta lan-deialdiak handitzeko exijitu, "herri honen segurtasuna bermatzeko batzuen mehatxuen aurrean". Aipaturiko bi alderdiek deitoratu egin dituzte Ertzaintzako buruaren hitzak –etxe barruan "arazoak" zituela esan zuen–.
Eskaera "errealak"
"Errealismo" printzipioa aldarrikatu du lehendakariak, eskaerek "errealak" izan behar dutela iradokita. Errepikatu du aste honetan Josu Erkoreka Segurtasun sailburuak idatziz jakinarazitakoa, ertzainen soldatak %17 igo direla azken hamar urteetan, eta karrera profesionalean %10eko igoera adostu dutela aurtengo urterako. "Orain, hilean 1.100 euro gehiago eskatzen dituzte. Zilegi da eskatzea, baina errealismoaren printzipioa galdu gabe".
Josu Erkoreka Segurtasun sailburuaren baimenarekin –Erkoreka ez zegoen presente ganberan, saileko bilera bat zuelako–, Urkulluk aurreratu du datorren asterako deitu dituela sindikatuak mahaiaren bueltan biltzera. Orain artekoarekin alderatuta, "proposamen hobea" eramango du Segurtasun sailak.
EH Bildu: "Eskuin muturreko jarrerak ikusten ari gara Ertzaintzan"
Julen Arzuaga legebiltzarkideak ere interpelatu du Urkullu lehendakaria gaiaren inguruan, baina PPren eta Vox-en aldean, apalago. Urkulluren lehen hitzak bide horretan heldu dira: "Eskerrik asko erabilitako tonuagatik; ni ere neure ohiko tonura itzuliko naiz".
EH Bilduk salatu egin ditu Ertzainak Borrokan plataforman protestan ari direnen jarrera, "xantaia" egiten ari direlakoan, eta haien "hizkera belikoa" ere bai. "Zalantzak ditut ea Ertzaintzaren misioa ondo ari garen betetzen", nabarmendu du Arzuagak, eta nolabait ere eskua luzatu dio Urkulluri polizia-ereduaz pentsatzen jartzeko. Lehendakariak, dena den, ez du halakorik onartu: "Zuek inoiz ez diozue begirunerik izan Ertzaintzari".
3.600 pertsona aurkeztu dira ertzain edo udaltzain izateko lan eskaintza publikoko deialdira, eta 2.800 hautagaiek ez dute proba psikosoziala edota atal teorikoa gainditu. Segurtasun sailburuak defendatu egin du Polizia izateko "exijentzia maila".
Eusko Jaurlaritzako Ogasuneko Kontrol Ekonomikoko Bulegoak barne txosten bat egin zuen Ertzaintzak jaso dituen 300 BMWen esleipen kontratuaren hainbat baldintza kritikatzeko. Ezarritako baldintzak zehatzegiak eta murriztaileegiak zirela salatu du ogasunak, eta horrek enpresa... [+]
Eusko Jaurlaritzako Segurtasun Sailaren arabera, hainbat pertsonen arteko borroka bat zela eta bertaratu dira larunbat gauean ertzainak Ordiziara (Gipuzkoa), eta liskarrak izan dira. Bi ertzain ospitaleratu dituzte: bat lepauztaia apurtuta eta masailean ukabilkada bat jasota;... [+]
Apirilean gertatu zen, Etxarri II gaztetxearen desalojoan, eta tiroaren ondorioz barrabila galdu zuen Iker Aranak. Aranak berak emandako materialetik identifikatu dute ertzaina.
Rosa Zarraren hilketaren 30. urteurrena da ekainaren 30ean. Ekainaren 29an, biolentzia polizialaren biktimaren omenaldian, hainbat eskakizun egin zituen Egiari Zor fundazioak. Zarraren familiak Juan Mari Atutxa Segurtasun sailburu ohiari barkamena eskatzea galdegin dio.
Xabier Lertxundi alkateak adierazi du istiluak leku eta ordu ezberdinetan gertatu direla, eta haien artean ea loturarik dagoen ikertzen ari dira. Udaltzaingoak laguntza eskatu dio Ertzaintzari 03:30 aldera, eta haiek oldartzean hainbat lagun zauritu dituzte. Segurtasun Sailak... [+]
Erasoa Bilboko kale horretako ile apaindegi batean egin zuten maiatzean. Erasoa grabatua izan zen eta auzokideek salatu zuten.
Emaitza positiboa eman zuen iragan abuztuan egindako testak, baina Polizia Zientifikoaren laborategira bidali baino lehen Ondarroako komisariatik desagertu zen frogen poltsa.
Urteroko oroimen eta sari banaketa ekitaldia egin du Ertzaintzak Arkautin, Eusko Jaurlaritzako agintarien parte hartzearekin. Duela bi urteko kronikatik aurtengora auziek edota gaiek berdintsuak izaten segitzen badute ere, nabarmena da begiratzeko moduak nola aldatu diren.
Ertzain talde bat bi gazte jipoitzen ileapaindegi batean. Lokal barrura sartu dituzte, San Frantzisko kaleko segurtasun kamerek polizia gehiegikeriak filmatu ez ditzaten, baina seguruenik ez zuten espero negozio horrek ere segurtasun kamera zuenik. Bilboko Kontseilu... [+]
Ikerketa urtarrilean abiatu zuen Ertzaintzak, biktimetako batek Gizarte Segurantzan laguntza eskatu ostean. Nahiz eta egunero hamar ordu baino gehiagoz lan egin "ez zuen nahikoa baliabiderik, ezta jateko ere". Ondorioz, zuntz optikoa instalatzen zuen enpresa bateko burua... [+]
Eusko Jaurlaritzako Segurtasun sailburuak esan du litekeena dela "ertzainen baten jokabide desegokiaren" ondorioz zauritu izana gizona. Pertsona horrek salaketa jarri zuen eta Ertzaintzaren barne ikerketa batek baieztatu du foam jaurtigailu baten inpaktua jaso zuela.
Mariaren Bihotza plazan egingo dute elkarretaratzea, 18:30ean, ertzainek erasotako pertsonei elkartasuna adierazteko eta inpunitate polizialari ezetz esateko.
Poliziaren indarkeria erregistratzen ditu Donostiako Txago kolektiboak. Berriki 2024 urteko Karrikaratu txostena aurkeztu du, zeinean jasotzen diren Poliziaren indarkeria formak, estrategiak, ezaugarri nagusiak, edo jo puntuan dituzten herritarren tipologia. 156 esku hartze... [+]
Espainiako Estatu mailan, behera egin dute bai ezarritako babes-neurriek bai aurkeztutako eskaerek.