Ertzainekin euskaraz hitz egin nahi izateagatik herritar bat atxilotu dutela salatu dute
Eibarren, presoen aldeko elkarretaratzean Cake Minuesa kazetari espainiar eskuindarrak elkarretaratzea zapuztu nahi izan zuela eta ondoren Ertzaintzarekin izan zuten hartu-emanean herritar bat atxilotu zutela salatu dute, ertzainari eskatu ziolako euskaraz egiteko eta honek herritarrari berriz, gaztelaniaz mintzatzeko. Ertzainek beste hainbat zauritu zituztela ere salatu dute. Segidan, elkarretaratzean parte hartu zutenen kontakizuna.
Abenduaren 17an presoen aldeko Eibarko elkarretaratzean gertatutakoaz oharra atera dute elkarretaratzean parte hatu zutenek. Euren hitzetan, “elkarretaratzean geundela, Cake Minuesa ‘kazetari’ ultraeskuindarra gerturatu eta hainbat pertsona zirikatzen hasi zen (…) Presionatu eta plazatik kanporatua izan zen. Unean bertan izandako erreakzioa izan zen, inork ez duelako eskubiderik presoen aldeko elkarretaratzea zapuzteko (…) Elkarretaratze hauetan beti egoten da Ertzaintzaren patruila bat, abenduaren 17koan izan ezik. Baina, Cake Minuesak alde egin bezain pronto, elkarretaratzearekin jarraitzekotan geundela, bertan azaldu zen Ertzaintzaren patruila bat. Gutako bat saiatu zen kotxean zeuden ertzainei gertatutakoa adierazten, euskaraz. Ertzainek identifikatzeko eskaera egin zioten inolako arrazoirik gabe, eta herritarrak euskaraz eskatzeko erantzun zien. Orduan, haiekin gazteleraz mintzatzeko esan zioten ertzainek, eta herritarrak berriz euskaraz egiteko eskatu ostean, autoaren kontra jarri eta atxilotu egin zuten. Elkarretaratzean geundenok hori ikustean azalpen eske hurbildu ginen poliziaren autora. Orduan, bertan zeuden bi ertzainak oldartu eta borraz jendea erasotzen hai ziren, ez gerturatzeko esanez. Tentsio handiko momentuak izan ziren eta gutxienez bertan geunden bi pertsona zauritu zituzten ertzainek”.
Atxilotuta eraman zuten herritarrak gaua kalabozoan pasa behar izan zuela azaldu dute, eta hurrengo goizean epaitegian deklaratu ostean gelditu zela aske. Eraso delituak egozten dizkiote.
Horren guztiaren aurrean, elkarretaratzeko kideek “espainiar faxismoaren inpunitatea” kritikatu dute lehenik, “jendartean babes zabala duen manifestazio bat zapuzteko saiakera onartezina” iruditzen baitzaie. Horrez gain, ertzainek euren hizkuntza eskubidea urratu izana salatu dute: “Argi ikusi dugu atxiloketaren arrazoia hori izan dela. Guztiz bidegabea da ertzain batek gaztelaniaz jarduteko exijentzia egitea, eta egin ezean atxilotua izatea. Nork erantzungo du eskubide urraketa honen aurrean?”.
Azkenik, ertzainek “herritarren aurka erabilitako biolentzia” salatu dute.
“Injustizia honi erantzuna emateko”, elkartasun agerraldia deitu dute abenduaren 22rako, Eibarko Unzaga plazan.
Irailaren 18koa da azken sententzia: Donostiako udaltzaingorako lanpostu deialdiaren euskara eskakizuna atzera bota du EAEko Justizia Auzitegi Nagusiak. Euskalgintzaren Kontseiluak eta Donostiako Bagera Euskaltzaleen elkarteak elkarretaratzea deitu dute Donostian, Alderdi... [+]
Herritarrak eskatzen du seinaleak euskaraz jartzeko. Gobernuak erantzuten dio legeak ez duela horretara behartzen. Behatokiak erantzuten dio, legeak ez badu derrigortzen ere, euskaraz jartzeko debekurik ez duela. Gobernuak bereari eusten dio. Alabaina, herritarrak tematzen dira... [+]
Sarean lan egiteko elkar entzutea eta errespetatzea “nahitaezkoa” da Aitor Bedialaunetarentzat (Ondarroa, Bizkaia, 1991). Euskal Gorrak, Pertsona Gorren Elkarteen Euskal Federazioko presidentea zeinu hizkuntzaren kalitatea zaintzearen garrantziaz mintzatu da. Salatu... [+]
Euskaraz deklaratzea ukatu dio epaileak, eta erabaki du ez parte hartzea bere aurkako epaiketan. Auzitegi kanpoan babesa ematera joandako hamarnaka euskaltzaleren aurrean desobedientziarako deia egin du Torrek. Guztira 3.268 euro ordaintzera zigortu dute.
2021ean EAEko udaltzain laguntzaileentzako lan-poltsa bateratua osatu zuten. EAEko Auzitegi Nagusiak atzera bota du orduan ezarritako hizkuntza eskakizuna, B2 maila, alegia. Hizkuntza eskakizuna “neurrigabea” dela argudiatu du. Kontseiluak adierazi du EAEko udaltzain... [+]
Donostiako autobus gidari batek maiatzaren 2an, bere hizkuntza eskubideak urratzeaz gain, erantzun euskarafoboa bota ziola salatu du herritar batek. Gertakari horren berri Hizkuntza Eskubideen Behatokiak eman du. ARGIAk pertsona horrekin hitz egin du, zer gertatu zen jakiteko.
Laborantza lizeoetan tokiko hizkuntzetako irakaskuntza sailen sortzea eztabaidatua izan da frantses legebiltzarrean. Legearen zuzenketa proposatu du Iñaki Etxaniz legebiltzarkideak.
Euskal Herrian Euskarazek apirilaren 22tik 28ra egingo du lehen aldiz Harrotze Astea. EHEk bost ekintza nazional prestatu ditu, eta hortik aurrera, herriz herri hainbat dinamika antolatuko dituzte euskaltzaleek. Sugoi Etxarri EHEko kidea elkarrizketatu dugu. Haren ustez,... [+]
Hizkuntza eskubideen urraketekin lotutako 909 kexa jaso zituen Behatokiak 2023. urtean. Horien %75 baino gehiago administrazioari loturiko zerbitzuei buruzkoak dira: “Herritarrek salatzen dute urtero horma berdinaren aurka borrokatzen jarraitzen dutela”.
Korrikak lehen asteburua Nafarroan egin du, eta argi ikusi dugu ez dagoela Nafarroa bat, ez eta hiru ere, baizik eta hainbat. Herriz herri egoera soziolinguistikoa eta euskaltzaletasuna erabat aldatzen dira, eta Korrika ere izan da horren lekuko.
Euskal Herriko 16 ikasle Parisen dira astearte honetan, euskaraz ikasteko eskubidea aldarrikatu eta horretarako neurriak har ditzatela eskatu diete diputatuei, Frantziako Legebiltzarrean. “Urduri gaude, baina badakigu zer erran nahi dugun”, adierazi diote goizean... [+]
Taldea ezagutarazteko eta proiektua finantzatzeko antolatu dute egun osorako egitaraua.