aurre egingo dieten hedabide independenteak
Errota altuak:
1
Kaixo laguna etorria nauk
hirekin hitz egitera
neure burua aurkeztu eta
kontu batzuk esatera
etorkizuna ikusten diat
hemen hirekin batera
erronka latzak dizkiagu ta
egin dezagun aurrera.
2
Haize-errota, eolikoa,
ezaguna aspalditik
inguru hontan berria baina
ikusten nauk urrutitik
mesede franko egin ohi diat
batetik eta bestetik
energi asko erregalatzen
musutrukean zerutik.
3
Altu xamarra izanagatik
hi ez kezkatu laguna
berdea nauk ni, indar garbia
sortzen oso ezaguna
kalte bat ere ez diat egin
hor ere oso txukuna
hire gainean jarri ta kitto
hemen duk etorkizuna.
4
Batzuk esaten dituzten gauzei
ez hiok egin kasurik
petrolio, ke, zentral nuklear
ba al duk alternatibarik?
alperrik galtzen den haize hori
aprobetxatuz osorik
industria ta indar-gosea
erraz aseko diat nik.
5
Sentitzen diat hik jasandako
astakeri hoiengatik
baina ni ez baldin banauk jartzen
ez zegok aurrerapenik
industri dena gelditu eta
argia_ordaindu ezinik
bailara honen ongizatea
kolokan zagok gaurdanik.
6
Bizkarraldean izango dituk
arrasto txiki batzuek
gero gain hori ondo berdindu
eta han jarriko naitek
milioika urte asperturikan
mendi denak hortxe zeudek
hi ta hitarren gain guzti hoiek
orrazteko ordua dek.
Mendiak erantzun:
1
Hitz eder asko ahoan hartuz
hasi haiz aldamenean
egin dituan irteera asko
ezagun ditudanean
errespetuz jarduten duzue
komeni zaizuenean
harroa hola ibili ohi duk
umilez jazten denean.
2
Ongi zekiat hire izena,
ezaguna oraintsutik
atzeko mendi haien gainean
ez hago ta aspalditik
haizea merke hartzeagatik
errenta nork ordaintzen dik?
segundo erdiz bizi haiz baina
kostu ederra daukak hik
3
Inguru hauen berde izena
ez dik inork ukatuko
izen horrekin jabetu arren
niri ez didak sartuko
gora altua izanagatik
milagroik ez duk jetsiko
etorkizunaz ari haiz baina
ez duk onik ekarriko.
4
Nere bizkarrak ondo jorratuz
hemen goraino jasotzen
pista zabalak, lurra ta ura,
bizidun denak kaltetzen
milaurtekoan egin ez dena
segundo batzutan lehertzen
hi hemen jarri nahi hauen hori
ez al da inoiz asetzen?
5
Ingurune hau hain emankorra
txikia eta gozoa,
arbol adarrak dantzan airean
mugituz bere hostoa
behiak belarra jaten larrean
intsektuen arrastoa
ekaitz txarrena iritsi eta
moteldu zaidak hauspoa.
6
Pisu astuna nian lehendik
orain hi ekarri haute
mundu ero hau azkar zebilek
aurrerantz, gelditu gabe
ezingo diat ezer eskeini
dena hartzen baduzute
bazter guztiak suntsituz gero
errota zertako ote?
Josu Salegi
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Aurtengo uda garaian 46 gradutara iritsi da tenperatura Espainia eta Portugaleko leku batzuetan. Europako beste leku batzuetan ere 40tik gorako tenperaturak izan dituzte, baita Euskal Herrian ere. Iaz baino tenperatura altuagoak izan ditugu eta aspalditxo izan ditugun handienak... [+]
Nazio Batuen Batzorde batek bi urte behar izan ditu palestinar herriak hamarkadetan salatu duena berresteko: Israelgo estatu sionista genozidioa gauzatzen ari dela. Herri presioa gero eta handiagoa da gure agintarien gainean, eta nazioarteko boikotak lehen arrakalak ireki ditu... [+]
TikTok-en parafernaliatik urrun bizi naizenez, aurreko egunera arte ez nuen jakin Maria Pombo horren berri. Sare sozialek orduero aurkitzen dute kalapitarako gairen bat eta, honakoan, kristorena sortu zuten influencerrak irakurtzearen gainean egindako adierazpenek. "Esango... [+]
Badira egun batzuk Instagrameko @denuncias_euskalherria kontuan argitalpen bat agertu zela. Bertan, ama batek adierazten zuen bere alaba Bernedoko euskal udalekuetan egon zela hamabost egunez eta talde mistoetan dutxarazten zituztela 13-15 urte bitarteko nerabeak, aukerarik eman... [+]
Aurrekoan idatzitako Irakasleon figura artikuluaren harira, kontu esanguratsu bat landu nahiko nuke. Artikulu horretan aipatu bezala, jende askoren ahotan dabil irakasleon lan karga baxua dela (gehienbat hezkuntza publikokoena), eta ditugun pribilegioak gehiegizkoak direla. Ez... [+]
Euskal Eskola Publikoaren alde borrokatzea STEILASen ikurra da. Ikasturte hasierarekin batera, gogoratu behar da aurreko ikasturtean hainbat kolektibotan akordio garrantzitsuak sinatzea lortu genuela, hezkuntza publikoan grebak eta mobilizazioak egin eta gero. Lan-akordio horiek... [+]
Jakina da poliziari esku sartzeak beti dakarrela arrisku nabaria. Bere garrantziagatik eta seriotasunagatik, kontuz aztertu beharra eta larria denez, terminologia-trabarik gabe, badaezpada.
Duela aste batzuk Ertzaintzak Azpeitian egindako esku hartzeak, bertako herritar askok... [+]
Edozein arlotan, arazo bat suertatzen denean, eta ia inor ados jartzen ez denean, ohiko galdera plazaratzea da onena: Nori egiten dio mesede?
2024ko irailaren 11n, "Lortzear ote gaude?" izeneko artikulua argitaratu ziguten hainbat hedabidetan. Urtebete igaro da eta garbi esan dezakegu: EHUko gobernu aldaketak (Ferreira zen buru, Bengoetxea da orain) ez digu aurrerabiderik ekarri. Orduko zailtasunek zailtasun... [+]
Aurtengo ekainaren 25ean Eutanasiaren legeak laugarren urtemuga bete zuen. Nire iritziz, lege hori hainbat biztanleren lanari esker lortu da, eta, nolabait, pentsa dezakegu merezitako saria izan dela; izan ere, lege hori lortu bitartean pertsona askok erailketa salaketak,... [+]
2023ko uztailean jaso genuen berria antzuolarrok. Irimon bi aerosorgailu erraldoi jartzeko proiektu bat aurrera eramateko eskaera jaso zuela Udalak. Hasieran zalantzak eta galderak: nor zegoen proiektuaren atzean? Zein zen proiektuaren benetako helburua? Zein izango... [+]
Horixe da datorren irailaren 10ean Frantziako Estatua hankaz gora jarriko duen deialdi herritar berriaren lema. Sarean gaia lantzen ari diren gune asko daude, baina bi interesgarrienak aipatzearren, hor daude, besteak beste, @lessoulevements edota @bloquonstout atariak.
Izan... [+]
Donostia arpilatua, bortxatua eta propio erreta Espainiako independentziaren alde 1813ko abuztuaren 31n.
1808an Napoleon enperadoreak Baionan bildu zituen elkarren aurka borrokatzen ari ziren Espainiako errege aita-seme borboiak, Carlos IV.a eta Fernando VII.a, biek nahi... [+]
Sarriegi jokatzen dugu erreaktiboki Euskal Herrian eta Euskalgintzan. Albiste bat, elkarrizketa bat, epai bat, eraso bat. Ondoren, erantzuna. Tamalez, berriro ere inertzia berak nakar Ander Gurrutxagaren elkarrizketa euskarafoboa aztertzera. Gustura gelditu zen, tartean zera... [+]
Euskararen (euskaldunon) aurkako oldarraldiak ertz ugari ditu; horietako bat fronte mediatikoa da, Voxento taldea buru eta PSOE-CCOO-UGTko kide ezagunak ekintzaile nagusi. Sarri eskaintzen digute idatziren bat, barnera dezagun Euskal Herriko hizkuntza ofizialetatik zein diren... [+]
