Errektoretzarako hauteskunde egunean Leioa “ikasle haserrez” betetzera deitu dute
"Azaroaren 24an, EHUko errektoretzarako hauteskunde egunean, Leioako campusa ikasle haserrez beteko dugu –iragarri dute Ikasle Abertzaleek–, EHU instituzio burges eta zapaltzaile gisa errefusatzen dugula argi adierazteko, eta ikasle boterearen artikulazio bidez sortzen ari garen kontra-botere espazioetatik herri langilearen mesedera egongo den jakintza eraikitzen hasiak garela aldarrikatzeko".
aurre egingo dieten hedabide independenteak
Ikasle Abertzaleen esanetan, problema ez da errektore hau ala bestea, "unibertsitate eredu eta dominazio sistema hau baizik". Azken finean, eskaera zehatzetatik harago, "sakoneko arazoa" salatu nahi dute, eta bide batez, ikasle-baldintza duinen alde "ikasleok aurrera eramaten ari garen borrokak" islatu. Tartean, larunbatetako azterketekin amaitzeko, doako materiala bermatzeko, tasa altuegiak kentzeko edota euskaraz ikasi ahal izateko aldarrikapenak.
Urriaren 26an ere mobilizazioak, Steilas, ELA eta EHIGEk deituta
Bestalde, Nafarroan zuzenean eta EAEn Eusko Jaurlaritzaren Heziberri planaren bidez LOMCE legea aplikatzen ari direla ulertuta, Hegoaldeko ikastetxeetan ordubeteko lanuztera deitu dute Steilas eta ELA sindikatuek, urriaren 26 goizerako. Arratsaldeko 18:00etatik aurrera, manifestazioak egingo dituzte lau hiriburuetan. Ikasle Abertzaleak berak, LABek, Ikastolen Elkarteak eta Sortzen elkarteak ez dute bat egin ekimenarekin, egun horretarako Espainiako Estatuan deitu duten grebak Euskal Herriko beharrei erantzuten ez dielakoan.
Besteak beste, Steilasek eta ELAk kritikatu dute Eusko Jaurlaritzak eta Nafarroako Gobernuak hezkuntzan "murrizketa dinamika jasanezina" daramatela, administrazio guztiek "errebalidez osatutako kanpo-ebaluazio sistema obsesibo eta perbertsoa" ezarri nahi dutela edota "euskarari lehentasuna eman ordez ingelesari ematen zaiola". Curriculum eta hezkuntza eredu propioa ere aldarrikatu dute.
EHIGE Euskal Herriko Ikasleen Gurasoen Elkarteak bat egin du adierazpenarekin eta urriaren 26an "errebaliden kontra mobilizatzera" deitu dituzte familiak. "Gaur egun, euskal eskola publikoko familiok ez dakigu nolakoak izango diren kanpo-probak, ezta noiz eta nortzuk egingo dituzten ere. Hori dela-eta, argibideak eskatu dizkiogu jarduneko Hezkuntza sailburuari", gaineratu dute.
Ikasle bati isuna ipini diote institutuan lan politikoa egiteagatik, eta hori salatzeko agerraldi bat egiten ari ziren bitartean, gazteen aurka jo du Ertzaintzak. Zazpi lagun identifikatu ditu.
Elkarretaratzeak egingo dituzte selektibitateari eta Baxoari ezetz esateko. Gainera, apunte-banku bat eta klase partikularrak jarri dituzte martxan IAko kideek.
Hezkuntza bi arazo handik zeharkatzen dutela adierazi dute IAk: "ideia erreakzionarioen" gorakadak eta "ikasleen egoeraren okertzeak". Mobilizazioaren deialdia hedatzeko, goizean errepide mozketak egin dituzte Donostian, Iruñean eta Gasteizen. Bilbon, Euskal... [+]
Ikasleen lan politikoa jazartzeko asmoz, Iruñeko Iturraman eta Biurdanan nahiz Bilboko Unamunon izan dira polizia-indarrak, IAk salatu duenez.
Kurtso hasieran, 2024ko irailean EHUko Bizkaiko campusean lan-zuzenbidea irakasten zuen irakasle faxista baten berri eman zuten ikasleek. Beste irakasle bat salatu berri dute, oraingoan EHUko Arabako campusean Farmazia Fakultatean, sare sozialetan mezu eta ideia erreakzionarioak... [+]
Iruñerriko IAk azaldu duenez, irakasle horrek ikasleak sexualizatu eta bortxaketak justifikatu zituen. Aurreko ostiralean eserialdi bat egin zuten eta sinadura bilketa bat izan dute martxan, irakaslea botatzeko.
"Alternatiba sozialista indartzera bidean" GKSk eta IAk eztabaidarako, hausnarketarako eta aldarrikapenerako espazioak antolatzeko beharra azpimarratu dute, eta horren baitan antolatu dute Gazte Topagune Sozialista. Ostegunetik hasita igandera arte izango da Altsasun.
Grebara jo dute bigarren hezkuntzako, lanbide heziketako eta unibertsitateko ikasleek. Ikastetxeen ohiko jarduna gelditu eta kaleak hartu dituzte “negozioen eta inposizioen” hezkuntzaren kontra Bilbon, Donostian, Gasteizen eta Iruñean. Goizeko aurreneko... [+]
Ikasle Abertzaleak taldeak grebarako deia egin du martxoaren 20rako. Negozioen eta inposizioen hezkuntza borrokatu goiburuarekin manifestazioa ere eginen dute 12:00etan Iruñeko Foruen Plazatik aterata. Unibertsitatera sartu aurretik eta goi mailako ikasketak egiterako... [+]
Eusko Legebiltzarraren aurrean elkartu dira Ikasle Abertzaleak-eko kideak martxoaren 13rako ikasle grebara deitzeko. “Azken hilabeteetan borroka prozesuak martxan jarri ditugu Euskal Herriko ikastetxe eta campusetan eta, orain, pausu bat gehiago emateko unea dela uste... [+]
Irailaren 27an epaituko dituzte 'Leioako 5ak', 2016an Leioako campusean izan zen ikasle mobilizazio baten harira. 45.000 euroko eta 40 urteko zigorrak eskatzen dituzte haientzat. Aste honetan ere mobilizazioak egingo dituzte, auzipetutako bost lagunen eskualdeetan nahiz... [+]
2016ko apirilean atxilotu zituzten Leioako 5ak, errepresioaren aurkako ikasle protesta batean. Zazpi urteren ostean izango da epaiketa, irailaren 27an, eta 39,5 urteko espetxe-zigorrak eta 45.000 euroko kalteordainak eskatuko dizkiete. Epaiketaren atarian, haietako birekin... [+]
Aurtengo edizioan Eskoriatza, Aretxabaleta eta Aramaio igaroko dituzte. Tailerrak, bertso-saioak, hitzaldiak, kontzertuak, eta abar antolatu dituzte hiru egunez. “Hausnarketarako eta formakuntza politikorako espazioa” izatea dela helburua azaldu dute.
Gazte Koordinadora Sozialistak eta Ikasle Abertzaleakek antolatu dute topagune sozialista. "Sozialismoaren kultura politikoa jaso, sakondu eta hedatzeko alternatiba sozialista eraiki behar" dela azaldu dute.
Selektibitatea hezkuntzaren elitizazioan sakontzeko mekanismoa dela salatu du Ikasle Abertzaleak antolakundeak. Bitarteko gutxien dituzten ikasleen heziketa prozesuan oztopo bat gehiago dela azpimarratu dute.