Erregimenaren “gehiegikeria” salatzeko manifestazioa deitu du Sortuk Iruñean urtarrilaren 16an
Urriaren 12an Iruñean egin ziren elkarretaratze eta ekimenen harira, 12 lagun deitu dituzte Espainiako Auzitegi Nazionalera, Koroaren aurkako delituak egotzita. Horren aurrean, Sortuk manifestazioa deitu du urtarrilaren 16rako.
Urriaren 12an Espainiar Estatuko erregimenaren egunaren harira, "Ospatzeko ezer ez" lelopean mobilizazio ugari egin ziren Hego Euskal Herriko herrietan. Iruñeko ekimen ikusgarrian Sortuk eta beste hainbat eragileek hartu zuten parte, honela, Espainiako Erresumaren izaera kolonialista eta ez-demokratikoa salatzeko, Cristobal Colon-en eta Felipe VI. Espainiako Erregearen itxurazko estatua bana eraitsi zituzten. Geroztik 12 lagun deitu dituzte Espainiako Auzitegi Nazionalera, eta Koroaren aurkako delituak leporatzen dizkiete.
Horren aurrean, Sortuk manifestaziorako deia luzatu du: Erregimena eta bere gehiegikeria salatzen jarraitzeko, urtarrilaren 16an Iruñeko Antoniutti-tik 17:30etan abiatuko den manifestazioan parte hartzeko deia egin du.
78ko erregimena #ErorikoDa.
Monarkia #ErorikoDa.
Auzitegi nazionala, armada, herrien kaiola, trantsizioaren errelatoa, inpunitate frankista...#ErorikoDa. Botako dugu!#GoraHerria!
📌 Urtarrilak 16
⏲️ 17:30. Antoniutti. Iruñea. pic.twitter.com/RW236y2EY7
— Sortu Nafarroa (@SortuNafarroa) December 29, 2020
