Errege Magoekin euskaraz hitz egin ahal izango dute Gasteizko haurrek, 40 urtez baztertuta egon ondoren
Gasteizko Udalak Errege Magoak aldatuko dituela jakinarazi du, 40 urtez paper hori bete dutenek ez dakitelako euskaraz eta ez dutelako gaitasunik haurren hizkuntza eskubideak bermatzeko. Gorka Urtaran alkatearen eta euskararen kontrako mezuak eta irainak jaurti dituzte sare sozialetan erabiltzaile ugarik erabakiarekin haserre.
Gasteizko Errege Magoek haur guztiekin hitz egin ahal izango dute normaltasunez euren hizkuntzan datorren urtetik aurrera, udalak herritar guztien hizkuntza eskubideak bermatzeko gai diren pertsonak jarriko dituelako paper hori egiten. Hala adierazi du Gorka Urtaran alkateak bere Twitter kontuan: “Orain, ume gehienak, guztiak ez esatearren, elebidunak dira eta eskaintzen dizkiegun ekitaldiak, ofizialak diren bi hizkuntzetan ematea bermatu behar dugu. Errege Magoen harrera ere bai. Haurren interes gorenean pentsatuz, garai berrietara egokitzeko unea heldu da".
Alkatearen ustez, “belaunaldi aldaketa” baten ordua iritsi da. Azken 40 urtetan Errege Magoak antzezten aritu diren pertsonak ez dira gai izan haurrekin euskaraz hitz egiteko eta urtetako diskriminazio horrek kritika ugari sorrarazi du aurten, COVID-19a dela eta kalera atera ez diren arren, Mendizorrotzan antolatutako ikuskizunean ia erabat gaztelaniaz aritu zirelako:
Urtaranek azaldu duenez Errege Magoekin hitz egin du udalak eta “haiek ere bat etortzen dira hausnarketa honekin, haientzat ere ez baitago haurren zoriona baino desio handiagorik”. Nolanahi ere, Euskadi Irratiak nabarmendu duenez, Meltxor Errege moduan aritzen den Miguel Angel Zaldibar ez da erabakiaren aldekoa: “Ez da inolako arazorik egon, haurrek bi hizkuntzak menperatzen dituztelako eta oso ondo ulertzen dugulako elkar”.
Gorka Urtaran alkatearen eta euskararen kontrako mezuak zabaltzen ari dira sare sozialetan, erabakia “sektarioa” eta “erradikala” dela, euskaraz egin nahi duenak “Olentzerorengana joatea” duela edo haurrak "adoktrinatzen" dituztela esanez. Iñaki Oiartzabal Arabako PPko buruzagiak “paranoia urratzen duen nazionalismoa” izatea leporatu dio EAJri.
Hala ere, beste askok txalotu egin dute, 40 urteren ostean, nahi duten haurrek lehen aldiz euskaraz eskatu ahal izatea euren opariak normaltasunez.
Hankak lurrean dituzte gure solaskideek. Euskalgintzaren eta herri mugimenduen joko-zelaian dabiltza etengabe eta eskarmentu horretatik hitz egiten dute euskarari eusteaz, hizkuntza zapalkuntza ez normalizatzeaz eta erdaldunengandik espero beharko genukeenaz. Gorka Torrek ez du... [+]
Euskarazko B2 maila dutela ez ziurtatzeagatik Eibarko Egogain zaharren egoitzako lan eskaintza publikotik kanpo utzi zituzten bi langileen alde ebatzi du Donostiako Lehen Auzialdiko 3. Epaitegiak, CCOOk jakinarazi duenez. 2024ko urrian, Gonzalo Pérez Sanz epaileak... [+]
Igande goizean elkarretaratzeak egin dituzte Euskal Herrian Euskarazek deituta, Geldi euskara zapaltzea! lelopean.
Administrazioa euskalduntzeko legeria aldatu beharra dagoela azpirramatzen du LAB sindikatuak eta hori lortzeko "herritarren aktibazioa" ezinbestekotzat hartu du. Hainbat ekimen eta mobilizazio egingo dituzte udazkenean.
Lapurdiko eskola batetik saiatu dira datorren ikasturterako Ganbara Hostel Bilbaon aterpea lotzen, baina Behatokian salatu dutenez, idatzizko komunikazioan euskaraz aritzeagatik zera esan diete azkenean: “Espainolez mintzatzen ez ginenez, ez gintuztela beren hotelean... [+]
Oraingoz hamabi gazte-taldek eman dute izena. Taldeen arteko bikoteak osatuko dituzte, eta haien arteko harreman informalak euskaratik eta euskaraz garatuko dituzte. Helburua da kontzientzia linguistikoa berpiztea. Euskal Herrian Euskarazek eta Gazte Euskaltzaleon Sareak abian... [+]
Hizkuntz Eskubideen Behatokiak argudiatu du kontraesanean daudela jardunaldien helburua, hau da, gaztelania bultzatzea, eta euskararen normalizazioa eta biziberritzea. Observatorio Global del Español erakunde antolatzaileari gutunez eman dio erabakiaren berri, eta 2024an... [+]
Donostiako Udaleko langileen batzordea osatzen duten bost sindikatuek (ELA, LAB, CCOO, Erne eta ESAN), akordioa egin dute, Euskaraldia dela-eta langileen parte hartze aktiboa sustatzeko eta euskaraz bizi eta lan egiteko aukerak bermatzeko. LABeko ordezkari Joseba Alvarezek... [+]
Nafarroako Unibertsitate Publikoko Euskara Taldeak inkesta bat egin du ikasleen artean. Halaber, euskara plana ikasturte honetan amaitzen dela ikusirik proposamen berriak egin dizkiote unibertsitateko zuzendaritzari. NUPen euskaraz ikastea "ezinezkoa" dela ere salatu... [+]
Ospitalizatuta dauden pazienteek eskumuturrekoan eramango dute “e” ikurra. Hala, osasun langileek badakite herritar horiek eskatu dutela euskaraz artatua izatea. Osakidetzak dio euskarazko komunikazioa errazteko beste tresna bat gehiago dela. Proiektu zabalago bateko... [+]
EHEk deituta, Baionan manifestazioa egin dute apirilaren 6an. Euskararentzat eta euskaldunentzat justizia eskatu dute, eta Euskararen Errepublika aldarrikatu. Hilaren 11n EHEko bi kide epaituko dituzte Baionako auzitegian desobedientzia ekintza bat egin izanagatik.
Behatokiak Hizkuntza Eskubideen Egoera 2024 txostena aurkeztu du. Herritarrek helarazitako gertakarien bilduma aztertuta, ondorioztatu dute 2024an egoerak ez duela hobera egin, eta gainera, kexak jaso dituzten hainbat entitateren eskutik urraketak iraunarazteko jarrera sumatu... [+]
Ez atera zalapartarik, ez konfrontatu, ez biktimizatu... eta obeditu. Subjektu zapaldu gisa, kasu honetan euskaldun gisa, mintzo gara, zenbatetan entzun behar izan ditugu halakoak? Ironiaz, honelaxe esan zuen, duela bi urte, Euskaltzale Independentiston Topaketan, Amets... [+]
Euskal Herrian Euskarazek manifestazioa deitu du apirilaren 6rako, 11n EHEko bi kide epaituko dituztelako. Hiriburuetatik autobusak antolatzen ari dira. Bi helburu bete nahi dituzte, batetik, epaituak izango diren bi kideei babesa erakustea, eta bestetik, euskararentzat justizia... [+]