Erreferendumerako Legea: urratsak eta erantzunak

  • Asteazkenean Kataluniako Legebiltzarrak orain arteko desobedientzia mugimendurik handiena egingo du: Urriaren 1eko Erreferendumaren Legea onartuko du.

Xabier Letona @xletona
2017ko irailaren 05a

Espainiako Auzitegi Konstituzionalak hainbatetan agindu dio Kataluniako Parlamentuari ez emateko hainbat urrats, batez ere 2015eko azaroaren 9an hark onartu zuen Independentzia adierazpena indargabe utzi zuenetik.

Asteazken goizean osoko bilkuraren aurretik egingo den bileran Erreferendumerako Legea tramitera onartuko da Legebiltzarreko Mahaian. Hori ibili da saihesten orain arte Junts Pel Sí eta hainbatetan horrek ekarri ditu desadostasunak CUPekin: Junts Pel Sík ahalik eta gutxien erori nahi zuen hau bezalako desobedientzia ekintza handian, eta CUPek desobedientzia hori gizartea erreferendumerako berotzeko tresna gisa nahi zuen.

Tramitera onartu eta berehala hilaren 5, 6 eta 7an osoko bilkuran bilduta dagoen Espainiako Konstituzio Auzitegiak bertan behera utziko du urratsa Legebiltzarrera bidaliko duen mezuaren bidez. Osoko bilkura hasi egingo da eta Junts Pel Sí eta CUPeko diputatuek berau etengo dute eta proposatuko dute Erreferendumaren Legea bozkatzea eta aurrera aterako dute bien botoekin. Parlamentuko araudiko 81.3 araua erabiliko dute horretarako; oso araudi ahula da parlamentu baten ikuspegitik eta prestatua dago Espainiako instituzioetako oztopoei aurre egiteko.

135etik 72 baiezko

Oposizioaren zati batek, PSCk, C,s-ek eta PPCk alde egingo du osoko bilkuratik, bozketan parte hartu gabe; beraz, 135 parlamentarioetatik 83 geratuko dira eta Junts Pel Sí eta CUPeko 72 botoekin onartuko da legea.

Erreferendumaren Legearen hirugarren artikuluak dio lege horrek katalanen oinarrizko erabaki eskubidea arautzen duela eta ez duela Kataluniako Parlamentua ez den beste inongo aginterik onartzen. Hau da, Espainiako legediari uko egiten diola.

Oraindik giltzarri den beste lege bat onartu behar du Kataluniako Legebiltzarrak, Deskonexiorako Legea. Ez dago garbi asteazkenean bertan edo ostegunean onartuko den, eta baliteke datorren astean izatea, 20 edo 21eko osoko bilkuran.

Espainiako agintarien erantzunaren zain

Hortik aurrerakoa dena zalaparta juridikoa izango da. Auzitegi Konstituzionalak erabaki beharko du nola parte hartu. Berez, ebazpen juridikoak emateaz gain, zigorrerako ahalmena ere badu 2015eko udazkenean Kataluniako prozesuari erantzuteko PPk bideratu zuen Auzitegiaren erreformarekin. Erabiliko du ahalmen hori? Denetatik irakur eta entzun liteke, baina ez dirudi hala izango denik, Auzitegiaren barruan magistratu guztiak ez direlako erreforma horren aldekoak eta une honetan kontsentsu bidea urratu nahi dutelako. Horrez gain, legezko oztopo eta zigorrak jartzeko bestelako bide ugari ere ikusten dituzte.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Kataluniako erreferenduma kanaletik interesatuko zaizu...
2018-09-20 | ARGIA
Botere Judizialeko epaileen gorroto mezuak independentisten kontra: "kolpistak", "naziak"...

Espainiako Botere Judizialean urriaren 1eko erreferendumaren aurretik eta ondoren epaileek txat bidez idatziriko mezu pribatuak argitaratu dituzte El Món eta El Diario.es egunkariek. Filtrazioak berehalako erreakzioa eragin du Katalunian, erantzukizun eske.


Epaile batek Espainiako hiru polizia deitu ditu deklaratzera U-1eko jokaeragatik

Bartzelonako 7.epaitegiak Pau Claris eskolako jokabideak aztertuko ditu. Deklaratzera deitu duten bat Mediterrània eskolako gertakariengatik ere ikertua izaten ari da.


Puigdemont eta gobernukideen aurkako euroagindua atzera bota du Llarena epaileak

Puigdemont eta bere gobernukideen euroaginduak atzera bota ditu, baina espetxean daudenei ez die baldintzapeko askatasuna eman.


2018-05-30 | ARGIA
Atzerriko kazetariak, adi honi: Espainiari buruz ondo hitz egiteagatik dirua eman nahi dizue Moncloak

Espainiako Atzerri Ministerioak Vianako Jauregia Kazetaritza Saria sortu du, Espainiako Estatuari buruzko irudi positiboa ematen duten atzerriko kazetarientzat. Kataluniako urriaren 1eko erreferendumaren kontra erabilitako bortizkeriak nazioarteko medioetan asko kaltetu zuen Rajoyren exekutiboaren irudia eta horri aurre egiteko mugimendua dirudi.


Ramˇn Font, USTEC hezkuntza sindikatu katalaneko bozeramailea
"Argitalpenak banatu ditugu irakasleei jakinarazteko ikasgelan politikaz hitz egin daitekeela"

Gorroto-delituagatik inputatuta dauden irakasleez, doktrinamendu salaketez, 155ak Kataluniako eskoletan utzi dituen ondorioez, nazio identitatean hezkuntzak duen rolaz… mintzatu gara Ramón Font irakasle eta USTEC hezkuntza sindikatu katalaneko bozeramailearekin.


2018-02-14 | ARGIA
Mireia Boya CUPeko kidea aske geratu da, kautelazko neurririk gabe

Asteazken goizean deklaratu du Espainiako Auzitegi Gorenean Mireia Boya CUPeko kide eta diputatu ohiak. Matxinada eta sedizio delituak leporatzen zizkioten, baina deklaratu ostean aske geratu da kautelazko neurririk gabe.


2018-01-19 | TV3 Telebista
U-1
MULTIMEDIA - dokumentala

2017ko urriaren batean, Kataluniako Gobernuak independentziari buruzko erreferenduma antolatu zuen. Espainiako Gobernuak debekatu zuen. Bozkaleku batzuetan gertatutakoaren kronika da honakoa. TV3ko Sense Ficció saioan eskaini zuten.

Gidoilaria eta zuzendaria: Lluis Arcarazo
Ekoizlea: Jaume Roures
Muntaia: Ona Bartroli
Musika: Xabier Capellas eta Aldred Tapscott

Itzulpena: EHtikMundura


2018-01-18 | Andoni Mikelarena
87 milioi euroko kostua izan du urriaren 1eko polizia operazioak, Zoidoren arabera

Espainiako Senatuan azalpenak eman ditu ostegun goizean Espainiako Barne Ministroak. Urriaren 1ean indar polizialek izandako jarrera defendatu du, “legitimoa, profesionala eta neurrikoa” izan zela argudiatuta.


2018-01-17 | Andoni Mikelarena
257 pertsonak lesioak salatu dituzte urriaren 1eko karga polizialengatik

Auzitegiek salaketa horietatik 110 artxibatu dituzte, lesio horien egilea ez identifikatzeagatik.


2018-01-05 | La Directa
Urriko lehen eguna
MULTIMEDIA - dokumentala

Kataluniako autodeterminazio erreferendumari buruzko dokumentala argitaratu dute La Directa eta dozenaka herri hedabidek elkarlanean egun hura jorratzeko propio sortutako Agència UOk. Urriaren 1ean hainbat hauteslekutan jasotako testigantzen bidez, Kataluniako historiara igaroko den egunean gertatu zena jorratzen dute.

Oharra: Euskarazko azpidatziak dauzka, eta youtubeko playerrean aktibatu behar dira.


Eguneraketa berriak daude