Erraustegiaren aurkako ekintza ugari izango da Orion hilaren 25ean eta 26an
"Hondakinen prozesu guztia aurreikusiko duen kudeaketa plan integrala" martxan jartzeko eskatu nahi dute ekintza horien bitartez. Uztailaren 26an erraustegiaren aurka egingo duten giza katean parte hartzera gonbidatu dituzte herritarrak.
Herritar talde batek erraustegiaren aurkako ekintza ugari antolatu ditu uztailaren 25 eta 26rako. Orioko hondartzako belardian egin duten prentsaurrekoan eman dute egitarauaren berri: 25ean, 12:00etan hasita, Oria ibaira doan errekako isurketen eta erraustegiaren irregulartasunen inguruko hitzaldia izango da, Felix Olaetxea eta Ainhoa Intaurraindietaren eskutik. Egun berean, gauean, Erraustegiari ateak ixten dokumentala emango dute. Uztailaren 26an, igandean, erraustegiaren aurkako giza katearekin borobilduko dute asteburua. Bizitza erdigunera. Errausketa gelditu lelo hartuta, mobilizazioan parte hartzera deitu dituzte herritarrak. Ekintza guztiak hondartza atzeko belardian izango dira.
Enara Etxeberriak eta Nadeth Arrutik azaldu dute "eraiki duten Gipuzkoa honetan" sortzen diren elikagai asko toxikoegiak direla merkaturatzeko. Haien hitzetan, aspaldiko urteetan ura, airea eta lurra kaltetzen ari diren enpresei intoxikatzeko bide emateaz gain, erraustegia jarri dute martxan. Erraustegiaren "kalte zuzenak" aipatu dituzte Etxeberriak eta Arrutik, tartean, Oria ibaira doan errekako isurketak eta horren ondorioz hilda azaldutako arrainak.
"Ikerketek frogatua dute hondakinen errekuntzak sortutako dioxina, furano zein material astunek osasunean sortzen dituzten gaitz eta ondorioak nabarmenak direla; minbiziak eta arnas sisteman kalteak, besteak beste", nabarmendu dute. Horrez gain, Co2 kopuruek klima aldaketan eragin handia dutela ere gaineratu dute.
Erraustegia eraiki ordez, alternatiba jasangarriagoak, ekonomikoki bideragarriagoak eta osasuna hainbeste arriskatzeko arriskurik gabekoak badaude, Etxeberriaren eta Arrutiren ustez. Horregatik, hondakinen prozesu guztia aurreikusiko duen plan integral bat martxan jartzeko eskatu dute, "minimizazioa bultzatu, produktuen eta materialen bizia luzatu, eta gaikako bilketa sistema eraginkor bat aurrera eramango duena". "Norbanakoen osasuna erdigunean jartzeko ardura eta kezka azalduko duen kultura" berreskuratu nahi dute, "agintari kriminalen txotxongiloak izateari utzita".
Egitaraua
Uztailak 25, larunbata
-12:00. Oria ibaira doan errekako isurketen eta erraustegiaren irregulartasunen inguruko hitzaldia, Felix Olaetxea eta Ainhoa Intxaurrandietaren eskutik.
-22:00. Erraustegiari ateak ixten dokumentalaren emanaldia.
Uztailak 26, igandea
-12:30. Bizitza erdigunera. Errausketa gelditu lelopean, giza katea.
Oharra: ekintza guztiak hondartzako belardian izango dira.
Mikel Jauregi sailburuaren esanetan Eusko Jaurlaritzak ez du "inolako arau hausterik atzeman" Ekondakinek Zubietako erraustegitik Artaxoako zabortegira bidalitako lixibiatuetan. Hala, ez du sozietate publikoa zigortuko, Nafarroako Gobernuak eskatu bezala.
Errausketaren Aurkako Mugimenduak Errausketaren aurkako giza katea egingo du datorren hilaren 8an Donostian. 11:00etan abiatuko da Alderdi Ederretik.
Zubietako erraustegitik Artaxoara eramaten zituzten lixibiatuengatik, Ekondakini zigor espedientea irekitzeko eskatu zion ekainean Nafarroako Gobernuak Eusko Jaurlaritzari.
Ostiralean herritar batek detektatu zuen ura ez zegoela garbi, baina ezin da jakin noiztik dagoen horrela. ARGIAk jakin duenez, URA agentziako kideak bertaratu dira Arkaitzerrekara. Aspalditik salatzen ari dira erraustegiaren isuriak eta kutsadura.
Artaxoako Ecofert enpresara baimendu gabeko hondakinak eramateagatik, Zubietako Ekondakin enpresari zigor-espedientea abian jartzeko eskatu dio Nafarroako Gobernuak Eusko Jaurlaritzako Ingurumen Sailari. Jose Maria Aierdi Nafarroako Ingurumen kontseilariak jakinarazi duenez,... [+]
Gipuzkoako erraustegiaren emisioen bost urteko jarraipenaren emaitzak aurkeztu ditu ToxicoWatch fundazioak. Emaitza kezkagarriak, bizidunei eta zehazki gizakiei osasun kalte larriak eragin diezazkieketen kutsatzaileez ari garelako. Emaitza nabarmenak, erraustegi berria eta ustez... [+]
Bost urtez aritu da laginak hartzen Toxicowatch erakundea erraustegiaren inguruko oiloen arrautzetan, goroldioan, zuhaitzetan, sedimenduetan eta ama esnean, besteak beste. 2019tik dioxina maila asko handitu da, baita metal astunak, PFASak eta beste gai oso kutsagarri batzuk ere... [+]
Zubietako erraustegia geratzeko Errausketaren Aurkako Mugimenduak deitutako oinezko martxan parte hartu dute larunbat goiz honetan.
Zubietako erraustegia ixteko eskaria atariraino eraman du Errausketaren Aurkako Mugimenduak larunbat honetan Lasarte-Oriatik abiatu duen oinezko martxan. Ertzaintzak sarbidea inguratua zuen atari horretan bertan plazaratu duen adierazpenean, erraustegia behingoz ixtea eskatu... [+]
Maiatzaren 18an, larunbatez, Zubietako Erraustegiaren aurkako martxa antolatu du Erraustegiaren Aurkako Mugimenduak (EAM). Lasarte-Oriatik abiatuko da, Okendo plazatik 11:00etan.
Zubietako erraustegi inguruan laginak biltzen bost urte daramatza ToxicoWatch fundazioak, metal astunen, dioxinen, PCBen eta PFASen bila. Horiek guztiak ageri dira laginetan eta gainera kutsaduraren “igoera kezkagarria” aurkitu dutela jakinarazi du Errausketaren... [+]
Eusko Jaurlaritzako Ingurumen sailak ez zuen Artaxoara eramandako hondakinen karakterizazioari buruzko informaziorik; hala dio Eusko Legebiltzarrera igorritako dokumentazioan. Gipuzkoako erraustegia kudeatzen duen Ekondakinek lixibiatuak bidaltzen jarraitu zuen, Ecofert enpresak... [+]
Bilboko Auzo Elkarteen Federazioak komunikatu bat eskaini du Gipuzkoako erraustegiko lixibiatuak Zorrotzara bidaltzeko asmoaren inguruan.
GuraSOS plataformak Zubietako erraustegiarekiko duten jarrera ukatzailea aurpegiratu zieten foru agintariei asteazkenean Gipuzkoako Batzar Nagusietan egindako agerraldian. GuraSOSen bozeramaile eta abokatu Joseba Belaustegik azaldu zuenez, egungo arazoen aurrean beste alde... [+]