Ernai-ren webgunea ixteko agindu du Auzitegi Nazionalak, "terrorismoa goratzeagatik"
Espainiako Auzitegi Nazionalak Ernai gazte erakundearen webgunea ixteko agindu du "terrorismoa goratu izanagatik", Eloy Velasco epaileak autoan dioenez.
Martxoaren 30ean hil zen Xabier Lopez Peña presoaren argazki batean ageri zen Agur eta ohore leloan oinarrituta , webguneak presoa goraipatzen duela dio autoak. Maiatzaren 9an webgunearen arduradun Aitor Ortuondok inputatu gisa deklaratuko du.
Gazte antolakundeak "amorrua anbizio bilakatzeko gaitasuna" azpimarratu du. Atxiloketa prozesuaren atzean dagoena salatzea ez ezik, Ernairen norabidea zehaztu du.
Bilbon, Espainiako Gobernuaren ordezkariordetzan egin dute ekintza; Gasteizen, Ertzaintzaren komisaldegi atarian. Ertzaintza gazteen aurka oldartu da, eta Gasteizen bost pertsona atxilotu ditu.