Beste xomorro asko hiltzearekin batera erleen galera masiboen errudunak direlakoan, Europar Batasunak onartu du debekatzea –aire zabalean– munduan gehien erabiltzen diren pestizidetako batzuk, neonikotinoide deituak. Urteotan presio kanpaina gogorra egin behar zian dute ingurumenaren aldeko ekintzaileek oraingo erabaki hau lortzeko.
Neonikotinoideak 1990eko hamarkadatik izugarri zabaldu den intsektizida multzo bat dira, baina iritzi publikoak askoz beranduago izan du haien berri. ARGIAk bere garaian zabaldu zuenez, 2013ko urtarrilean argitara emandako txosten batean, Elikagaien Segurtasuneko Europar Agintaritzak (EFSA) adierazi zuen neonikotinoideen erabileraren eta erleen desagerpenaren arteko lotura estua zegoela. Horren ondorioz, Europar Batzordeak substantzia horietako hiruren (imidacloprid, tiametoxam, klotianidina) erabilera zeharo mugatzeko proposamena egin zuen.
Erleei kalte larria eragiten dietela-eta, hainbat intsektizida neonikotinoideren erabilerari muga zorrotza jartzeko proposatu zien duela bost urte Europar Batzordeak bere estatu kideei, baina arrakastarik gabe. Aurretik Alemanian debekatzea lortua zuten erlezainen bultzadaz horietako pozoi batzuk. Baina betidanik substantzion egile diren multinazionalak nekaezin aritu dira, beren produktuak debekatuak ez izateko borrokan. Horiei aurre egiteko ekintzaileek, informazioa zabaltzeaz gain, sinadura bilketa antolatu zuten: bost milioi sinadura batzea lortu zuten EBko agintariei presio egiteko. Fruitua orain ikusi da eta sei hilabete barru ezingo da gehiago horrelako botikarik erabili nekazaritza, baratzekintza edo hirietako berdeguneen zaintzan.
Mundua, eta bereziki Mendebalde industrializatua, xomorroen hekatonbea ari da eragiten urteotan, ikerlariek erakutsi dutenez ekosistemaren osagai basati horien kopuruak beldurgarriki murriztuta. Neurrion bila lanean aritu direnek, aitorturik urrats bat baizik ez dela EBaren erabakiarekin lortua, alai ospatu dute:
🎶Buzz buzz buzz buzz Stayin' Alive! EU Member States are voting today on extending restrictions on #neonicotinoids @EU_Commission https://t.co/9Lxz6Ee6g6 pic.twitter.com/ID3fDWD9pp
— BeeLife European Beekeeping Coordination (@BeeLifeEU) April 27, 2018
AEBetako ikertzaile-talde batek 62 giza karena edo plazenta analizatu ditu, gas-kromatografia eta masa-espektrometria baliatuta, eta frogatu du lagin guztietan mikroplastikoak zeudela. Toxicological Sciences aldizkariak argitaratu du ikerketa. Haren arabera, karen batzuetatik... [+]
Laborariak karrikara atera dira Europa osoan, bizi eta lan baldintza hobeak aldarrikatzeko. Mobilizazioek eragin duten krisi politikoari, pestizidak apaltzeko planaren gibelatzearekin iharduki dio Europako Batzordeak.
40 urtez zabortegi gisa erabilitako eremu batean ari dira eskola publikoa eraikitzen. Kutsadura arriskuak kontuan harturik, leku aldaketaren alde dabil borrokan Hats Berri Bat Arbonari deitu oposizioko taldea. 2024ko irailean abiatuko den ikasturterako bukatu nahi ditu obrak... [+]
20 urte baino gehiago daramatza euskal kostaldea inguratzen duten itsas hondakinak biltzen, tartean, palletak eta mikroplastikoak. Oraindik plastikozko bolatxoak gurera iritsi ez badira ere, "edozein unetan" iritsi daitezkeela ohartarazi du.