Erkoreka gezurretan ari da: foam jaurtigaiek ez dute errebotatzen
Poliziak berak azaldu izan du jaurtigai horiek "zehaztasun" handiagoa dutela eta apuntatzen den tokian jotzen dutela. Zalantzagarria da, beraz, Segurtasun sailburuak esandakoa; Tolosako Inauterietan begian zauritutako gaztea "istiluetan parte hartzen" ari zela ere adierazi du berriki, Ertzaintzaren erasoa justifikatzeko.
Ertzaintzak Tolosako (Gipuzkoa) Inauterietan egindako erasoei buruz Josu Erkorekak egindako azken adierazpenek hautsak harrotu dituzte. Zaldunita gauean, Inauteriak ospatzen ari zen jendetzaren kontra kargatu eta hiru gazte zauritu zituen Ertzaintzak, foam jaurtigaiak erabilita. Horietako bat, 16 urteko villabonar bat, begian zauritu zuen Poliziak. Bada, honakoa da Eusko Jaurlaritzako Segurtasun sailburuak esan duen azkena, Ertzaintzaren oldarraldia justifikatzeko: gau horretan kalean izan ziren ustezko "istiluetan parte hartu" omen zuen Poliziak begian zauritutako gazteak.
"Ondorio nagusia da zauritutako pertsona ez zegoela han kasualitatez; ez zegoela paseatzen, [...] ez zegoela istiluak ikusi eta alde egiten. Istiluen barruan zegoen", esan du Erkorekak. Bestalde, sailburuak behin eta berriz baieztatu du Ertzaintzak ez zuela zuzenean tiro egin gazte villabonarraren kontra: foam jaurtigai batek "zeharka" jo omen zuen mutila, beste pertsona bati besoan jo eta "errebotatu" ondoren.
Foam jaurtigaien zehaztasuna: Katalunia
Poliziak berak toki ugaritan emandako azalpenek, ordea, gezurtatu egiten dute Erkorekaren eta polizia-iturrien bertsioa. Esanguratsuak dira Katalunian ezarritako neurrien harira emandako azalpenak. 2014ko apiriletik, Kataluniako mossoek debekatuta daukate gomazko pilotak erabiltzea. Kataluniako Parlamentuak hartu zuen neurria, hain zuzen ere, 2012an Esther Quintana bartzelonarrak begia galdu ostean, Poliziak gomazko pilota batekin jo eta gero. Espainiako Poliziari eta Guardia Zibilari ez zieten debeku hori ezarri, baina bai polizia-indar autonomikoari. Hori dela-eta, foam jaurtigaiak erabiltzeari ekin zioten mossoek.
Espainiako Gobernuak 2019an argitaratutako artikulu baten arabera, Poliziak berak azaldu zuen orduan "zehatzagoak" direla foam jaurtigaiak eta ez dutela "errebotatzen": "Horregatik, ez dira arriskutsuak herritarrentzat". Kataluniako Polizia autonomikoak, dena den, askoz ere lehenago eskuratu zituen foam jaurtigaiak: 2011n erosi zituen, Erregearen Kopako final baten harira.
Kataluniako gertakariek eta neurriek sona hartzean azaldu zutenez, 40 milimetroko diametroa daukate foam jaurtigaiek, eta material biskoelastikoarekin daude eginda. Berezitasun modura azpimarratu zuten jaurtigai horien zehaztasuna. Hala jaso zuen Diario-k 2021ean, esaterako: "Zehastasunezko jaurtigai bat denez, eragiten dituen lesioak zuzeneko inpaktu baten ondoriozkoak dira, eta ez kontrolik gabeko errebote baten ondoriozkoak".
Beste askoren artean, 2021eko otsailean, foam jaurtigai batek jota galdu zuen begi bat pertsona batek: Bartzelonan eraso zioten mossoek, Pablo Haselen espetxeratzearen kontrako protestetan. Garai hartan, hala ohartarazi zuen zaurituaren abokatuak: "Nabarmena da foam jaurtigai bat izan dela. Apuntatzen den tokian inpaktatzen duen jaurtigai mota bat da".
Berdin-berdin hilgarriak
Ertzaintzak 2012an erail zuen Iñigo Cabacas, Bilbon (Bizkaia), pilotakada batez. 2014ko urtarrilean, pilotak jaurtitzeko eskopeten erabilera mugatu zuten Euskal Autonomia Erkidegoan: teorian, Brigada Mugikorreko unitate espezializatuek baino ezin dituzte erabili, eta "salbuespen-egoeretan" soilik. Ertzaintzak, hortaz, gomazko pilotak erabiltzen jarrai dezake: joan den igandean bertan, Gasteizko (Araba) sarraskian eraildako langileak oroitzen ari ziren manifestarien kontra oldartu ziren ertzainak, eta gomazko pilotak nahiz foam jaurtigaiak erabili zituzten euren kontra.
Cabacasen erailketaren ondoren, dena den, foam jaurtigaien erabilera zabaldu zuen Eusko Jaurlaritzak. Agintaritzek eta polizia-iturriek hainbatetan ulertarazi izan dute foam jaurtigaiak ez direla hain "kaltegarriak". Baina errealitatetik urrun dago hori, eta arma horien bidez zauritutako hamaika lagunen kasuek argi erakusten dute; hala nola, Tolosan gertaturikoak.
Tecnaliak berriki egin du txosten bat foam jaurtigaiei buruz, Jaurlaritzako Segurtasun Sailak eskatuta. Berria-k jaso ditu ondorioetako batzuk: SIRX motako foam jaurtigaiak hilgarriak izan daitezke, hamar metro baino gertuagotik botaz gero. "Teknikariek txosten horretan azaldu zuten oso zaila dela horrelako armen arriskua neurtzea", gaineratu zuten egunkarian. Teknikari horien zenbait hitz ere jaso zituzten: "Hain hilgarriak ez diren jaurtigaiek kalte larri edo hilgarriak eragin ditzakete gorputzaren zenbait ataletan joz gero; buruan, esaterako".
Arrazekeriaren aurkako eragilearen arabera, pertsona baten aurka piperbeltz espraia erabili du Poliziak, eta hainbat lagun identifikatu dituzte. Foruzaingoak eta Udaltzaingoak baieztatu dute pertsona bat atxilotu dutela, "ez laguntzeagatik eta aurre egiteagatik".
Kasuan "inpunitatea gailendu ez dadin" egingo du lan, "Poliziaren berezko izaera salatzearekin batera". Hiru aldarri zehatz egin ditu: foam balak eta jaurtigaiak debekatzea, polizien identifikagarritasuna bermatzea, eta brigada mugikorraren desegitea.
17 urteko gazteari tiro egin zion Frantziako poliziak bere nahia bete du, eta Ipar Euskal Herrira ekarri dute lanera. Polizia gehiegikeriaren ondorioz hildako Merzouken kasuak mobilizazio eta protesta ugari eragin zituen Frantziako Estatuan.
Apirilean gertatu zen, Etxarri II gaztetxearen desalojoan, eta tiroaren ondorioz barrabila galdu zuen Iker Aranak. Aranak berak emandako materialetik identifikatu dute ertzaina.
Rosa Zarraren hilketaren 30. urteurrena da ekainaren 30ean. Ekainaren 29an, biolentzia polizialaren biktimaren omenaldian, hainbat eskakizun egin zituen Egiari Zor fundazioak. Zarraren familiak Juan Mari Atutxa Segurtasun sailburu ohiari barkamena eskatzea galdegin dio.
Hernaniko Txosna Batzordeak azaldu duenez, gutxienez hiru eraso arrazista izan ziren herrian ekainaren 23ko gauean, eta horren harira zabaldutako “bulo eta gezur arrazistak” salatu ditu. Udalak ere adierazpen instituzionala onartu du gertaturikoa gaitzesteko. Amher... [+]
Lagun marika batek deitu dit galdetzeko nola salatu dezakeen hurrengoa: joan zen Akarlandara, EHUren parean dagoen parkera, eta komun publikoetan bi tiporekin zegoela, udaltzainen bizpahiru kotxe agertu ziren super azkar, poliziak sartu ziren komunera borrekin hormak kolpatzen,... [+]
‘Sanfermines de 1978. Los victimarios’ liburua kaleratuko du Txalaparta argitaletxeak. German Rodriguezen heriotzaren erantzule eta arduradunak biltzen ditu.
Bilboko hooligan inbasioari buruz idatz nezakeen, baina herri txiki batean bizi naiz ni eta ez dut sufritu. Euskaraldiari buruz idatz nezakeen, eskerrak emateko euskarari bizkarra ez ematen lagundu gaituzuenoi, baina ez da hori gorputzak eskatzen didana.
Egunak daramatzat gai... [+]
2023ko abuztuan, Bilboko Kale Nagusian, saltzaile ibiltari baten defentsan Poliziari aurre egin zion emakumeari hiru urteko espetxe zigorra eskatzen dio udaltzain batek. Bideo batek Poliziaren kontakizuna ezbaian jartzen du.
Ertzain talde bat bi gazte jipoitzen ileapaindegi batean. Lokal barrura sartu dituzte, San Frantzisko kaleko segurtasun kamerek polizia gehiegikeriak filmatu ez ditzaten, baina seguruenik ez zuten espero negozio horrek ere segurtasun kamera zuenik. Bilboko Kontseilu... [+]
Eusko Jaurlaritzako Segurtasun sailburuak esan du litekeena dela "ertzainen baten jokabide desegokiaren" ondorioz zauritu izana gizona. Pertsona horrek salaketa jarri zuen eta Ertzaintzaren barne ikerketa batek baieztatu du foam jaurtigailu baten inpaktua jaso zuela.
Mariaren Bihotza plazan egingo dute elkarretaratzea, 18:30ean, ertzainek erasotako pertsonei elkartasuna adierazteko eta inpunitate polizialari ezetz esateko.
Poliziaren indarkeria erregistratzen ditu Donostiako Txago kolektiboak. Berriki 2024 urteko Karrikaratu txostena aurkeztu du, zeinean jasotzen diren Poliziaren indarkeria formak, estrategiak, ezaugarri nagusiak, edo jo puntuan dituzten herritarren tipologia. 156 esku hartze... [+]
Ospitaletik irten eta berehala prentsaurrekoa eman du Iker Aranak, Errekaldeko gaztetxearen aurrean. Gaztetxearen desalojoan ertzainek "neurrigabeko indarkeria" erabili zutela salatu du, eta salaketa hurrengo egunetan aurkeztuko du.