Eric Olhats futbol behatzailea atxilotu dute, Baionan entrenatzaile zela adin txikiko bat bortxatzea leporatuta

  • Pertsona batek salatu du adin txikikoa zela bortxatu egin zuela Eric Olhatsek. Aurretik ere salatu izan dute erasoak gauzatu izanagatik, eta Fiskaltzak jakinarazi duenez, Poliziak eraso gehiagoren berri ere badu.


2022ko maiatzaren 12an - 13:09

Eric Olhats futbol behatzailea atxilotu zuen Frantziako Poliziak asteazkenean, eta ostegunean jakinarazi du fiskaltzak atxiloketaren arrazoia: adingabe bat bortxatzea leporatzen zaio. Zehazki, erasoa Baionako Avironen gazte mailako entrenatzaile zen garaian egin izana egozten zaio, 1990eko hamarka amaiera eta 2000ko hamarkada hasiera arteko epe-tartean.

Iazko abuztuan jarri zuen salaketa erasoa pairatu zuen pertsonak, eta Olhatsek bortxatu egin zuela adierazi zuen. Fiskaltzaren arabera, akusatuak egindako eraso gehiagoren jakitun da Polizia.

Aurretik ere erasoa egin izanagatik salatu izan dute Olhats. 2009an Realak behin-behinean kanporatu zuen, futbol taldearen Frantziako behatzailea zenean. Berrian irakur daitekeenez, adingabeak galbidean jartzeagatik kondenatu zuten, eta epaiaren arabera Olhatsek "sexu eduki desegokia" zuen sms mezu bat bidali zion 13 urteko jokalari bati. Zigor gisa ezarri zioten hiru urteko espetxealdia, hamar hilabetez adingabeekin lan egiteko debekua eta erasotuari eta haren gurasoei kalte-ordaina ordaintzea.

Gertakari haren ostean Realarentzat lanean jarraitu zuen 2018ra arte, eta egun Espainiako Atlético de Madrid taldearentzat egiten du lan, taldearen Frantziako behatzaile modura.

 

 


Irakurrienak
Matomo erabiliz
#1
Gorka Bereziartua
#3
AEK koordinakundea
#4
Ruben Sánchez Bakaikoa
#5
Azoka
Kanal honetatik interesatuko zaizu: Sexu Erasoak
Gasteizen gizon bat atxilotu dute bikotekide ohia hainbat orduz lonja batean giltzaperatuta izan ostean

Ertzaintzak jakinarazi duenez, gizonak Gasteizko Alde Zaharreko lonja batean bahituta izan du emakumea zenbait orduz eta hainbat alditan egin dio eraso. Gizonak, urruntzeko agindua zuen, aurrez egindako tratu txarrak tarteko.


2024-03-15 | ARGIA
Gizon bati Iruñerriko institutu batean eta saltoki batzuetan emakumeak grabatzea leporatu diote

2023ko urrian jarritako salaketa baten harira, gizonaren etxeko gailu informatiko eta elektronikoak ikertzen ari da Foruzaingoa, eta material horretan aurkitu dituzte institutu bateko emakumeen komunetan egindako grabazioak, eta hainbat saltokitako aldageletakoak. Adimen... [+]


Lau urteko kartzela zigorra ezarri diote 41 urteko gizon bati Iruñean, bikotekideari sexu erasoak egiteagatik

Zortzi urtean ezingo da bikotekide ohiarengana hurbildu eta 5.000 euroko kalte ordaina eman beharko dio.


Bi gizon atxilotu dituzte Galdakaon, sei adingaberi sexu erasoak egitea egotzita

Polizia-ikerketa zabalik dago eta atxilotuei konfiskatutako material informatikoa eta gailu elektronikoak aztertzen ari dira. Ertzaintzak uste du biktima gehiago egon daitezkeela. Antza, "opariak" ematen zizkieten trukean.


2024-02-13 | ARGIA
Bi gizon atxilotu dituzte Tolosan eta Ibarran, hiru sexu-eraso egitea egotzita

28 eta 37 urteko bi gizonezko atxilo hartu ditu Ertzaintzak, bata Tolosan eta bestea Ibarran. Biktimetako bi adin txikikoak dira.


Eguneraketa berriak daude