Erandioko Udalak helegitea jarriko dio euskararen derrigortasuna ezabatu zuen epaiari

  • Aurreko barikuan, hainbat herritarrek bat egin zuten Berbots euskara elkarteak eta ELA eta LAB sindikatuek deitutako elkarretaratzeagaz. Halaber, Erandioko gobernu-taldeak iragarri du helegitea aurkeztuko duela Bilboko Administrazioarekiko Auzietako 1 zenbakiko Epaitegiak udaltzain bati B2 euskara maila eskatzea errefusatzen duen erabakiaren aurka.

Barikuan, Berbots euskara elkarteak eta ELA eta LAB sindikatuek deitutako mobilizazioaren irudi bat. Argazkia: LAB sindikatua

2023ko maiatzaren 09an - 08:30

Euskararen ezagutza eskakizunaren derrigortasuna atzera botatzeko epaitegien azken erabakiak hautsak harrotu ditu Erandion, eta hainbat eragilek, alderdi politikok eta erakundek epaiaren aurkako haserrea adierazi dute. Hasteko, Erandioko Udalak jakinarazi du helegitea jarriko duela epaiaren aurka.

Udal-iturriek jakinarazi dutenez, bere legelarien ustez, "agentearen salaketa ez zen izapidetzeko onartu behar; izan ere, 2007ko derrigortasun-data LZren (Lanpostuen Zerrenda) aurreko onarpen batean jarri zen. Onarpen horrek prozedura osoa behar bezala jarraitu zuen, eta irmoa eta onartua da, bere garaian errekurtsorik egon ez baitzen.

Udaleko legelariek gaineratu dutenez, "ez da onargarria administrazioarekiko auzi-errekurtsoa, aurreko egintza behin betikoen eta irmoen erreprodukzio diren egintzei buruzkoa, ez eta epe eta forma arruntean errekurritu ez direlako onartutako egintzen berrespen-egintzei buruzkoa ere".

Euskararen eta udalen autonomiaren aurkako erasoa

Beste alde batetik, bariku arratsaldean, hainbat herritarren manifestazioa egin zuten Irailaren 23a plazan epailearen erabakia salatzeko. Berbost euskara elkarteak eta ELA eta LAB sindikatuek egin zuten deialdia, adieraziz epailearen erabakia "udal-autonomiaren aurkako eraso judiziala" eta "euskararen kontrako oldarraldia" izan dela, eta epaileak normalizatu gura duena dela "espainolaren nagusitasuna". Era berea, Udalari eskatu diote hizkuntza-eskubideak "irmoki babesteko" eta EAEko erakundeei dei egin diete "oinarri juridiko sendoagoak lantzeko euskaldunon hizkuntza eskubideak bermatzeko".

Ildo berea, Erandioko EH Bilduk ere epaia gogor kritikatu du, deitoratuz euskararen eta herritar euskaldunen eskubideen aurkako eraso onartezina dela. "Euskararekiko atxikimendua erabat nagusi den bitartean, botere judizialak euskarari etengabe erasotzen dio, hizkuntza-eskubideak arriskuan jartzeraino", salatu dute. Halaber, egin duten komunikatuan gaineratu dutenez, "erandioztarrek eskubide osoa dugu Administrazioarekin nahi dugun hizkuntza ofizialean harremanak izateko, eta epai honek eskubide hori urratzen du erabat. Horrelako epaiak gure hizkuntza gehiago zokoratzeko ematen dira, gaur egun oraindik zapalduta jarraitzen baitu, eraso horiek erakusten diguten bezala".


Kanal honetatik interesatuko zaizu: Euskaldunen aurkako erasoak
Baxoko ahozkoa ikasleei euskaraz egiten lagunduko diete ehun bat irakaslek

Irakasleek baxoko ahozkoa euskaraz egiten laguntzeko ekintza egingo dute. Soinean ahobizi eta belarriprest txapak eramango dituzte, ikasleei adierazteko “babes osoa” dutela euskaraz mintzatzeko azterketan.


Donostiako autobus gidari baten jarrera euskarafoboa salatu dute

Donostiako autobus gidari batek maiatzaren 2an, bere hizkuntza eskubideak urratzeaz gain, erantzun euskarafoboa bota ziola salatu du herritar batek. Gertakari horren berri Hizkuntza Eskubideen Behatokiak eman du. ARGIAk pertsona horrekin hitz egin du, zer gertatu zen jakiteko.


2024-06-12 | Ane Labaka Mayoz
Euskaraz jaio

Carmen Junyent hizkuntzalaria izan zen katalanez hil ahal izatea bere azken hatseraino aldarrikatu zuena. Hil hurren zela, osasun-langileekin izandako bizipenak idatzi, eta bera hil ondoren argitara zitzatela eskatu zuen. Hizkuntza pertsona batek beste batekiko duen trataeraren... [+]


2024-06-06 | Aiaraldea
Atxikimendu kanpaina abian, Amurrioko Udalak dirulaguntza itzuli diezaion Aiaraldea Komunikabideari

Hemen eman ahal zaio atxikimendua manifestuari. Agerraldi herritarra egingo da ekainaren 21ean, 19:30ean Amurrioko Udaletxearen aurrean. 


2024-05-31 | Ahotsa.info
Administrazioan Euskaraz taldea
“Nafarroako Kontseiluaren jardun euskarafobikoa salatzera etorri gara”

Administrazioan Euskaraz taldeak Nafarroako Kontseiluaren jardun euskarafobikoa salatu du ekintza baten bidez. Nafarroako Gobernuak euskarako dekretua prestatzen bost urte eman ondoren, Nafarroako Kontseiluari zirriborroa aurkeztu dio.


Eguneraketa berriak daude