Miguel Angel Martinez (KEM-MOC)

"Eragozpen fiskaletik lortutako dirua alternatiba eraldatzaileak bultzatzeko bideratzen dugu"

  • Eragozpen fiskaleko kanpaina abiatu dute aurten ere hainbat elkartek EAEn. Errenta aitorpenean gastu militarrei eta azpiegitura handiei uko egin eta bidezko proiektuak finantzatzeko kanpaina honek iaz 100.000 euro desbideratzea lortu zuen Espainiako Estatuan. Helburuekin bat egiten duten herritarrak laguntzeko zerbitzua eskaintzen dute www.eragozpenfiskala.org webgunearen bitartez eta horretarako EAEn jarritako bulegoetan. Miguel Angel Martinez Bilboko KEM-MOCeko kidea ari da kanpainaz arduratzen.

Xalba Ramirez @xalbaram
2017ko ekainaren 20a
Besteak beste, gastu militarrera eta zenbait azpiegitura handitara norberaren zergetatik dirurik ez bideratzeko laguntzen dute eragozpen fiskalerako bulegoetan.

Zer da eta zergatik egiten duzue eragozpen fiskaleko kanpaina?

Lehenik eta behin argi utzi nahi dugu ez dela zerga gutxiago pagatzeko kanpaina bat. Errentaren aitorpenaren bitartez, bidezkoak ez diren aurrekontuen finantziazioari uko egitea da. Honela, gastu militarrari, bankaren erreskateari, mugen militarizazioari, Abiadura Handiko Trena eta halako makroegiturei… doakien dirua, izaera eraldatzaile eta solidarioa duten alternatibak lagundu eta bultzatzeko bideratzen da. Bakea, justizia soziala, feminismoa, antimilitarismoa… oinarri duten proiektuetara bideratu nahi dugu dirua.

Zein helbururekin jarri zenuten martxan?

Duela 30 urtetik egiten da kanpaina hau. Estatu mailan koordinatua dago baina, EAEn ezaugarri bereziak ditugunez gure kanpaina propioa egiten hasi ginen iaz Setem eta KEM MOC-en artean. Aurten Mundubat, ESK, Fiareren babes taldea, Ekologistak Martxan, Mundubat eta Kakitzatekin batera ari gara aurrera ateratzen.

Nola egiten da?

Urrats teknikoak pixka bat konplikatuak dira zenbakiez asko ulertzen ez dugun herritarrontzat, horregatik jarri dugu martxan arreta zerbitzua. Gure webgunean dugun telefonora deitu eta hitzordua jartzen dugu Bizkaian, Gipuzkoan eta Araban ditugun bulegoetan, eta bertan doako zerbitzua eskaintzen dugu.

Edozein kopuru erabaki dezakegu eta ondoren kopuru hori nahi dugun elkarteari eman. Ekintza honen helburua, esan bezala, ez da zerga gutxiago ordaintzea, baizik eta desbideratze bat egitea. Horregatik egin dugun diru sarreraren ordainagiria igorri behar dugu aitorpenarekin batera Diputazioari, nahi izanez gero gure ekintzaren zergatiak esplikatzeko ohar batekin.

Desobedientzia zibileko ekintza bat izanik, zein ondorio izan ditzake?

Desobedientzia zibilak bidezkoak ez diren legeei aurre egitea dakar eta eragozpen fiskala hori da, irregulartasuna. Beraz, ogasunak harrapatuz gero atzera botako digu, normalean nahastu garela esanez, eta batzuetan %5eko “zigorrarekin”. Horregatik desbideratzen duguna neurtu behar dugu eta gure gain hartu dezakegun kopurua izan behar da, guk normalean 84 euroko eragozpen sinbolikoa gomendatzen dugu.

Jende askok zalantzak izaten ditu, baina guk beldurrik ez izatera animatzen ditugu. Izan ere, oso gutxitan botatzen dute atzera, ogasunarentzat oso zaila delako irregulartasun guztiak kontrolatzea.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Desobedientzia zibila  |  Antimilitarismoa  |  Bilbo

Desobedientzia zibila kanaletik interesatuko zaizu...
Urriaren 1a
Urtebete geroago dena zabalik

Urtebete joan da Txarangok “ho tindrem tot i es parlarà de vida” [dena izango dugu eta bizitzaz hitz egingo da] leloarekin erreferendum-kanpaina alaitu zuenetik. Une gogoangarri asko baina aurrerabide gutxi ikusi ditugu joan den 365 egunean: ANC eta Òmnium-eko presidenteen espetxeratzea, erreferenduma, poliziaren bortizkeria, baiezkoaren garaipen borobila, gerra zibilaz geroztiko grebarik handiena, independentzia-aldarrikapen zapuztua, “dena prest zeukaten”... [+]


2018-09-30 | Saioa Baleztena
Alejandra Rayas
"Mobilizazio baketsuaren sendotasuna da Kataluniaren itxaropena"

Barcelonetako Mediterrània eskolako erasoetan Espainiako Poliziak zauritu izanagatik gogoratzen du batek baino gehiagok Alejandra Rayas (Queretaro, Mexiko, 1970). Urriaren 1eko lehen urteurrena betetzear dela, eta, kolpatu zuen guardia zibilaren aurkako epaiketarekin zer gertatuko den jakiteko “adi” dagoen bitartean elkarrizketatu dugu.


2018-09-30 | Saioa Baleztena
Jordi Pesarrodona
"Eraso faxistak eteteko gai izango da Kataluniako mugimendu baketsua"

Irailaren 20an Espainiako Poliziak Generalitatearen Herrizaintza Sailean egindako miaketak salatu asmoz sudur gorria jantzi zuen guardia zibilen aurrean Jordi Pesarrodonak (1960). Pailazoa eta Sant Joan de Vilatorradako kultura zinegotzia (ERC) da. Urriaren 1ean, bere herriko eskolan erresistentzia egiteagatik auzipetu zuten. Lau delitu egotzi zizkioten: desobedientzia, autoritatearen kontrako erresistentzia larria, lidergo iskanbilatsua eta gorrotoa sustatzea.


Lau ekintzaile espetxeratu dituzte Ingalaterran, frackingaren makinaria zeramaten kamioietara igo zirelako

Frackingaren aurkako lau ekintzaile espetxeratu dituzte irailaren 25ean, frackingerako lurra zulatzeko makinaria garraiatzen ari ziren kamioietara igo eta beren lana oztopatzeagatik, The Guardian egunkariak jaso duenez.


2018-09-26 | ARGIA
Zazpi gazteren atxilotze eta espetxeratzea "legez kontrakoa" izan zela ebatzi du Konstituzionalak

2015ean atxilotu zituen Ertzaintzak Segikoak izatea leporatuta Espainiako Auzitegi Nazionalak epaitutako zazpi lagun, horietatik hiru Gasteizen egindako “herri harresian”. Defentsak Auzitegi Gorenean jarrita zuen helegitea aintzat hartu eta gazteak kartzelaratzeko agindua baliogabea eta “legearen eta Eskubidearen kontrakoa” dela esan du orain Konstituzio Auzitegiak.


Code Rood mugimendua
Ehunka lagunek enpresa kutsakor bat blokeatu dute hiru egunez Herbehereetan, klima aldaketaren aurka

Code Rood mugimenduak bigarren aldiz blokatu du klima aldaketa eragiten ari den enpresa kutsakor bat, Herbehereetan. NAM izeneko enpresak gas tankeak dauzka Groningen hiritik gertu, eta bizilagunak gune kutsakorra izateaz gain, lurrikarak eragiten dituela salatzen ari dira. 700 lagunek desobedientzia zibileko ekintza prestatu eta 50 orduz sarbideak itxi zituzten, enpresaren lana etetea lortuz. Bost lagun zauritu zituen poliziak. Jarraian ekimenaren argazki eta bideoak.


2018-07-10 | Nahia Ibarzabal
LGBT bandera argitara atera du irudimenak Errusian

Errusian debekatuta dago LGBT bandera kalera ateratzea. Sei ekintzaile hego amerikar hauek ez dira isilik eta geldi geratu ordea. Bakoitzak herrialde bateko futbol kamiseta jantzi eta bandera osatu ostean kalera irten dira. Sare sozialetan asko zabaldu da beren ekimena. ://twiom/harleivy/satus/10159834064197918


2018-07-09 | ARGIA
New Yorkeko Askatasunaren Estatua eskalatu zuen ekintzaile batek Trumpen migrazio politiken aurka

Donald Trump AEBetako presidentearen politiken aurka protesta egiteko New York hiriko Askatasunaren Estatua ezaguna eskalatu zuen Kongoko Errepublika Demokratikoko emakume batek joan den asteazkenean, Democracy Now gunean irakur daitekeenez.


2018-07-03 | ARGIA
600 emakumeren desobedientzia ekintza AEBetako Senatuan haurrak gurasoengandik bereiztearen aurka

Washington DC hirian Trumpen administrazioaren migrazio politiken aurkako desobedientzia zibileko ekimenean 600 emakumetik gora atxilotu dituzte, Democracy Now egunkariak jaso duenez. AEBetako Senatuaren eraikinean sartu eta lurrean eseri ziren joan den ostegunean.


2018-06-12 | Nahia Ibarzabal
Zure zergekin gastu militarra ez ordaintzeko gida azkarra

Aurrekontuetatik 20.000 milioi euro gastu militarrerako izatearekin desados egonez gero, ez ordaintzeko aukera dago.


Azkenak
EGILEA
Eguneraketa berriak daude