Erabaki eskubidea Espainiatik bueltan dator orain
2014ko esperientzia arrakastatsua errepikatu nahi izan zuen 2015ean Gure Esku Dagok eta jendetza atera zen euskal hiriburuetara, baina ez zen giza katearen jende uholdea errepikatu. Erabakitzeko eskubideaz hausnarketa sakona behar da haren aldekoen artean, baina 2015a ideia horren bueltan amaitu da: Hego Euskal Herrian erabaki eskubidea onartzen duen estatu mailako alderdia atera da garaile Espainiako hauteskunde orokorretan: Ahal Dugu. Ez da berritasun makala.
Datozen bi urteetako erronken berri eman du erabakitze eskubidearen aldeko ekimenak larunbatean Bilboko Kafe Antzokian. “Herri libre bat nahi dugu, mugimendua sortu nahi dugu, herria martxan jarri eta elkarlana bultzatu nahi dugu”, adierazi dute.
"Nafarroa defendatu" manifestua kaleratu eta sinatu duten 120 alkateek egindako deialdiari erantzunez, Iruñeko Sarasate Pasealekuan elkarretaratzea izan da larunbat arratsaldean. Auzitegi Gorenak Trafikoaren eskumena Nafarroari transferitzea baliogabetzea... [+]
Gure Esku eta Nafarroa Berriz Altxa elkarteek ekimenak antolatu dituzte lasterketa Euskal Herritik igarotzen denerako. "Euskal Herriaren erabakitzeko eskubidea" aldarrikatu eta "muga artifizialak" auzitan jarri nahi dituzte, besteak beste.
Urkullu lehendakariak konbentzio konstituzionalaren proposamena egin du Espainiako Estatuan autogobernuaren eztabaidan sakontzeko eta estatu plurinazionalaren egiazko aitortza egin dadin.