Gure Esku Dagok erabakitzeko eskubidearen aldeko elkarretaratzea deitu du larunbatean Bilbon
Gure Esku Dago plataformak deitu du elkarretaratzea eta hitzordua larunbatean arratsaldeko 18:00etan da Bilboko Plaza Berrian, “kurtso politikoari hasiera emateko”.
Kataluniako Diada eta irailaren 18an Eskozian egingo duten erreferenduma erreferentetzat hartuz, lanean jarraitzeko asmoa plazaratu du plataformak: “Erabakitzeko eskubidearen aldeko Europako trena Euskal Herritik igarotzea gure esku dago”, adierazi dute beren webgunean argitaratutako ohar batean.
Horregatik, Gure Esku Dagok larunbateko ekitaldian parte hartzeko deia egin die “ekainaren 8an eskutik emanda Euskal Herrian irribarre bat marraztu zuten Bizkaitar eta inguruetako guztiei”.
Datozen bi urteetako erronken berri eman du erabakitze eskubidearen aldeko ekimenak larunbatean Bilboko Kafe Antzokian. “Herri libre bat nahi dugu, mugimendua sortu nahi dugu, herria martxan jarri eta elkarlana bultzatu nahi dugu”, adierazi dute.
"Nafarroa defendatu" manifestua kaleratu eta sinatu duten 120 alkateek egindako deialdiari erantzunez, Iruñeko Sarasate Pasealekuan elkarretaratzea izan da larunbat arratsaldean. Auzitegi Gorenak Trafikoaren eskumena Nafarroari transferitzea baliogabetzea... [+]
Gure Esku eta Nafarroa Berriz Altxa elkarteek ekimenak antolatu dituzte lasterketa Euskal Herritik igarotzen denerako. "Euskal Herriaren erabakitzeko eskubidea" aldarrikatu eta "muga artifizialak" auzitan jarri nahi dituzte, besteak beste.
Urkullu lehendakariak konbentzio konstituzionalaren proposamena egin du Espainiako Estatuan autogobernuaren eztabaidan sakontzeko eta estatu plurinazionalaren egiazko aitortza egin dadin.