Erabakitzeko eskubidea indarturik irten da Katalunian
Ezustekoa eman du Podemosek Katalunian. Irailaren 27ko hauteskundeetan kolpe gogorra jaso ostean, orokorretan lehen indarra bilakatu da, 12 diputatu lortuta.
Gaueko galtzaileetako bat Convergència barnebiltzen zuen Democràcia i Libertat koalizioa izan da, 8 eserleku lortu baititu, 2011n CiUk lorturiko 16etatik urruti. ERCk, bere aldetik, bederatzi diputatu eskuratu ditu.
Hortaz, independentistek guztira 17 eserleku batzen dituzte. Hauei En Comú Podem-en 12ak gehituz gero, garbi gelditzen da erabakitzeko eskubidearen aldeko aldarria indarturik atera dela igandeko bozetatik. Zailagoa da, aitzitik, independentismoak duen indarra neurtzea.
Bestalde, unionismoak porrot handia jasan du: PSC 14 diputatu izatetik 8 izatera igaro da, PP 11tik 5era, eta itxaropen handiak zituen Ciudadanosek 5 baino ez ditu lortu.
CUP: “Emaitzek erakusten dute hautesle independentistek ezkerrera egin dutela”
CUPek adierazpen bat argitaratu du bozen karietara. Bertan dioenez, emaitzek erakutsi dute independentismoak ezkerrerantz jo duela, “ERCk eserleku kopurua hirukoiztu duen bitartean, Democracia y Libertat 16tik 8ra erori baita”.
“Ezkerreko talde independentista eta autodeterministen emaitzak ikusirik, Junts Pel Sí-ri eskatzen diogu Mas ez den norbait aurkez dezan Kataluniako presidentetzarako”, gaineratu du.
Horren harira, esan du kontsentsuzko presidente bat proposatuz gero militantziaren “onarpen zabala” lortzeko aukera gehiago izango dituela CUP abenduaren 27an egitekoa den asanbladan .
Mariano Rajoyren inbestiduraren aurka, larunbatean manifestaziora deitu du 25-S erakundeak. Rajoy presidente bihurtuko duen inbestidura saioarekin batera abiatuko da. “Mafiaren kolpearen aurrean, demokrazia” leloarekin abiatuko da.
Espero zenez, Mariano Rajoy PPko hautagaiak ez du lortu Espainiako presidente izateko behar adina babes inbestidura saioko lehen bozketan. Baiezko 170 boto jaso ditu jarduneko presidenteak, eta 180 ezezko. Ez da abstentziorik izan.
Lehendakariak “oportunismoa” egotzi dio EH Bilduri Eusko Jaurlaritzaren ikasturte berriko lehen kontseilu bileraren ostean. Espainiako Gobernuari, abertzaleak mespretxatzea.
Hauteskunde biharamuneko ARGIAren azal honek eskaintzen zuen irudia ez zen txantxetakoa. Hori da Mariano Rajoyren ahotan entzungo den diskurtsoa, Espainia urdinarena. Tribunatik Espainiako eskuinaren nagusitasun ia erabatekoa barreiatuko da.
Datozen 48 orduetan PPk bere eskaerak betetzen ez baditu, inbestidura saioan baiezkoa emateko negoziaketak bertan behera utziko ditu Ciudadanosek.