LGTBI Komunitatearen Nazioarteko Eguna da ekainaren 28a, eta data gerturatu ahala deialdiak eta irakurketak ari dira egiten LGTBI kolektiboak. Bizkaia mailan, jarrera epelak eragoztera datoz E28 Koordinadora eta honen baitako Ozen! LGTB Liga. Posizionamendu politikoa exijitu dute, bai diskurtso transfoboaren zein Pride-aren aurrean.
Transfobiaren aurrean tinko! Aski da konplizitateaz, posizionatu zaitez lelopean egin du LGTBI harrotasun egunean mobilizatzeko deialdia E28 Bizkaiko Koordinadorak. Mobilizazio bana egingo dute ekainaren 28an Bilbon, Lekeition eta Sopelan; 19:30ean manifestazioa abiatuko da Bilbon Jesusen Bihotzetik, 19:00etan elkarretaratzea egingo da Leikeitioko Eskolapean, eta 20:15etan manifestazioa egingo dute Sopelan. Leloak berak adieraztera ematen duen bezala, transfobiaren aurkako posizionamendua izango da aldarria. Izan ere, azaldu dutenez, ekainaren 28 honetan berebiziko garrantzia ikusi diote “trans askapenaren aldeko eta gorroto-diskurtsoaren aurkako jarrera hartzeari”, eta horretara bultzatu dituzte norbanakoak eta kolektiboak ere.
Kezka agertu du koordinadorak, azken urteotan Hego Euskal Herrian pertsona transexualen aurkako diskurtsoak azaleratzen ari direla-eta. Publiko egindako idatzian adierazi dutenez, transfobiaren aurkako TERF diskurtsoa “kapital ekonomiko eta sozial handiko figurek inportatutako diskurtsoa da, hala nola unibertsitateko katedradunek eta irakasleek, edo berdintasun-politikak LGTB-politiketatik bereizten aritu diren alderdi politikoetako kideek, historikoki mugimendu feminista autonomoan militatu ez dutenek”. Sektore horri leporatzen diote ezabaketa historikoa egiten aritzea pertsona transexualak mugimendu feministaren subjektu ez direla defendatzean, koordinadorak azpimarratu duenez trans pertsonak beti izan baitira borroka feministaren parte. Gatazkarik ez zegoen tokian gatazka sortu izana eta adierazpen askatasunaren izenean pertsona transexualen aurkako indarkeria gauzatzea leporatu diete.
“Feminismoaren adar traidore eta uste horrek transmititu nahi duen mezua ez da faxisten mezuaren oso bestelakoa”, deitoratu dute. “Premisa bioesentzialista batetik abiatzen dira: trans emakumeak gizon mozorrotuak direla, emakumeen espazioak inbaditu nahi dituztenak; trans gizonak misoginia barneratuak alienatutako emakume gajoak direla; eta pertsona trans ez-binarioak haurrak galbidera eraman nahi dituen lobby queer gaiztoaren biktimak direla. Espainiako Estatuan goraka doan mugimendu kriptofaxista horrek patriarkatuak historikoki erabilitako determinismo biologiko bera erabiltzen du trans pertsonen aurka ekiteko, bereziki emakumeen aurka, perbertsioari eta pedofiliari buruzko estereotipo homofobo klasikoak birziklatzeaz gain”.
Korronte horren aurrean, mugimendu feministarekin aliantza gakotzat jo dute, ulerturik “gorputzen autonomiaren aldeko borroka” dutela elkargune. Hala bada, trans borrokaren aldeko jarrera hartzea eskatu diote, eskakizun horrek barnebilduko lituzkeenak zerrendatuz: E28 Koordinadoraren deialdiarekin bat egitea, atxikimendu hori “modu argian” publiko egitea, eta “TERF ideologiadun” taldeak gune eta sare feminista zein ezkertiarretatik kanporatzea.
Diskurtso tranfoboaren aurrean posizionatzea ez da Bizkaiko LGTBI kolektiboak jendarteari egindako eskakizun bakarra. Harrotasuna ez dago salgai. Maritxu, trans, bollera: Pride-ari planto! goiburua darama idatziarekin, Pride-ari –Bilbao Bizkaia Harro gisa ere izendatua– boikota egitera dei egin du E28 Koordinadoraren parte den Ozen! LGTB-k.
Kolektiboaren irakurketa oroimen historiko ariketa eginez abiatzen da, harrotasun egunaren jatorrizko izaera politikoa bistaratzeko eta kontrajartzeko Pride-ak bultzatutako dataren despolitizazioari. Espainiako Poliziak Francis hil ondotik Oreretan egindako mobilizazioetatik hasi eta gaurdaino, “Harrotasuna Euskal Herriko kaleetan mugitzen eta indartzen 40 urte baino gehiago daramatzan mugimendua” dela gogorarazi dute. “Ez dago AEBetara begiratu beharrik Harrotasuna borroka izan zela eta badela jakiteko”, ñabartu dute.
Alabaina, 2014an Ortzadar LGTBren sortzearekin harrotasun egunaren despolitizazioa indartu zela iradoki dute. Arrazoia: Ortzadarrek erregistratutako Bilbao Bizkaia Pride marka, eta horren harira ospatzen hasitako Pride-a –Bilboko Udalaren eta Bizkaiko Foru Aldundiaren babesarekin–. Ekimenari itxura “politikoagoa eta aldarrikatzaileagoa” eman asmoz izena aldatu badiote ere, Bilbao Bizkaia Harro delakoa Bilboko Udalak sustatu nahi duen hiri ereduan kokatu dute Ozeneko kideek. “Erakundeek ez dute LGTB pertsonen egoera materialak hobetzerik nahi, ez zaie interesatzen! Eta bitartean, udalak eta diputazioak diru partida handiak ematen dizkiote Pride-ari edota gune historikoak esleitzen dituzte gay burges gutxi batzuek gay-friendly hotel batean ostatu har dezaten”, salatu dute. Hala bada, LGTB borroka edukiz hustu eta kolektiboaren irudia hiri eredu neoliberalaren mesedetan erabiltzea gaitzetsi du kolektiboak: “Ez dugu hiri ‘gay-ena’ izan nahi. Ez dugu nahi gure izenean hiri honetan egiten diren bidegabekeriak eta kaleratzeak ezabatu eta garbitzea, ezta kalean bizi ziren eta aurten hil diren bi pertsonen izenak ezkutatzea. Gure izenean ez!”.
Irakurketa hori plazaratuta, herritarrei eskatu die “udalaren aurpegi garbiketari” edo “pink-washingari” eta Pride-ari boikota egin diezaioten.
LGTBIQ+ Komunitatearen Nazioarteko Eguna dela eta, hainbat kolektibok deituta sexu askapena eta harrotasuna aldarrikatu dituzte larunbatean Euskal Herriko hiriburuetan eginiko manifestazioetan. Loratuz Lotu, Anitzak, Lumagorri eta Sumin Trans taldeek jaso dute Ehgamek... [+]
Argitaratutako oharrean, EHGAM Euskal Herriko Sexu Askapen Mugimenduak ohartarazi du "faxismoa eta ideia faxistak" zabaltzen ari direla mundu mailan, eta "erresistitzeko prest" daudela: "Beldurra baino askoz handiagoa da sentitzen dugun amorrua".
Lagun marika batek deitu dit galdetzeko nola salatu dezakeen hurrengoa: joan zen Akarlandara, EHUren parean dagoen parkera, eta komun publikoetan bi tiporekin zegoela, udaltzainen bizpahiru kotxe agertu ziren super azkar, poliziak sartu ziren komunera borrekin hormak kolpatzen,... [+]
Neska transexual baten ama, haurtzaroan bere genero identitateagatik bullyinga jasan zuen gizona edota LGTBI kolektiboko nikaraguar erbesteratua ezagutu eta horietakoren batekin bizipenak partekatu eta solastatu nahi duenak aukera izango du datozen egunetan Nafarroako sei... [+]
Galdera horri erantzun dio hainbat irakasle ez-heterok, eta gogoetarako gako ugari utzi dituzte. Mundua deskubritzen eta identitate(sexual)a eraikitzen ari diren haur eta gazteek erreferente anitzak izatea eta eskolan denok espazio seguru eta erosoa aurkitzea ederra baita.
Maiatzaren 17an LGTBIQ+fobiaren Kontrako Eguna dela-eta, “bizi dugun oldarraldi atzerakoia” , “transfobiak hartu duen indarra” eta “instituzioen utzikeria” nabarmendu dituzte kolektiboaren bueltako elkarteek. Zenbait instituzioren kapitalismo... [+]
Alfonso Setiey Anitzak elkarteko lehendakariak esan du langile eta informazio falta dagoela, itxaron zerrenda “luzea” dela eta estigmatizazio “handia” dagoela.
‘Xoka. Jite disidenteak’ jardunaldiak antolatu ditu Ehgam Nafarroak. Hiru saio eginen dituzte Iruñeko Laban: azaroaren 5ean, 13an eta 19an.
Sare Elkarteak antolaturik chemsex fenomeno soziokulturalaren inguruan mintzatzeko jardunaldiak antolatu dituzte Iruñean.
Eraso LGTBI+fobiko eta matxistak espazio publikoan ematen direla gehien adierazi dute mugimendu hauek urtero ateratzen dituzten txostenen arabera. Gasteizko Mugimendu Feministak eta Lumagorri elkarteak guztien plazera erdigunean jarriko duen jai eredu bat nahi dute, eta neurri... [+]
Kaleak bete dituzte LGTBI Komunitatearen Nazioarteko Egunean. Salatu dute erakundeek aurpegia garbitzen dutela keinu sinbolikoekin.
Lo que quede (euskaraz 'geratuko dena', Continta me tienes argitaletxea) liburuan bere senar ohiaren tratu txarrak eteteko prozesua harilkatu du eguneroko indarkeria matxisten kontakizunekin, eta bere bizitzako emakumeekin batera eraiki duen orainaldi gozagarriaren... [+]
Zaintzan oinarrituriko gau aisialdi “askeagoa” eta “seguruagoa” sortzeko asmoz sortu da Harrika kolektiboa. Bi urte daramatzate Gasteizen tekno besta kuir eta feministak egiten. Uztailaren 26tik 28ra Harrikada Festibala izanen da Izarran (Araba).
Diru publikoa LGBTI+ kolektiboaren problematikak merkantilizatu eta administrazioaren “pinkwashing-a” egiteko soilik erabiltzea egotzi die erakundeei.
Alemaniako gizonezkoen futbol profesionalean ari diren hainbat futbolari armairutik ateratzekoak ziren maiatzaren 17an. Sekretuan eta kluben bizkar biltzen ari ziren jokalariak, baina espektatiba altuak ezerezean geratu dira, ez da inor armairutik atera. Futbol maskulinoaren... [+]