Epaileen euskarafobia salatu dute Nafarroako Justizia Auzitegi Nagusiaren aurrean
Nafarroako Justizia Auzitegi Nagusiaren aurrean elkarretaratzea egin dute Zizur Nagusiko Udalaren aurka eman den azken epaia salatzeko. Udalak langile lanpostu batean ezarritako hizkuntza eskakizuna atzera bota du epaitegiak.
aurre egingo dieten hedabide independenteak
Zizurko Udalak obretarako bederatzi langile lanpostu atera ditu eta horietako batean hizkuntza eskakizuna ezarri du. Iruñeko Administrazioarekiko Auzien 3. epaitegiak baliogabetu egin du, UPNk jarritako helegite baten ondorioz. Aurrez, profil elebidun horren aurka lehen helegitea aurkeztu zenean, Nafarroako Administrazio Auzitegiak udalaren alde egin zuen. Orduan, auzitegiak adierazi zuen euskara eskakizuna ezartzea “guztiz legezkoa” zela. Ebazpen horren aurka beste helegite bat jarri zen Iruñeko Administrazioarekiko Auzien Epaitegian, eta epaitegiak udalaren kontrako epaia eman du.
Elkarretaratzean, Euskararen aurka, epairik ez pankarta erakutsi zuten eragile hauek: Zizurko Euskara Taldea, Hizkuntza Eskubideen Behatokia, Euskararen Defentsarako Sarea, EHE, ELA, LAB, STEILAS, Zizur Nagusiko Geroa Bai eta EH Bildu.
Agurne Gaubeka, Behatokiko zuzendaria: "Beti toki berera garamatzate"
Agurne Gaubeka Hizkuntza Eskubideen Behatokiko zuzendariaren iritziz, udalak ondo argudiatu zuen euskara maila bat eskatzea, hau da, langile horrek harremanak izango zituen herritarrekin, ikastetxeekin eta kultur etxearekin. Elkarretaratzean parte hartu duen Ana Gurpegui euskaltzaleak langile horrek herritarrekin izango lituzkeen harremanen hainbat adibide azaldu du: Olentzeroren ekitaldia, erregeen desfilea, San Joan bezperako suak… Aurreko hainbat epaitan, hizkuntza eskakizuna eskatzea atzera bota izan dute, argudiatuz langileak ez duela izango herritarrekin harremanik. Zizurkoan, udalak zehaztu du herritarrekin harremana izango duela. Ez du, ordea, ezertarako balio izan. Hala azaldu dio kontu hau Agurne Gaubekak Euskalerria Irratiari: “(…) Baina berdin bota dute atzera. Aitzakia batek balio ez duenean, beste bat bilatzen dute. Beste sententzia batzuetan proportzionaltasuna aipatzen da edo lanpostuak herritarrekin harremanik ez duela. Kasu honetan, hori guztia justifikatu arren, esaten da euskara ezagutzen ez dutenekiko diskriminatzailea dela euskarazko profil hori ezartzea. Kontua da epai hau Euskal Herriko luze zabalean ikusten ari garen estrategia judizial eta politiko baten barruan kokatzen dela”.
Argudioak argudio, Gaubekaren ustez, epaileek “beti toki berera garamatzate”. Ahotsa.info hedabidean esandakoen arabera, euskaraz ez artatzeko eskubidea aldarrikatzen dute batzuek, eta eskubide hori ez dago: “Edozein lanpostu publiko eskuratzeko baldintzak ezartzen direnean, horiek betetzen dituzte, eta inork ez du kontrakorik argudiatzen. Aldiz, euskararena ezartzen denean ikusten dugu nolako jarrerak eragiten dituen”.
Euskalgintzaren Kontseiluak deituta, Espainiako Auzitegi Gorenak joan den astean ebatzitako sententzia salatzeko prentsaurreko bateratua egin dute Bilbon. Sententzia "euskal gizartearen eta euskal erakundeen borondate demokratikoaren aurkako eraso zuzena" dela... [+]
Lizarrako Udalak udarako antolatu dituen bost musika ikuskizunetan eta beste horrenbeste film emanaldietan bat bera ere ez da euskaraz izanen; datorren astean hasiko diren festen egitarauan haurrentzako ekitaldi bat dago euskaraz programatua, justu, erraldoi eta buruhandien... [+]
Euskarazko B2 maila dutela ez ziurtatzeagatik Eibarko Egogain zaharren egoitzako lan eskaintza publikotik kanpo utzi zituzten bi langileen alde ebatzi du Donostiako Lehen Auzialdiko 3. Epaitegiak, CCOOk jakinarazi duenez. 2024ko urrian, Gonzalo Pérez Sanz epaileak... [+]
UEMAk antolatuta egin dituzte kontzentrazioak larunbat eguerdian, Espainiako Auzitegi Gorenaren azken epai euskarafoboaren aurka eta euskararen alde. Euskara “benetan” babesteko “adostasun sendoak” eskatu ditu UEMAk, “euskarak eta euskaldunok... [+]
UEMAren zuzendaritza batzordeko kideek hedabideen aurrean agerraldia egin dute ostegun eguerdian Zarautzen, Espainiako Auzitegi Gorenaren azken epai euskarafoboa salatzeko. Epaia "larria" dela adierazi dute, eta batez ere udalerri euskaldunei eta euskaraz aritzen... [+]
Nerea Kortajarena EH Bilduko legebiltzakideak prentsa agerraldi batean esan du Eusko Legebiltzarrean dauden "gehiengoak" baliatu beharko liratekeela "hizkuntza politika berri bat ahalbidetzeko".
Maria Ubarretxena Eusko Jaurlaritzako bozeramailearen esanetan, “indar politiko batzuk erabaki politikoak judizializatzen ari dira”.
Vox alderdi ultraeskuindarraren eskariz EAEko Auzitegi Nagusiak 2023ko irailean baliogabetu zituen EAEKo Udal Legearen hainbat artikulu, euskararen normalizazioaren ingurukoak. Erabaki hura berretsi du orain Espainiako Auzitegi Gorenak, eta ez dago helegiterako aukerarik... [+]
Lapurdiko eskola batetik saiatu dira datorren ikasturterako Ganbara Hostel Bilbaon aterpea lotzen, baina Behatokian salatu dutenez, idatzizko komunikazioan euskaraz aritzeagatik zera esan diete azkenean: “Espainolez mintzatzen ez ginenez, ez gintuztela beren hotelean... [+]
Hainbat urtetan jarduera hezitzaileak gazteleraz jaso ostean, bi urte direla Zabalgana ikastetxeak euskara hutsean ematea eskatu zion auzoko osasun zentroari. Osasun zentroko arduradunek diote ez dutela horretarako baliabiderik. Osakidetzak egoera ikasturte honetan... [+]
Euskararen Defentsarako Sareak elkarretaratzea egin du Nafarroako Parlamentuaren aurrean ostegunean, aldarrikatzeko lanpostu publikoetan hizkuntzak baloratzen badira, euskara baloratzen ez den lanposturik ez litzatekeela egon behar. Eta beraz, Nafarroako Gobernuak egindako... [+]
Epaiak legez kanpokotzat jotzen du hizkuntza eskakizun egiaztagiria ez duten pertsonak Lan Eskaintza Publikotik kanpo geratzea. Gipuzkoako Foru Aldundiak jarritako helegitearen kontrako epaia izan da. CCOOk eman du epaiaren berri eta garaipen gisa hartu du.
Erriberri, Tafalla, Gares, Sarriguren, Buztintxuri eta Noaingo ikastetxe publikoetako D-PAI ereduko guraso talde bat Nafarroako Hezkuntza batzordean egon da, 57/2024 foru aginduari jarraikiz, Hezkuntza Departamentuak bideratu nahi dituen aldaketak deitoratzeko. Euskarazko... [+]
2023an B1 maila eskatu zuen udalak kale garbitzailea posturako, baina horren kontrako epaiak eman zituten Donostiako Administrazioarekiko Auzien 2. eta 3. zenbakiko epaitegiek. Epai horien aurkako helegiteak atzera bota dituzte orain. Hizkuntza eskubideen urraketei... [+]
Administrazio publikoarentzat Gipuzkoako zahar etxeetan lan egiten duten langileen euskara eskakizunak (B1 eta B2 mailak) “neurriz kanpokotzat” jo zituen iaz Donostiako epaitegi batek. Epai horren aurka Gipuzkoako Foru Aldundiak jarritako helegitea atzera bota du... [+]