Enpresari milioidun bat izango da Ukrainako presidente berria

  • Ukrainak badu presidente berria. Petro Poroxenko enpresari milioidunak bildu ditu bozen %57. Bigarren bozkatuena Julia Timoxenko lehen ministro ohia izan da, %12,39arekin. Poroxenkok guztira bozen %50 baino gehiago bildu dituenez, ez da beharrezkoa izango bigarren itzulia egitea.

Iera Aranburu @ieraran
2014ko maiatzaren 26a
Poroxenko gozogintza industriarekin aberastu zen Ukrainaren independentziaren ondoren (argazkia: RT).

Emaitza ofizialak iritsi aurretik hauteskundeak irabazi dituela adierazi zuen bart egindako agerraldian. Errusiara batu den Krimeako penintsulako herritarrek ere bozkatu dutela nabarmendu zuen, baita errusiazaleak nagusi diren Ukraina ekialdeko eskualdeetako herritarrek ere: “Ukraina osoak bozkatu duela esan dezakegu, eta Ukrainaren hautua dela hau”.

Europar Batasunera gerturatzeko bideari jarraituko diola azaldu zuen, eta “Krimeako okupazioa” ez duela onartuko. Luhanskeko eta Donetskeko errusiazaleekin ez duela negoziatuko aurreratu zuen, armak utzi arte ez behintzat.

Gozogintzaren industriarekin aberastu zen Petro Poroxenko eta urtero agertzen da Forbes aldizkariaren Ukrainako “Top 10” zerrendan. Herrialdearen independentziaren ondoren sortu zuen bere inperioa, Roshen gozogintza enpresa, 1996an. Bi urte geroago politikan sartu zen eta aurten kargutik bota zuten Viktor Janukovitx presidentearen gobernuko ekonomia ministro izan zen.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Ukraina  |  Europar Batasuna  |  Errusia  |  Krimeako krisia

Ukraina kanaletik interesatuko zaizu...
Jevgenija Box estatuburu izatera iritsi zen orain 100 urte

Ukraniako Sobietar Errepublika izendatu zenean, emakume bat jarri zen hango Barne ministro, eta praktikan gobernuburu ere izan zen, ofizialki ez baitzen halako kargurik. 1917ko abenduaren 27a zen, eta kasik oharkabean emakumeen emantzipaziorako borrokan itu bat jarri zuen Jevgenija Boxek.


Estatu kolpe baten eta neo-kolonizazio baten kronika

lau urte bete dira Kieven Euromaidan mobilizazio txikia hasi zela. Mobilizazio batzuek sarbide pribilegiatua dute eliteen zirkuluetara sistema hegemoniko kulturalari mesede egiten diolako edota mobilizazioan parte hartzen dutenen kapital sinbolikoa handia delako.

Pierre Bourdieuren arabera, kapital sinbolikoa pertsona banako bakoitzari atxikita dauden propietateak dira: ospea, gustu ona, autoritatea, prestigioa, erreputazioa, fama, ohorea eta abar. Guzti horiek baina, ezagututako eta... [+]


Lemkoak
Europa Erdialdeko kurduak

Gaur egun, gehienetan Polonia herri etnikoki homogeneo gisa ikusten da. Egia da, hein handi batean. Halere, badira oraindik bere mugen barnean hainbat gutxiengo garrantzitsu: Lemko komunitatea da horietako bat. 1989an komunismoaren amaierak gutxiengo askoren harrotasun etnikoaren susperraldia ekarri zuen, baita irekitze giro berrian euren kultura berpizteko abagunea ere.


Haurdunaldi subrogatua
Bai ala ez baino harago

Aurreko mendeko 80ko hamarkadan jakin zuten zientzialariek emakume bat norberaren obuluz ernaldu ez zen umeaz erditu zitekeela. Orain herritarron ahotan dago gaia, gure ingurukoek egin dutelako edo egin nahi dutelako, eta batez ere, aldeko eta aurkako iritzi abaniko handia dagoelako. Euskal Herrira 250 haur inguru datoz urtero atzerriko emakumeen umetokietan hazita. Hemen debekatuta dago. Eztabaida ez da legeztatu edo debekatu, hori baino askoz korapilatsuagoa da. Konplexutasun hori ulertzeko... [+]


Ukrainako Gobernuak Banda Bassotti musika taldearen atxiloketa eskatu du Donbasseko karabanagatik

Kievek Europako Batasuneko gobernuei laguntza eskatu die 50 pertsona inguru atxilotzeko, horien artean Banda Bassotti musika taldea, Donbassera karabana antifaxista antolatzeagatik. Terrorismoa egozten die Donbassekiko elkartasuna adierazteagatik.


2017-04-27 | Jon Torner Zabala
Sinbologia nazia, Ku Klux Klanen maskarak... eta UEFA (oraindik) isilik

Apirilak 21, futbol partida Ukrainan: Dynamo Kiev vs Shakhtar Donetsk. “%100 zuri” zioen harmailetan paratutako kartel handi batek. Kieveko ultren irudiek beldurra bat ematen dute, egia esan.


Bonbardaketa gehiago abiatu dituzte Donbassen

Gatazkaren kapitulu berri bat piztu da Donbassen. Ekialdeko mugako Avdeevka hiria ebakuatuko dute bonbardaketen ondorioz eta Oleg Anaschenko Luganskeko herri milizien buruzagia hil dute atentatu batean. Kieven aldeko indarrek eta miliziek elkarri leporatu diote erasoen autoretza.


2016-08-19 | Ibai Trebi˝o
#DCLeaks filtrazioa: ARGIAko kolaboratzaileak George Sorosen zerrenda beltzean

Ibai Trebiño eta Asier Blas ARGIAko kolaboratzaileak George Soros milioidunak eskatutako zerrenda batean agertu dira berriki ezagutu den filtrazio baten arabera. Trebiñok egoeraren bere balorazioa egin du.


NATOko militarrak Errusiaren atarian berotze ariketak egiten

Varsovian biltzar nagusia burutzeko bezperan, NATOko militarrek herrialde baltikoetan egin dituzte azken 25 urteotako maniobrarik handienak, Anakonda 16 izenekoak, Errusiako armadaren balizko inbasioari aurre egitea irudikatuz. Vladimir Putinek haserre protestatu du, Errusiari pixkanaka zintzurra estutu nahi diotelakoan. NATOko biltzarraren azken deklarazioari ere Gerra Hotzaren kutsua dario.


Azkenak
EGILEA
Eguneraketa berriak daude