ARGIA.eus

2022ko abenduaren 03a

Enpresari milioidun bat izango da Ukrainako presidente berria

  • Ukrainak badu presidente berria. Petro Poroxenko enpresari milioidunak bildu ditu bozen %57. Bigarren bozkatuena Julia Timoxenko lehen ministro ohia izan da, %12,39arekin. Poroxenkok guztira bozen %50 baino gehiago bildu dituenez, ez da beharrezkoa izango bigarren itzulia egitea.

Poroxenko gozogintza industriarekin aberastu zen Ukrainaren independentziaren ondoren (argazkia: RT).
2014ko maiatzaren 26a - 00:00Azken eguneraketa:2015-02-26 13:37:33

Emaitza ofizialak iritsi aurretik hauteskundeak irabazi dituela adierazi zuen bart egindako agerraldian. Errusiara batu den Krimeako penintsulako herritarrek ere bozkatu dutela nabarmendu zuen, baita errusiazaleak nagusi diren Ukraina ekialdeko eskualdeetako herritarrek ere: “Ukraina osoak bozkatu duela esan dezakegu, eta Ukrainaren hautua dela hau”.

Europar Batasunera gerturatzeko bideari jarraituko diola azaldu zuen, eta “Krimeako okupazioa” ez duela onartuko. Luhanskeko eta Donetskeko errusiazaleekin ez duela negoziatuko aurreratu zuen, armak utzi arte ez behintzat.

Gozogintzaren industriarekin aberastu zen Petro Poroxenko eta urtero agertzen da Forbes aldizkariaren Ukrainako “Top 10” zerrendan. Herrialdearen independentziaren ondoren sortu zuen bere inperioa, Roshen gozogintza enpresa, 1996an. Bi urte geroago politikan sartu zen eta aurten kargutik bota zuten Viktor Janukovitx presidentearen gobernuko ekonomia ministro izan zen.

Kanal hauetan artxibatua: Ukraina  |  Europar Batasuna  |  Errusia  |  Krimeako krisia

Ukraina kanaletik interesatuko zaizu...
Ukrainan hamazazpi alderdi politiko legez kanpo utzi dituzte azken zortzi urteetan

Alderdi Sozialista debekatu zuten urrian, beste 11 alderdirekin batera. Botere judizialak "errusiazaletasuna" egozten die gobernuaren gerra-politikarekin desadostasunak dituzten alderdiei. Indar politiko horien ohiko jarduerak debekatuta zeuden otsailaren 24ko lege... [+]


2022-11-02 | ARGIA
Britainiarrak daude 'Nord Stream' hodien kontrako sabotajeen atzean, Errusiak ziurtatu duenez

Errusiako Defentsa Ministerioaren arabera, irailaren 26an Nord Stream 1 eta Nord Stream 2 gas hodien kontra izandako erasoetan Erresuma Batuko itsas armadako unitate batek hartu zuen parte. Erresuma Batuko Gobernuak Errusiaren "akusazio faltsuak" ukatu ditu.


2022-10-30 | Vasilisa Petrovna
"Ikuspegi nagusia oso sinple bilakatu da Errusian: gu onak gara eta haiek gaiztoak"

Garai interesgarriak bizitzen ari gara Errusian, zalantzarik gabe. Azken hilabeteotan mintzagai nagusi bihurtu den Ukrainako gerrak espazio txikia uzten die bizitzako gainerako aspektuei. Moskun bertan, Pavel elkarrizketatu dugu ARGIArako. Izena faltsua da, hark hala eskatuta,... [+]


2022-10-20 | Axier Lopez
Labanez jositako harresi bat gehiago Europan: Finlandia eta Errusia artean

130 eta 260 kilometro arteko luzera izango du burdin hesiak. Haren goiko aldea laban txikiz betetako txarrantxez josiko dute.



Irakurrienak
Argia buletina
Egunaren laburpena
zure e-postan
Eguneraketa berriak daude