Enegarrenez mobilizatu dira Jaka Horiak

  • 500 lagun inguru bildu dira Baionan, protesta baketsuan. Frantziako leku ezberdinetan errepideak itxi dituzte, eta hiriburuetan polizak esku hartu du. Emakumeen presentzia inoiz ez bezala azaleratu da.

Gorka Peņagarikano @gorkap34
2019ko urtarrilaren 07a
Argazkia: El Espaņol

Urteko lehen eta orain arteko zortzigarren larunbata zuten Jaka Horiek. Indarberrituta itzuli dira: azken manifestazioetan jende kopurua murrizten zihoan, baina pasa den larunbatekoan berriz ere 50.000 lagunetik gora bildu ziren Frantziako Estatu osoan. “Biolentzia basatia” erabiltzen dutela dio Frantziako gobernuak, eta horren aurka egiteko, Baionan manifestazio baketsua deitu zuten. Dena den, hiriburuetan istiluak izan ziren.

Jaka Horiek 14:00etan zuten hitzordua Baionan, eta orotara 500 herritar inguru batu ziren protestara, gehienak jaka horiak soinean zituztela. Zergen igoeraren eta polizia indarkeriaren aurkako eta justizia sozialaren aldeko oihuak entzun ziren manifestarien artean.

Ipar Euskal Herrian ez ezik, Frantziako hiriburuetan mobilizazioak izan ziren. Handiena hiriburuan, Parisen. Macron presidentearen dimisioa eskatu zuten. Christophe Castaner barne ministroak hartu zuen hitza: “Mugimendu honek ez ditu Frantziako herritarrak ordezkatzen”. Parisen, manifestariek gobernuaren egoitzaraino joateko asmoa zuten, baina gendarmeek eragotzi zuten; beste behin ere gas negar-eragilea jaurtiz. 20 pertsona inguru atxilotu zituzten.

“Gu ere Jaka Horiak gara”

Zabalkunde handia izan dute Jaka Horien irudiek. Manifestarien profil hori –istiluetan gendarmeei aurre egiten azaltzen dena– gizonezkoena izan ohi da ia beti. Hargatik, pasa den larunbateko Jaka Horien zenbait mobilizazioetan emakumeek bete zituzten lehen lerroak, “gu ere Jaka Horiak gara” aldarri eginez. Horrez gain, Jaka Horiak ez direla biolentziara mugatzen adierazi eta protesta baketsuari bide eman zioten.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Jaka Horien mugimendua kanaletik interesatuko zaizu...
2019-01-23 | ARGIA
Gomazko pilotak darabiltzaten poliziek bideo-kamera eraman beharko dute Frantziako Estatuan

Christophe Castaner Frantziako Barne ministroak iragarri duenez, gomazko pilotak tirokatzeko armak erabiltzen dituzten polizia-agenteak larunbat honetatik aurrera bideo-kamera ere eramango dute, arma horiek nola erabiltzen dituzten erregistratuta gera dadin.


2018-12-13 | ARGIA
Gazte bat hil da Jaka Horien protestetan

Avignonen (Frantzia) gertatu da ezbeharra, A7 autobideko irteera baten inguruetan. AFP berri agentziaren arabera, Jaka Horien protestak hasi zirenetik seigarren hildakoa da.


2018-12-10 | Mikel Asurmendi
Jaka Horien mobilizazioek kontratu sozial berria ekar lezakete

Emmanuel Macron, sindikatu, patronala, eta Frantziako Legebiltzarreko eta lurraldeetako hautetsiekin bildu da goizean Eliseoan; 10:00etan. Jaka Horien aldarrikapenei eman beharreko erantzuna adostu nahi du. Frantziako presidentea 20:00 orduetan zuzenduko zaie herritarrei.


2018-12-07 | Mikel Asurmendi
Paris, abenduaren 8a: data mugarria Jaka Horien bilakabidean

Edouard Philippe Frantziako lehen ministroaren hitzak dira: “Erregaien gaineko zergak ezin du nazioaren batasuna kolokan jarri”. Bere proposamen berria, “erregaien emendatzea sei hilabetez atzeratzea” izan da. Jaka horiek ez diote amuari kosk egin haatik. Parisen biharko iragarritako manifestazio deiari eutsi diote.


2018-12-05 | Mikel Asurmendi
Erregaien zerga igoera sei hilabetez atzeratu dute: Jaka Horiak mugimendua desaktibatzeko maniobra ote?

Edouard Philippe lehen ministroak sei hilabeteko luzapena eman dio erregaien zerga igotzeari. Frantziako Gobernuak urtarrilean indarrean jartzeko zeukan politika berria bertan behera utzi du.  


Macron amore ematear da Jaka Horien aurrean

Hiru larunbatetako protestak nahikoak izan dira presidenteak erregaien zergak igotzearen erabakia atzera botatzeko. Hedabide frantsesen arabera, Macronen gobernua moratoria bat ezartzear da.


2018-11-20 | Iņigo Igartua
Jaka Horien presioak Frantziako Gobernuak atzera egiterik ez du lortu oraingoz

Manifestarien “kexak” entzun dituztela adierazi dute Frantziako Gobernutik, baina datorren 2019ko urtarrilaren 1ean erregaien zergak igotzeko jarrerari “tinko” eusten diote.


Azkenak
EGILEA
Eguneraketa berriak daude