Emakumeen erabakitzeko eskubideari buruzko jardunaldiak hasi dira Donostian

  • “Nire gorputzaren inguruan erabakitzeko eskubidea” jardunaldiak astelehenean eta asteartean izango dira, Arrasate kaleko Kutxa aretoan. Eskubide sexualen eta sexu bidezko ugalketa eskubideen alde lan egiten duten hainbat elkartek antolatu dute #tengoderechoamicuerpo kanpainaren baitan.

Iera Aranburu @ieraran
2014ko maiatzaren 19a
Abortatzeko eskubidearen aldeko aldarrikapena egin zuten joan den apirilaren 5ean Iru˝ean. (Artxiboko irudia)

Emakumeen eskubideen alde lan egiten duten Haurralde, Malen Etxea, Eraldatzen eta Kimetz elkarteek hartzen dute parte kanpainan. Hiru bloketan banatu dituzte jardunaldiak.

Lehenengoa astelehen goizean egingo da “Erabakitzeko eskubidea: Emakumeen ahalduntzerako funtsezko oinarria” izenpean. 9:30ean hasiko da ongi etorriarekin eta jardunaldien aurkezpenarekin. 10:00etan “Emakumeen eskubideak eta interneten egindako lana” hitzaldia izango da eta Patricia Ponceren gidaritzapean.

Gallardonen erreforma hizpide

“Abortuaren erreforma: Emakumeen gorputzari jarritako marko politikoa” izena izango du astelehen arratsaldeko bigarren blokeak. 15:30ean hasiko da Begoña Zabala Emakume Internazionalistak taldeko kideak gidatuko duen hitzaldiarekin. 16:30ean “Abortua espainiar estatuan” hitzaldia izango da, Begoña San José politika feministaren foroko kidearen parte hartzearekin.

Hirugarren eta azken blokea asteartean, maiatzak 20 izango da “Emakumeen eskubideak nazioartean” izenpean. 9:45ean hasiko dira aurreko eguneko laburpena eginez.

10:00etan “Eskubide sexualen urratzeen aurrean nazioarteko babesa” hitzaldia gidatuko du Aurora Gonzalvezek, Carlos III. Unibertsitateko Ikasketa Feminista taldeko kideak. Jardunaldiekin amaitzeko, Sonia Cruz psikologoak eskainiko du “Ezezkoa ezezkoa da: Indarkeria sexuala, emakumeen gorputza kontrolatzeko saiakera” hitzaldia.

Izen ematea

Informazio gehiago eta jardunaldietan parte hartzeko izena eman daiteke ondorengo webgunean.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Feminismoa  |  Abortu eskubidea

Feminismoa kanaletik interesatuko zaizu...
Eguneraketa berriak daude