Emakumeek lehen aldiz parte hartu dute Markina-Xemeingo saragi-dantzan
Aratuste igandean ateratzen du Zerutxu dantza taldeak saragi-dantza Markina-Xemeingo kaleetara. Zortzi dantzari eta zahagi batek osatutako taldea kalez kale ibiltzen da, geldialdi bakoitzean saragi-dantza eginez. Makila-dantzariek makilak elkarri joz jokoa egiten dute eta ondoren zahagia kolpatzen dute denek batera. Emakumeek parte hartu dute lehen aldiz saragi-dantzan eta antzar-jokorik ez da izan estreinekoz Markina-Xemeingo inauterietan.
Behin saragi-dantzariek dantzatuta, segidan, beraiekin doan hartzaren txanda izaten da. Hartza katez lotuta daraman gidariak panderoa jo eta hartzak dantza egiten du. Halako batean ordea, ziztu bizian, korrika hasten da hartza eta bazterrean begira ari den ikusle baten gainera jauzi egiten du. Erakusleak katetik tira eginez baztertzen du hartza. Segizioak kalejirarekin jarraitzen du eta hurrengo geldialdian berriz errepikatzen da saragi-dantza eta hartzaren jokoa.
Emakumeak lehen aldiz
2020ko otsailaren 23an emakumeak izan dira lehen aldiz saragi-dantzarien taldean. Zerutxu dantza taldeko kideek halaxe erabakita, orain arte mutilek baino dantzatzen ez zuten dantza neskek eta mutilek dantzatu dute elkarrekin aurten. Ez da izan aurten Markina-Xemeinen inauterietan izan den aldaketa bakarra. Lehen aldiz ez da antzar-jokorik izan. Sokatik zintzilik jarritako antzarak zaldiz hartzen saiatzean zetzan jokoak. Azken urteotan benetako antzarak erabiltzeari utzi zitzaion, baina aurten ez da jokorik izan.
Guztira zortzi dantzarik eta saragiak osatutako hiru talde plazaratu dituzte. Honako bideoan azaldu ditu aurtengo saragi-dantzaren ingurukoak Iraide Antxiak, Zerutxu dantza taldeko dantzariak.
Emakumeak plazak hartzen hasi direnean herri askotan mutilak desagertzen hasi dira. 10-15 urteren buruan gizonek bakarrik dantzatzen zituzten dantzak ia emakumeek soilik osatutako dantzari taldearen esku gelditu dira. Badirudi gizonezkoei plaza emakumeekin konpartitzea ez zaiela... [+]
Duguna Iruñeko dantzariek Sanfermin Aldapakoaren ezpata-dantza karrikaratu dute beste behin Iruñeko alde zaharrean. Arrotxapeko zubian bandera dantzatu eta banderapetik ezpata-dantzariak pasa ondoren abiatu da kalean gora segizioa. Ezpata-dantzariak 40tik gora, 4... [+]
Gure Ametsa dantza taldeak soka-dantza dantzatu du Kalbario jaietako Piñastegi egunean. Herri osoa mahoiz jantzita esnatu da; portuan da gaurkoan festa. Sardina usaina sumatzen da eta umeak arranplan ari dira jolasean, txirristan. Helduak, berriz, kukainarekin. Bar Puerto... [+]
Dantza egin behar dutela entzun eta ukapena da lehenengo erantzuna. Gurasoek eta begiraleek badaezpada ez diete aurretik abisatu ere egin, baina ni ikusi orduko segituan igarri dute gaur dantza saioa dugula. Haserrea, protesta eta ihesa izan dira 8-9 urteko mutikoen erreakzioa.
Emakumeak dantzara atera eta gizonezko dantzariek oztopatu egin dituzte, bultza egin diete eta haien dantza eragozten saiatu dira. Beste batzuetan musikariak geldiarazi dituzte eta ikusleetako batzuk bizkarra eman diete emakume dantzariei. Ez da Baztan, ez Hondarribia edo Irun;... [+]
"2000. urteko San Joan egunez, aspaldiko urteko jende multzorik handiena bildu zen Andoaingo Goikoplazan, hamabiak jotzearekin batera dantzarako prest. Lehenengo aldiz gizon eta emakumez osatuta zegoen axeri-dantzarien taldea zen". Hitz horiekin ireki zuen "Emakumeak... [+]
Elkarrizketa ilustratzeko erabili dugun argazki nagusia 1970eko hamarkadan hartua da. Erratzuko plaza festetarako apainduta ageri da, ezpelez atonduriko ohiko eszenatokiarekin eta etxetik etxera zintzilik, dilindan dauden xingolekin. Urrunean bi soinulari agertzen dira, Maurizio... [+]
Adina ez dela dantzan aritzeko oztopo agerian utzi dute Errenteria-Oreretako Beti Bizkor elkarteko euskal dantza taldeko kideek. Dantzaren onurak argi erakusten dituen testigantza esanguratsuak jaso ditu Ikerne Zaratek Oarsoaldeko Hitzan argitaratutako Adina ez dadin ekiteko... [+]
Biteri Kultur Etxean egin dugu zita Pepi Arrospiderekin (Hernani, 1952). Izaskun Auzmendirekin (Arribe, 1964) agertu da, biak San Joan konpartsako kideak. Telefonoa. Auzmendirena da, hizketan hasi da, baina Arrospide adi-adi dago. Ia sartu da telefonora bera ere. Segituan... [+]
“Guk entseatu egiten genuen, mutilei erakusten genien, parrilarako laguntza behar zutenean hor egoten ginen, baina gero sekula ere ez genuen dantzatzen plazan, ezta burutik pasa ere”. Oihane Auzmendi Iturbe (Legazpia, 1977) Sustraiak dantza taldeko dantzaria da,... [+]
Aitzindariak elkartea Aitzina Biga ikuskizuna prestatzen ari da. Ehun parte-hartzailetik gora izango dira dantzan, musikan, antzerkian, kantuan eta bertsotan apirilaren 19an Maulen aurkeztuko den ikuskizunean. Uztaila bitarte, beste lau emanaldi izango dira: Miarritze, Arrasate,... [+]
Azaroan estreinatu zuen bere lehenengo lana Nagore Tamayo dantzariak (Tolosa, 2000): Nondik abiatu inora izena du, eta Natalia Belén dantzariarekin batera gorpuztu du. Bere herrian egin dugu hitzordua, Zumardi Handian.
Festa egiteko musika eta kontzertu eskaintza ez ezik, erakusketak, hitzaldiak, zine eta antzerki ikuskizunak eta zientoka ekintza kultural antolatu dituzte eragile ugarik Martxoaren 8aren bueltarako. Artikulu honetan, bilduma moduan, zokorrak gisa miatuko ditugu Euskal Herriko... [+]
Iurretan 1995ean andreek soka-dantza nola plazaratu zuten idatziz jasoa du Jon Irazabalek. Izan ere, 1837ko San Migel jaietan emakumeek osatutako aurreskua dantzatu zela ikusita, arrasto haiei jarraika, kopla doinuz lagundutako soka-dantza ikasi eta kaleratu zuten Iurretako... [+]