Emakumeak dira Arabako saskibaloiaren benetako aitzindariak

  • 1.940. urtekoak dira, Araban, saskibaloi partida bat jasotzen duten lehen irudiak.


2019ko maiatzaren 13an - 09:20
1940. urtekoan, Zapatagile kaleko jolastokian Gasteizko lehen saskibaloi partidaren irudiak. / Gasteizko Udal Artxiboa

Azken urteetan, Araskik eskuratutako emaitza onek eraginda, emakumezkoen saskibaloiak presentzia gehiago izan du hedabideetan, eta ondorioz herritarren artean ere bai. Askoren ustez emakumeek saskibaloiarekin duten lotura azken urteotan eman den gertakaria izan arren, errealitatea erabat bestelakoa da.

Emakumeak izan ziren Araban saskibaloian jokatzen hasi ziren lehenak, eta Baskonia bezalako talde handiei bidea errazteko lehen urratsak egin izana, beraiei zor diegu. Gasteizko lehen aztarna horiek 1940. urtean aurkitu daitezke. Hain zuzen, Zapatari kaleko Aliaden patioan jasotako lehen argazkia da horren adibide.

Gasteizko taldea, Espainiako bigarren mailako txapelduna, 1.941an. / Proyecto 75ers

Ondorengo urte horietan, gizonezkoek kirol berri honetan inolako eskarmenturik ez zuten bitartean, saskibaloian aritzen ziren nesken kopuruak gora egin zuen, eta gaur egungo kirolarekin zerikusirik ez duten baldintzatan gainera. Espainiako txapelketako irudietan jasota geratzen den bezala, soinezkoz jantzita eta zezen plaza bezalako tokietan jokatzen zuten taldeek.

Arabako ordezkariak estatuko lehen mailako txapelketan, 1943an. / Kutxateka

Gainera, gure lurraldeko zenbait jokalarik oso maila altua eman zuten; Adibide aipagarriena, Josefina Añua. Arabako ordezkariek, txapelketan partidarik irabazi ez bazuten ere, Josefina Añua Portugal eta Hungariaren kontrako partidetan txapelketan lehiatzeko hautatu zuten. Partida horiek, Mundu Gerraren ondorioz, bertan behera geratu ziren.

Albiste hau Arabako ALEA-k argitaratu du eta CC-by-sa lizentziari esker ekarri dugu ARGIAra.


Kanal honetatik interesatuko zaizu: Saskibaloia
2024-02-02 | Axier Lopez
Genozidioa eta sionismoa ez dituztela zurituko erakutsi diote Maccabi taldeari Gasteizen

Gasteizko Baskonia taldeko jarraitzaile eta ikusle askok bat egin du Israeli Boikot ekimenak eta Indar Baskoniak antolatutako protestarekin: Tel Aviveko Maccabi eta Saski Baskoniaren arteko partidura bost minutu berandu sartu dira, eta partida osoan Palestinako banderak erakutsi... [+]


2024-01-30 | Hala Bedi
Baskonia-Maccabi partidan genozidioa salatzeko deia egin dute

Ostegunean, otsailak 1, Tel Aviveko Maccabi saskibaloi taldeak Gasteizen jokatuko du. Israelgo okupazio ejerzitoaren publizitate eta zuritze kanpainetan eragile nabarmena izan da kirol talde hori. Palestinarekin elkartasunez, Maccabiren presentzia ez normalizatzeko eta protesta... [+]


2021-06-23 | ARGIA
Baskonia eta Alavesen instalazioak handitu nahi ditu Kerejetak, Gasteizko kirol unibertsitatearen proiektu barruan

Euneiz unibertsitate pribatuak ez lituzke soilik gradu ikasketak eta ikasleentzako egoitzak bultzatuko, Saski Baskonia eta Deportivo Alavesen jabearen proiektua izaki, klub horien hainbat instalazio handitzea ere aurreikusten du enpresa-taldeak, "kirol turismoa"... [+]


Euneiz, EHUren eskaintza errepikatzera datorren unibertsitate pribatu polemikoa

Baskonia eta Deportivo Alavesen jabeak bultzatutako proiektua da European University Gasteiz unibertsitate pribatua. Martxoan argi berdea eman dio Eusko Jaurlaritzak eta irailean zabaldu nahi ditu ateak. Dagoeneko EHUn ematen diren gradu berdinak emango dituela eta pribatizazio... [+]


Eguneraketa berriak daude