Euneiz, EHUren eskaintza errepikatzera datorren unibertsitate pribatu polemikoa

  • Baskonia eta Deportivo Alavesen jabeak bultzatutako proiektua da European University Gasteiz unibertsitate pribatua. Martxoan argi berdea eman dio Eusko Jaurlaritzak eta irailean zabaldu nahi ditu ateak. Dagoeneko EHUn ematen diren gradu berdinak emango dituela eta pribatizazio eta negoziorako tresna dela salatu dute, unibertsitate publikoaren kalterako.


2021eko apirilaren 20an - 17:28
baskonia.com

Euneiz (European University Gasteiz) unibertsitateari bidea irekitzen dion lege-proiektua onartu du Lakuak martxoan. Legebiltzarrak berau berrestea falta da, baina ez dirudi horretarako arazorik izango denik. Bi fakultate izango ditu unibertsitateak, Osasun Zientziak eta Teknologia Berriak, eta besteak beste fisioterapia, kirolaren zientziak eta eduki digitalak sortzeko graduak eskainiko ditu, dagoeneko unibertsitate publikoak eskaintzen dituenak. Webgunea gaztelaniaz eta ingelesez baino ez dago.

Josean Kerejetaren Baskonia-Alaves taldeak, Girona eta Tarragonako unibertsitate pribatuen laguntzaz sustaturiko proiektua da eta beraien hitzetan berrikuntza ekarriko omen du, baina Nekane Balluerka EHUko errektore zenak berak argi esan zuen iaz, ekimenaren berri eman zenean: proiektuak ez du zentzurik.

Steilas sindikatuak ere gogor kritikatu zuen egitasmoa: pandemiak zerbitzu publikoen –eta horiek zaintzearen–  garrantzia erakutsi digun garaiotan, zer eta unibertsitate pribatua sustatuko dute. “Unibertsitate pribatu gehienen antzera, negozioa egitera dator, eskaintza falta dagoela aitzakia hartuta; baliabide eta fabore publikoak jasoko dituen bitartean, unibertsitate publikoari lehia egingo dio eta gero eta gehiago ahulduko du EHU, zeinak gero eta finantzazio eskasagoa duen”.

Irailetik aurrera ikusi beharko da zein bide egiten duen unibertsitate berriak, zein den egingo omen duen ekarpena, zein ikaslek ikasi ahalko duen bertan eta nola eragingo dion unibertsitate publikoko ikasketa berdin edo antzekoei, baita ikasle horiek lan mundura salto egiten dutenean ere, ea merkatuak desberdin hartuko ote dituen batean eta bestean ikasitakoak.


Kanal honetatik interesatuko zaizu: Euneiz
Euneiz unibertsitate pribatuaren proiekturako egindako "zuhaitz mozketa masiboa" salatu du Elkarrekin Arabak

David Rodriguez bozeramaileak ohartarazi duenez, jarduerak “eragin larria izango du Salburuako hezeguneetan, bertako floran eta faunan”.


Unibertsitateak eta hezkuntza sistemak eragindako arrakalak agerian

Unibertsitatera sartzeko proba egitear da milaka ikasle. Gure gizarte desorekatuan, azken helduleku eta esperantza beti da hezkuntza: aukera berdintasunaren ikur, igogailu sozialerako amets. Errealitatean, baina, pribilegiatuak pribilegiatu eta zapalduak zapaldu mantentzen... [+]


2022-10-18 | ARGIA
Euneiz unibertsitate polemikoa inauguratuko dute astearte honetan

Ikasturtea hasi dute dagoeneko Gasteizko Euneiz unibertsitate pribatuan (110 ikaslerekin), baina astearte arratsalde honetan egingo dute inaugurazio instituzionala, Gasteizko alkatea, Arabako ahaldun nagusia eta Espainiako Gobernuaren ordezkaria bertan direla. Hasieratik... [+]


2022-07-20 | ARGIA
Euneiz unibertsitate pribatuari martxan jartzeko baimena eman dio Jaurlaritzak

Eusko Jaurlaritzak jardunean hasteko baimena eman dio egoitza Gasteizen duen Euneiz unibertsitate pribatuari. Espainiako Gobernuaren Unibertsitateen Ministerioaren baimena lortuz gero, 2022-2023 ikasturtetik aurrera martxan hasiko litzateke.


2021-11-12 | Hala Bedi
Euneiz sortzea ahalbidetzen duen legea onartu dute Legebiltzarrean eta protesta egin dute sindikatuek eta ikasle antolakundeek

EAJ-PNV, PSE, PP-Ciudadanos eta VOX alderdiek egin dute legearen alde eta, besteak beste, egitasmo pribatua diru publikoz finantzatzea ahalbidetzen du.


Eguneraketa berriak daude