Autobusak antolatu dituzte ostiralean Gasteizera joateko, Maccabiren aurkako manifestaziora
Israelgo Estatuko saskibaloi taldeak ostiralean jokatuko du Gasteizen, eta mobilizatzera deitu du Palestinarekin Elkartasunak.
Ostiral honetan, otsailaren 7an, Israelgo Estatu terroristak kirol-munduan duen ordezkari nagusia izango da Gasteizen (Araba): Maccabi Tel Aviv saskibaloi-taldea. Iluntzeko 20:30ean jokatuko du Baskoniaren aurka, izan ere, Palestinarekin Elkartasuna plataformak hainbatetan eskatu dio klubari partida bertan behera uzteko, baina aurrera egitea erabaki du hark. Manifestu zorrotz baten bidez, saskibaloiko 40 taldek eta klubek, kirol-munduko 91 pertsona ezagunek eta Arabako 65 kolektibo sozialek eta politikok exijitu dute ez dadila partidua jokatu, salatuz estatu sionistak bere aurpegia zuritzeko erabiltzen dituela halako ekimen handiak, baina aldarriari entzungor egin dio Baskoniako zuzendaritzak.
Horiek horrela, mobilizatzera deitu du Palestinarekin Elkartasuna plataformak: Maccabi kanpora lelopean, manifestazio bat egingo du ostiral arratsaldean. 18:30ean hasiko da Gasteizko Iparralde gizarte-etxetik, eta babes zabala jasotzen ari da deialdia. Mobilizaziora bertaratzeko, autobusak eta kotxez joateko hitzorduak antolatzen ari dira hainbat hiritan eta herritan: autobusez joateko aukera egongo da Iruñetik (Nafarroa), Bilbotik (Bizkaia) eta Algortatik (Bizkaia), eta autoak partekatuko dituzte Donostian (Gipuzkoa), Azpeitian (Gipuzkoa) eta Zarautzen (Gipuzkoa), besteak beste.
Palestinaren aldeko aldarria
Aurreko ostegunean ere Gasteizko Fernando Buesa Arenan aritu zen Baskonia, eta Palestinaren aldeko aldarria zabaltzen aritu zen jende andana: informazio-eskuorriak eta Palestinaren banderak banatu zituzten, norgehiagokan zehar, palestinarrei elkartasuna adierazteko. Protesta-ekintza gelditzen saiatu ziren polizia-indarrak eta estadioko segurtasun-indar pribatuak: Ertzaintzak 32 pertsona identifikatu zituen propaganda egiteagatik, eta segurtasun-indarrek Buesa Arenako sarreretatik kanporatu zituzten. Hala ere, partidan ikusle ugarik atera zituzten Palestinaren banderak, eta presente egon ziren aldarriak.
Asteburu honetan jakin dugu, Palestinarekin Elkartasuna plataformako kideen bitartez, Israelek 33. FCI/IGP Munduko Txapelketan parte hartu duela, Gasteizen ospatu den nazioarteko txakur lehiaketa batean. Duela egun batzuk izan genuen txapelketaren berri, baina Israel ez zegoen... [+]
Sharon Ronen israeldarrak FCI-IGP 33. munduko txakur txapelketan parte hartu duela jakinarazi du Palestinarekin Elkartasuna eragileak. Gasteizko Udalari “sionismoaren konplize” izatea leporatu dio.
Zinemaldiko hasierako gala izan da ostiralean, eta Kursaaleko oholtzan Palestinaren eta Israeli boikota egitearen aldeko aldarriak entzun dira. Itziar Ituñok, Silvia Abrilek eta Toñi Acostak aurkeztu dute gala, eta hiruek egin dute Palestinaren alde.
Genoako portuko langilea da duela hogei urtetik, eta Portuko Langileen Kolektibo Autonomoko (PLKA) kidea da Italo. Erakunde hori 2011n sortu zen, eta azken asteetan ospetsu egin da nazioarteko komunikabideen, haien kide batek ziurtatu zuenean Israelgo Estatuak Gazara doan... [+]
Palestinan bideratzen ari den genozidioa salatu dute Euskal Herriko Unibertsitateko ordezkariek. Hainbat neurri hartuta ditu EHUk eta tartean, batzorde bat sortzeko proposamena egina dio errektoretzak Palestinaren aldeko unibertsitate mugimenduari, aurretik ere unibertsitateak... [+]
Ia ehun Ministro Kontseilutan genozidioaren kolaboratzaile zuzenen ondoan eserita egon ondoren, IU haserre-plantak egiten ari da eta mahaia uzteko mehatxua egin du.
Artikulu honen pean doa ondoko artikulua.
Irailaren 18a Palestinaren Aldeko Borroka Eguna izango da nazioartean, NBEk Palestinako okupazioarekin amaitzeko hartutako ebazpenetik urtebetera. Hego Euskal Herriko hiru hiriburutan mobilizazioak deitu dituzte.
Ikama ikasle antolakundeak deituta, ikasleak Palestinaren alde mobilizatu dira astearte honetan, Hego Euskal Herriko hainbat ikastetxe eta unibertsitatetan. “Denon erantzukizuna da egoerari buelta emateko salaketa egin eta mobilizatzea”.
RTVE irrati-telebista kate espainiarreko Administrazio Kontseiluak astearte honetan onartu du erabakia. Jaialdiaren antolaketan pisu handia duen “Big Five” deituriko herrialdeen artean, Espainia da lehena iragarri duena Eurovision utziko duela Israelek parte hartuz... [+]
Guatemala izan zen munduko lehen herrialdea Israelgo Estatua sortzearen aldeko botoa ematen, horrela diote garai hartako kronikek. 1947tik hona, jende askoren iruditeri kolektiboan Guatemala izan zen estatu sionistaren lehen harria jarri zuen lehen estatua.
Ordutik 80 urtera,... [+]
"Israelen kontrako boikot kanpainak martxan dauden honetan, kulturgileoi lerratzea dagokigu", adierazi du Saioa Alkaizak komunikabideetara igorritako oharrean. BDZk txalotu egin du Alkaizaren erabakia, eta Elkar argitaletxeari gonbita luzatu dio, "erabaki ausartak... [+]
Bi herrialdeek jakinarazi dute ez direla 2026ko Eurovision jaialdira aurkeztuko Israelek parte hartzen jarraitzen badu. Espainiako Gobernuko Kultura ministro Ernest Urtasunek ere iradoki du Espainiak ez lukeela parte hartu beharko.