Emakume txilibitu-jolea Irungo jaietako kartelean?
Irungo Sanmartzial jaietan hiria apaintzeko aurkeztu dituzten kartelen artean, lehenengo aldiz batzorde artistiko bat arduratu da bost finalistak aukeratzeaz. Emakume txilibitu-jole bat ageri da kartel finalistetako batean, eta herritarrengandik boto kopuru handiena jasotzen badu, lehen aldia litzateke alarde parekidea jaietako kartel ofizialean irudikatzen dena.
aurre egingo dieten hedabide independenteak
Orain arte, emakumeak kantinera edo ikusle rolean baino ez dira agertu Irungo jaietako kartel ofizialetan, horregatik da berezia La flautista y la cantinera izeneko lana. Bost kartel finalistak ikusi eta bozkatzeko aukera ematen du Irungo Udalak bere webgunean.
"Jaia bizitzeko era bat legitimatzen du, herriaren iruditedian kokatzen du"
"Orain arte jaia bizitzeko bi moduak errespetatu behar direla aldarrikatu izan dute instituzioetatik, baina alde bat, parekidea, erabat baztertua izan da iruditegi orokorretik. Horregatik da hain berezia kartel hau: jaia bizitzeko era bat legitimatzen duelako eta herriaren iruditegian kokatzen duelako”, adierazi digu Oihana Etxebarrietak.
Euskal Herriko Bilgune Feministako kide izateaz gain, bidasoar honek urteak daramatza alarde parekidean desfilatzen. Bere hitzetan, “emakumeak erdigunera ekartzeak zirrara berezia eragiten digu jaian modu horretan parte hartzen dugunoi; jaien parte garela, gu ere hor gaudela eta jaietan disfrutatzeko eskubidea dugula irudikatzera garamatza".
Kartel onenaren alde bozkatzeko oraindik astebete geratzen dela-eta, deia zabaldu du Etxebarrietak: “16 urtetik gorako irundar parekide guztiak, sartu webgunera, ikusi irudikatze horrekin gustura al zaudeten eta eman botoa, kartel bat baino askoz gehiago baita!”.
Kufiya palestinar zapia eramango du Jaizkibel konpainia berdinzaleko kide ugarik, Hondarribiko jaien egun nagusian, Palestinarekiko elkartasuna ikusarazteko. Jaiak eta politika ez nahasteko diotenen aldean, “jaiak ere badira justizia eta eskubideak adierazteko plaza... [+]
Bilboko Udalak ostegunean adierazi du Abandoibarrako kontzertua bertan behera geratu eta gero, Plaza Biribileko agertokia eskaini ziela hiru artistei, baina ezezkoa eman zutela. Abeslariek bertsio hori ukatu eta zehaztu dute: bakarrik Kai Nakari eskaini zioten.
Euskal Herri osoan —beste herrialdeetan bezalatsu— jairik ez da falta. Negu giroan ere asko badira ospatzen direnak, uda-garaian ez da festa gabeko egunik. Egun-argi luzeak eta gau epelak jendea etxe zuloetatik kanpora, kalera ateratzeko aproposak dira eta jai giroan... [+]
Bilboko Konpartsek elkarretaratze jendetsua egin dute Arriaga Antzokiren aurrean azken egunetako eraso sexisten aurka egiteko. Konpartsek adierazi duten arabera, erasoak kopuruz eta intentsitatez handitu dira. Aste Nagusiaz gozatzera gonbidatu dituzte herritarrak, eta... [+]
Kai Nakai, Maren eta Olatz Salvadorren kontzertua bertan behera utzi zuen Bilboko Udalak joan den igandean. Hiru musikariek azaldu dute gertatutakoa.
Polizia jarduera arrazistak dira araua Bilbon. Manteroei salgaiak konfiskatzen dizkiete, dirua eta objektu pertsonalak kentzen dizkiete, tratu txarrak ematen dizkiete eta mespretxatu egiten dituzte, indarkeriazko murrizketekin, identifikazioekin eta atxiloketekin.
Bilboko Udaltzaingoak kale saltzaileak Bilboko Gas plazatik kanporatu ditu, bertan bizi baitira kale egoeran Aste Nagusian salmentak handitzeko asmoarekin. Bilboko Konpartsek eraso arrazisten kontrako protokoloa aktibatu, eta elkarretaratzea egin dute.
LAB sindikatuak Euskotren enpresaren "koherentzia eza eta erantzukizun sozialaren gabezia" salatu ditu, zezenketen publizitatea zabaltzen ari delako bere ibilgailuetan.
Bilboko Aste Nagusian hainbat pertsona atxilotu ditu Poliziak eraso sexistak leporatuta. Egoera horren aurrean, Juan Mari Aburto Bilboko alkateak esan du Polizia "eraginkorra" dela eta Bilbon "inoiz baino polizia gehiago dagoela".
Eta, honekin bai, honekin amaitu da Donostiako Aste Nagusia! Piratei aste bete motz geratzen zaiela eta, egun bat gehitzen diote Aste Nagusiari. Aurten hogeigarren urtez jarraian egin dute Irrikitaldia.
Bilboko Aste Nagusia pertsona autistentzat irisgarriagoa izateko zenbait gako dakartzate Oihan Iriarte Eletxigerrak eta Iker Boveda Martinek, euren esperientziatik.
Getariako txosnagunean eta Aian egin dute elkarretaratze isila. Jai batzordeak txosnak itxi zituen.
Mugimendu Feministak azaldu duenez, Fermin Muguruzaren kontzertuaren aurretik gertatu ziren erasoak. Horiez gain, beste hiru eraso zenbatu dituzte: hiru gizonak atxilotu ditu poliziak.
Bilboko Konpartsen Federazioak 2025eko Aste Nagusirako prestatu duen egitaraua aurkeztu du Arriaga Plazan. Federazioak, konpartsek eta Jai Batzorde Mistoak 600 jarduera baino gehiago prestatu dituzte, "gustu guztientzako ekintzez betetako Aste Nagusiaz gozatzeko".
Gasteizen igandean eginiko agerraldian, Txosnak. Gureak, denonak dinamikako kideek gaitzetsi dute txosnak ez direla enpresen gisara tratatu behar: "Gure ospakizunak edukiz hustu nahi dituztenen kontra, konpromisoaren, aniztasunaren eta autogestioaren alde egiten... [+]