Gasteizko Zabalgana auzoan aurreikusita zegoen etxegabetzea gauzatu da eta emakumezko bat eta bi ume kaleratu dituzte alokairuan bizi ziren etxetik.
Goizeko 11:00etarako zegoen aurreikusia kanporatzea eta ordu horretarako Ertzaintzak eta Udaltzaingoak etxebizitzara hurbiltzea galarazteko prezintoa jarri dute atariaren inguruan. Kaleratzeaz stop Araba elkarteak egindako protesta ekitaldian parte hartzen ari ziren herritarrak saiatu dira sartzen atarira emakumeari bere gauzak etxetik ateratzen lagutnzeko, baina poliziak sarrera eragotzi diete.
Etxegabetzeak Stop elkarteak jakinarazi duenez, etxebizitza partikular batena da, baina babes ofizialeko etxe bat ere bada eta Etxebideren ardurapean dago. Elkarteak eskatua zuen etxegabetzea geldiaraztea familiak beste etxe bat topatu arte, baina epaitegiak ez du onartu eta etxea husteko agindua eman du. Halakorik onartu ez denez, Etxegabetzeak Stop-ek salatu du ez dela bete Udala, Eusko Jaurlaritza eta epaitegiek sinatua duten akordioa.
Babes Ofizialeko Etxebizitzetan bizi dira familiak, eta La Caixak ez dizkie alokairu-kontratuak berritu nahi. Bilboko Etxebizitza Sindikatuak salatu duenez, bizilagunak kaleratuz, "alokairu sozialetatik aberasten da" banketxea. "Etxegabetzeak berehala eta... [+]
EAJren asmoa da legezko aldaketa azkar bati ekitea, 48 orduko epean etxegabetzeak egin ahal izateko etxebizitzak okupatzen diren kasuetan.
Bilatu dituzten beste etxeetako jabeek ez diete etxerik alokatu nahi izan familia ugaria, soldata bakarra eta atzerritar jatorrikoak izateagatik.
Pasaiako portuko langileen familiak bizi diren Trintxerpeko etxebizitza bloke bat bota nahi dute Pasaiako Portu Agintaritzak eta Euskal Trenbide Sareak, 400 metro inguruko trenbide zati bat egiteko. Lau hilabetetan etxea utzi behar dutela ohartarazi diete.