Elkartasuna eta babesa astelehenetik aurrera epaituko dituzten Oreretako gazteei

  • Nabarreria plazan egindako kontzentrazio batekin, astelehen honetatik aurrera Iruñean Errepresioari Autodefentsa ekimenak deituriko manifestazioan izandako istiluetan atxilotu zituzten Oreretako gazteei elkartasuna eta babesa erakutsi nahi izan zioten "Iruñeako 4 Gazteak" ekimenetik.

Ahotsa.info @ahotsainfo
2018ko maiatzaren 21a
Iruņeko Nabarreria plazan auzipetuen alde egindako bilkura.

Astelehen honetan eta asteazkenean epaituko dituzte joan den urteko martxoan Iruñean atxilotu zituzten hiru gazte oreretarrak, eta Beasaingo beste bat. «Desordena publiko terroristak» egotzi dizkiete laurei. Espainiako Auzitegi Nazionalean izango da epaiketa eta fiskalak zazpi urteko espetxe zigor eskaera egin du guztientzat.

Atxilotu eta berehala, hiru gazte oreretarrak espetxeratzeko agindua eman zuen epaileak eta zortzi hilabete espetxean emanda, joan den azaroan irten ziren askatasunean behin-behinean, epaiketa iritsi zain.

Gazte horietako baten gurasoak dira Patxi Petrirena eta Maribel Barcena, eta epaiketaren aurreko egunak «tentsio handiarekin» bizitzen ari direla aipatzen dute Oarsoaldeko Hitzan egindako elkarrizketa batean: «Oso hilabete txarrak pasatu ditugu, zortzi hilabete eman dituzte espetxean gure semeek eta bost hilabete behin-behineko askatasunean pasata epaiketa heldu da orain. Eskaera gogorra da fiskalarena».

Argi dio Petrirenak Etorkizunaren Alde plataformak denbora honetan guztian salatu duena, «Espainiako Auzitegi Nazionalera ez zuen heldu behar auziak, terrorismo kalifikazioa kentzea eskatzen jarraitzen dugu, baina kalifikazio horrekin heldu da epaiketa, horrek dituen arriskuekin».

Eskaeran, desproportzioa

«Ez dela terrorismoa» nabarmendu du Barcenak, «eta kalifikazio hori kentzea eskatzen jarraitzen dugu. Gure semeen etorkizuna erabat baldintzatzen ari direla uste dugu. Zazpi urteko espetxe zigorra dago jokoan, eta horrekin batera, 13 urteko gaitasungabetzea, 45.000 euroko isuna, eta bost urteko zaintzapeko askatasuna. Terrorismo kalifikazioa erabiltzen bada manifestazio batean parte hartzea epaitzeko, gure semeen etorkizuna dago jokoan, baina baita beste gazte eta pertsonarena ere, edozeini tokatu ahal zaiolako. Ondorioak oso latzak dira, eta injustizia eta desproportzio handia dago».

Horrenbestez, epaiketan «terrorismo» kalifikazioa desmuntatzea izango dela gazteen defentsaren lana nabarmendu dute biek, «pentsatzen dugu nahikoa zigor bete dutela, nahikoa eta gehiegi. Baina arriskua hor dago epaitegi berezi batean epaituko dituzte. Gure ustez parametroetatik ateratzen da».

Eskerrak emateko beharra ere sentitu dute biek, «herriaren aldetik jaso dugun babes eta sustenguarengatik. Indarra eman digu guri eta gazteei, eusteko eta honaino iristeko, eta oso eskertuta gaude».

Albistea Ahotsa.info-k argitaratu du eta ARGIAra ekarri dugu CC by-sa lizentzia balitatuta

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Epaiketak  |  Errenteria

Epaiketak kanaletik interesatuko zaizu...
2018-10-01 | ARGIA
Seven young Basques illegally sent to prison

They were arrested in 2015 after being accused by the Ertzaintza (Basque police) of being members of pro-independence organization Segi. The Spanish Constitutional Court has now declared the order for arrest and imprisonment invalid and “against the law and rights”.


2018-09-26 | ARGIA
Zazpi gazteren atxilotze eta espetxeratzea "legez kontrakoa" izan zela ebatzi du Konstituzionalak

2015ean atxilotu zituen Ertzaintzak Segikoak izatea leporatuta Espainiako Auzitegi Nazionalak epaitutako zazpi lagun, horietatik hiru Gasteizen egindako “herri harresian”. Defentsak Auzitegi Gorenean jarrita zuen helegitea aintzat hartu eta gazteak kartzelaratzeko agindua baliogabea eta “legearen eta Eskubidearen kontrakoa” dela esan du orain Konstituzio Auzitegiak.


42.300 euroko kalteengatik 41 urteko kartzela zigorra eskatzen diete bi burlatarri

2004 eta 2007an gertatutako kale borroka kasuak leporatzen dizkiete Jose Javier Oses eta Iñigo Gulinari. Leporatzen zaizkien kale borroka kasuak Nafarroako hainbat herritan egozten dizkiete. Horregatik, Osesi 23 urte eta erdi eta Gulinari 18 urteko kartzela zigorra eskatzen diete.


2018-06-22 | Guaixe .eus
"Auziak sortu duen harriduraren isla: funtzionario eta guardia zibil batzuek ere elkartasuna adierazi didate"

Altsasuko auziagatik kartzelan behin-behinean preso 19 hilabete darama Jokin Unamuno Goikoetxeak. Estremerako espetxetik erantzun du Guaixe astekariak bidalitako galdetegia. Epaia jakin berritan, baina fiskaltzaren helegitearen eta Iruñeko manifestazioaren berri ez zituela.


Fauna publikoa
Erregimenaren tenperatura

Kaleko mobilizazioak zerbaiten termometro badira, UPNren tenperaturak baxu xamar egon behar du, berri txarrak jasotzen ari baita azkenaldian: asteburuan milaka lagun elkartu dira Iruñean Altsasuko gazteen aurkako sententzia arbuiatzeko eta muntaia polizial-mediatiko-judiziala salatzeko. Beste sententzia batek, 2016ko Sanferminetako talde bortxaketaren kasukoak, milaka lagun atera zituen Iruñeko kaleetara aurtengo apirilean eta haserrea metropoli foraletik askoz harago sumatu zen.


Har ditzagun kaleak, injustizia hau gelditzeko

2 eta 13 urte arteko espetxe zigorrak, herriaren okupazioa, espetxeratzeak, isunak… hori da Altsasun egun hauetan ikusitakoa. “Kalteak, desordena publikoa eta mehatxuak” eta “agintearen aurkako atentatu” delituak leporatu dizkie Espainiako Auzitegi Nazionalak Altsasuko zortzi gazteei. “Nagusitasun abusu eta gorroto” larrigarriak ezarri dizkiete, gertakariak “arrazoi ideologikoengatik eta Guardia Zibilarenganako gorrotoagatik” eman zirela... [+]


Tortura salaketak ez ikertzeagatik ezaguna den Grande Marlaska epailea, Espainiako Barne ministro

Giza Eskubideen Europako Auzitegiak (GEEA) bederatzi aldiz kondenatu du Espainia torturak ez ikertzeagatik eta horietako seitan Grande Marlaska zen epaile instruktorea.


2018-06-01 | ARGIA
Bina urteko kartzela zigorra ezarri diete Iruņeko istiluengatik auzipetutako lau gazteei

2017ko martxoaren 11n Iruñean Errepresioari Autodefentsa dinamikak deitutako manifestazioaren ostean gertatutako istiluetan parte hartzea leporatzen zaie. Maiatzaren 21 eta 23an egin zen epaiketa, eta gaur egin da publiko sententzia.


2018-05-23 | ARGIA
Terrorismoa egotzita, zazpina urteko espetxealdi eskaera berretsi du Fiskaltzak Iruņeko istiluengatik

Iruñeko istiluen harira auzipetuta dauden Errenteriako eta Beasaingo lau gazteentzat zazpina urteko espetxe-zigorra mantendu du Fiskaltzak. “Ez zen iskanbila hutsa izan, izua sortzeko helburu terrorista zuten ekintza aurrez planifikatuak izan ziren”, adierazi du. Lauen absoluzioa eskatu dute defentsek.


2018-05-18 | ARGIA
Astelehenean hasiko da Oreretako eta Beasaingo gazteen aurkako epaiketa

Iazko martxoan atxilotu zituzten Iruñean izandako liskar batzuen harira. “Desordena publiko terroristak” egotzi diete Oreretako hiru laguni eta Beasaingo bati. Espainiako Auzitegi Nazionalean izango da epaiketa, eta fiskalak zazpina urteko espetxe zigorra eskatu du guztientzat.


Eguneraketa berriak daude