Orain egun batzuk salatu zuen Auzoan Bizi etxebizitza sareak Udalak "kalean eta inolako etxebizitza alternatibarik gabe" utzi zuela urgentziaz operatu berri zuten bizilagun bat, udal harrera ostatuak itxita dauden bitartean.
Udalaren gizarte zerbitzuetara jo zuen gizonak Auzoan Bizi etxebizitza sarearen laguntzaz, eta aste baterako ostatua eskaini zioten. Medikuaren arabera, baina, sei astekoa behar du atseden osoak.
Horregatik, otsailaren 22rako elkarretaratzea deitu du Auzoan Bizi sareak, "Kalean ez dago osatzerik, vuestras políticas nos condenan" lelopean. San Anton Kaleko 12. zenbakian egingo da mobilizazioa, Gasteizko gizarte larrialdietarako zerbitzuaren egoitza parean, arratsaldeko 19:30etan.
Pobreziaren eta gizarte-bazterketaren kontrako Nafarroako sarearen arabera, Nafarroan bizi diren pertsonen %17,2 bazterketa edo pobrezia egoeran dago.
Ipar Euskal Herriko biztanleriaren %12 pobrezian bizi da. Hori dio INSEE Frantziako estatistika institutuak iragan urrian egindako ikerketa batek. Horrek erran nahi du gure lurraldeko 35.000 herritar 1.102 euro azpiko hilabete sariarekin bizi direla.
Diru-Sarrerak Bermatzeko Errentaren legea martxoan onartu zuen Eusko Jaurlaritzak, eta bertan aurreikusitako neurrietako bat jarri dute orain martxan: 19 ikuskatzailek osatutako Kontrol Unitatea, Lanbideren baitan. Iruzurrik apenas dagoen prestazioaren bueltan pobreak... [+]
Nafarroako Gobernuak pobreziari eta desberdinketa sozialari buruzko zazpigarren txostena kaleratu berri du. Datuak adierazgarriak dira: Erriberako herriek pobrezia arrisku handiagoa dute, %40 iparraldeko herriek %10. 2021ean urtean 12.000 euro jasotzen zituzten herritarrak... [+]
