Elkarretaratze jendetsua Laudion, "euskararen aurkako oldarraldiaren" kontra

  • Elkarretaratze jendetsua egin dute Laudion Euskalgintza Kontseiluak eta Aiaraldeko Euskalgintza Kontseiluak, hizkuntza eskakizunen gaineko epaiak salatzeko. Epaileek "euskararen aurkako oldarraldia" abiatu dutela adierazi dute, eta horren aurrean batasunez erantzuteko deia luzatu dute.


2022ko otsailaren 07an - 07:10
Azken eguneraketa: 08:13

Elkarretaratze jendetsua egin dute Euskalgintza Kontseiluak eta Aiaraldeko Euskalgintza Kontseiluak gaur eguerdian Laudioko Herriko Plazan. Alea komunikabideak aste honetan argitaratutako albisteari erantzun irmoa eman diote horrela.

Asteartean azaleratu zen notizia: Epaile batek euskara "zaila" dela argudiatu du Laudioko Udaleko hizkuntza eskakizun bat saihesteko.

Epaia aurrekari arriskutsutzat jo dute gaurko elkarretaratzean. "Euskaraz bizitzearen alde, batuz" lemapean mobilizatu dira. Botere judiziala euskara arautzen ari dela salatu dute, eta batasunez erantzuteko deia luzatu dute, epaileek abiatutako "euskararen aurkako oldarraldiaren" aurrean.

 

 


Kanal honetatik interesatuko zaizu: Euskaldunen aurkako erasoak
2024-02-15 | ARGIA
Helegitea jarri diote 119 administrari-plaza egonkortzeari, hizkuntza eskakizuna dutelako

LABek ohartarazi du Gipuzkoako Foru Aldundiko behin-behineko 119 langileak egonkortzeko egin den bidea bertan behera gelditu daitekeela, hizkuntza eskakizuna ezarri izanagatik helegitea aurkeztu dutelako. LABek eta ELAk elkarretaratzea deitu dute otsailaren 16rako, Donostian.


Errenteriako tabernari baten jarrera euskarafoboa salatu dute

Errenteria-Oreretako Aurrera tabernako zerbitzariak euskararekiko "mespretxuz" eta oldarkor erantzun zion euskaraz eskatu zuen bezero bati euskalgintzako hainbat kidek salatu dutenez.


Agurne Gaubeka
"Euskararen aurkako estrategia judizial eta politikoari erantzun behar diogu"

Zizurko Udalaren obretako langile lanpostu baten euskarazko profila atzera bota du Iruñeko Administrazioarekiko Auzien 3. Epaitegiak. Erabaki horren aurka elkarretaratzera deitu dute hainbat eragilek. Hizkuntza Eskubideen Behatokiko zuzendari Agurne Gaubekaren aburuz,... [+]


2024-02-09 | ARGIA
Epaileen euskarafobia salatu dute Nafarroako Justizia Auzitegi Nagusiaren aurrean

Nafarroako Justizia Auzitegi Nagusiaren aurrean elkarretaratzea egin dute Zizur Nagusiko Udalaren aurka eman den azken epaia salatzeko. Udalak langile lanpostu batean ezarritako hizkuntza eskakizuna atzera bota du epaitegiak.


Eguneraketa berriak daude