“Elkarlanerako prest gaude, ez inposatutako erabakiak akatatzeko!”
Algortako jai batzordeak manifestazioa deitu du biharko, eguaztenerako, Getxoko Udalak saninazioak eta udalerriko gainontzeko jaiak bertan behera uzteko kudeaketari begira izandako jarrera deitoratzeko. Arrastiko 19:00etan jarri dute hitzordua, Algortako Telletxe plazan.
COVID-19ak zalantza ugari eragin ditu herri eta auzo denetan, ospakizunak zelan bidera daitezkeen jakin barik. Horren harira, udal askok bertan behera utzi dituzte jaiak zuzenean; beste batzuk, aldiz, horiek egokitzeko apustua egin dute. Getxoren kasuan, udako ospakizun denak bertan behera uztea erabaki zuen Udalak, udalerriko jai batzorde denakaz adostutako akordioa zela zabalduta. Hala ere, Algortako jai batzordeak gogor kritikatu egin du balizko akordio hori eta deitoratu du ez dela adostasunik egon erabaki hori hartzerakoan, ezta harreman iraunkorrik jaiei irtenbide bat bilatzeko asmoz.
Hala, jai batzordeko kideek manifestazioa egiteko deia egin dute biharko, eguaztenerako, "San Inazio jaien hasiera izango zen egun eta orduan". Azaldu dutenez, manifestazio horregaz "argi eta garbi" utzi gura dute Udalak aurtengo jaien kudeaketari begirako izandako jarrera: "ez da onargarria izan; jai batzordeen proposamenak ez dituzte kontutan hartu, aldebakartasunez jaiak bertan behera utzi ditu, jai batzordeen desadostasuna erabili dute erabaki batzuk hartu eta justifikatzeko... Horrela Ez! Gu elkarlanerako prest gaude, baina ez inposatutako erabakiak akatatzeko!".
Horregatik, herritar denen parte-hartzea eskatu dute mobilizazio horretan: "Jai herrikoiak zuenak ere badirelako!". Mobilizazioan parte hartzeko hainbat jarraibide prestatu dituzte jai batzordekoek, eta horiek errespetatzea eskatu dute:
1. Aurtengo jaietako zapia jantzita ekarri. Salgai daude herriko hainbat denda eta tabernatan.
2. Errespetatu osasun eta segurtasun irizpideak: musukoa etxetik jantzita ekarri, mantendu pertsonen arteko segurtasun distantzia minimoa eta jarraitu antolakuntzako kideek emandako azalpen eta jarraibideak.
2. Zabaldu deialdia zuen inguruan!
Bilboko Udalak ostegunean adierazi du Abandoibarrako kontzertua bertan behera geratu eta gero, Plaza Biribileko agertokia eskaini ziela hiru artistei, baina ezezkoa eman zutela. Abeslariek bertsio hori ukatu eta zehaztu dute: bakarrik Kai Nakari eskaini zioten.
Bilboko Konpartsek elkarretaratze jendetsua egin dute Arriaga Antzokiren aurrean azken egunetako eraso sexisten aurka egiteko. Konpartsek adierazi duten arabera, erasoak kopuruz eta intentsitatez handitu dira. Aste Nagusiaz gozatzera gonbidatu dituzte herritarrak, eta... [+]
Kai Nakai, Maren eta Olatz Salvadorren kontzertua bertan behera utzi zuen Bilboko Udalak joan den igandean. Hiru musikariek azaldu dute gertatutakoa.
Polizia jarduera arrazistak dira araua Bilbon. Manteroei salgaiak konfiskatzen dizkiete, dirua eta objektu pertsonalak kentzen dizkiete, tratu txarrak ematen dizkiete eta mespretxatu egiten dituzte, indarkeriazko murrizketekin, identifikazioekin eta atxiloketekin.
Bilboko Udaltzaingoak kale saltzaileak Bilboko Gas plazatik kanporatu ditu, bertan bizi baitira kale egoeran Aste Nagusian salmentak handitzeko asmoarekin. Bilboko Konpartsek eraso arrazisten kontrako protokoloa aktibatu, eta elkarretaratzea egin dute.
LAB sindikatuak Euskotren enpresaren "koherentzia eza eta erantzukizun sozialaren gabezia" salatu ditu, zezenketen publizitatea zabaltzen ari delako bere ibilgailuetan.
Bilboko Aste Nagusian hainbat pertsona atxilotu ditu Poliziak eraso sexistak leporatuta. Egoera horren aurrean, Juan Mari Aburto Bilboko alkateak esan du Polizia "eraginkorra" dela eta Bilbon "inoiz baino polizia gehiago dagoela".
Eta, honekin bai, honekin amaitu da Donostiako Aste Nagusia! Piratei aste bete motz geratzen zaiela eta, egun bat gehitzen diote Aste Nagusiari. Aurten hogeigarren urtez jarraian egin dute Irrikitaldia.
Bilboko Aste Nagusia pertsona autistentzat irisgarriagoa izateko zenbait gako dakartzate Oihan Iriarte Eletxigerrak eta Iker Boveda Martinek, euren esperientziatik.
Mugimendu Feministak azaldu duenez, Fermin Muguruzaren kontzertuaren aurretik gertatu ziren erasoak. Horiez gain, beste hiru eraso zenbatu dituzte: hiru gizonak atxilotu ditu poliziak.
Bilboko Konpartsen Federazioak 2025eko Aste Nagusirako prestatu duen egitaraua aurkeztu du Arriaga Plazan. Federazioak, konpartsek eta Jai Batzorde Mistoak 600 jarduera baino gehiago prestatu dituzte, "gustu guztientzako ekintzez betetako Aste Nagusiaz gozatzeko".
Gasteizen igandean eginiko agerraldian, Txosnak. Gureak, denonak dinamikako kideek gaitzetsi dute txosnak ez direla enpresen gisara tratatu behar: "Gure ospakizunak edukiz hustu nahi dituztenen kontra, konpromisoaren, aniztasunaren eta autogestioaren alde egiten... [+]
Beste urte batez Los 40 Summer Live jaialdia ospatuko dute Zarautzen, eta horren kontra agertu dira herriko hainbat eragile, haien ustez, garrantzi handiagoa ematen zaiolako ekitaldi horri herriko jaiei baino: "Argi erakusten du gure herrian zeinentzat dauden erraztasunak... [+]
Bilboko 13 konpartsek iragarri dute ez dutela Coca-Colarik salduko Aste Nagusiko txosnetan. Instagramek albiste horri buruzko Deiaren argitalpena iradoki zidan, eta iruzkinak hiru multzotan sailkatuko dizkizuet: konpartsei isekak, halako ekintzek eraginik ez dutela... [+]
Madalenetan murgilduta gaudela irakurriko duzue askok artikulu hau, bestela ere pentsatu gure etorkizuneko egunerokoan, jai giro herrikoiak aurrez irudikatzen duen herria baita urte osorako desio dugun herri eredua, deskantsu pixka bat gehiagorekin, noski. Badira urte batzuk... [+]