"Elkar-zaintzan oinarritzen gara, ez gara asistentzialismoan erori"

  • Herritar antolatuak ari dira egunotan Bilbora iristen diren migratzaileei harrera egiten. “Elkar-zaintzan oinarritzen gara eta ez gara asistentzialismoan erori, bakoitza bere bizitzaren burujabe eta subjektu aktiboa dela ulertzen dugulako. Elkarrekin egiten ditugu erosketak, elkarrekin prestatzen dugu janaria, batzarra egiten dugu gauero eguna baloratzeko eta hurrengo eguneko beharrak aztertu eta denon artean antolatzeko”, kontatu digu Iñigo Santxo Atxurigorri auzo elkarteko kideak.


2018ko uztailaren 26an - 15:00
Oinarrizko beharren artean ere badago konpainia egitea. Argazkiak: Txeng Meng

Egunero aldatzen da panorama, baina egunean batez beste 60 inguru dira herritar antolatuen eta Ongi Etorri Errefuxiatuak plataformaren babesa aurkitzen duten migratzaileak, Afrikatik ihesean (kale gorrian gehiago daude). Espainiako Estatuko hegoaldean jaso ostean, autobus batean sartu eta Madrilera, Bartzelonara edota Bilbora eramaten dituzte, “haien iritzia aintzat hartu gabe; lagunak non dituzten, bizi-proiektua non pentsatua duten edo nora joan nahi duten galdetu gabe”, dio Santxok. “Bakoitza mundu bat da. Herrialde, bide eta egoera ezberdinetatik datoz, batzuek hiru urte daramatzate transitoan, eta mafiekin izandako harremanak, mugak zeharkatzerakoan bizitako arriskuak, baldintza gogorrak… kontatzen dizkigute”.

Harrera hutsetik harago, ekintza politikoa

Atxuri auzoko bizilagunengandik, janaria, aterpea eta babesa lortu dute migratzaileek. 15 gau egin dituzte han eta uztailaren 24an Bilbo Zaharrera aldatu dira. Azken finean, sarea eta kontzientziazioa zabaltzea da helburuetako bat, “Bilbo benetan harrera hiri bilakatzeko, aldarrikapenaren eta elkartasunaren logikatik”. Harrera hutsetik harago, ekintza politikoa da egiten dutena, azaldu digu Santxok: “Auzoan sareak sortu, herritarren artean sentsibilizazioa eta kontzientziazioa berpiztu, eta instituzioek hartzen ez dituzten ardurak gure egin eta administrazioa presionatzeko erabili”. Oinarrizko beharren artean ere badago konpainia egitea: “Arazo psikologikoak ditu hainbatek, beste hainbatek medikua behar du, familiarengandik urrun daude eta hutsuneak nabariak dira…”.

Egindako presioaren ondorioz administrazioak diru bat bideratu bai, baina ez duela egoera batere ongi kudeatu iritzi dio herritar taldeak. Errefuxiatuak igarobidean daudenez eguneko babesarekin nahikoa dutela argudiatu dute Eusko Jaurlaritzak, Bizkaiko Foru Aldundiak eta Bilboko Udalak. Gurutze Gorriak adibidez, ohe libreak izan arren hiru gauez baino ez die ostatu ematen; ondoren kaleratu egiten ditu zuzenean. Eta herritarren ekimenez migratzaileei aterpea emateko Atxurin erabiltzen zuten saskibaloi kantxa ere itxi du Udalak. Aurretik inoiz ez zela ixtea erabaki salatu dute auzokideek.

Instituzioek egindako lanak “ez du errealitatea gainditzeko balio, ez diete erroei heltzen eta benetako estrategia politikorik diseinatu gabe jarraitzen dute”. Horregatik, migratzaileek instituzioekiko mespretxua eta mesfidantza erakusten dutela dio Santxok, “aurkitu dutena haienganako axolagabekeria delako, politika xenofobo eta arrazista. Eta Gobernuz Kanpoko Erakundeekin ere kezkatuta daude, euren egoera iraultzen lagunduko zietela uste baitzuten, baina ikusi dute herritarrak izan garela antolatu eta elkartu garenak, babesa emateko”.

“Hasieran deskonfiantza zen nagusi”

Hilabeteko dinamikak bere erritmoa hartu du eta Bilbo Zaharrean ere bide berari segiko diote. Hastapeneko hartu-emanak gogoan, “hasieran deskonfiantza zen nagusi, gugandik apur bat urruntzen ziren, hitzak neurtzen zituzten… baina pixkanaka irekitzen joan dira eta bizipenez eta ametsez solastatzen gara orain”.

 


Kanal honetatik interesatuko zaizu: Migrazioa
Polizia operazio "arrazista" Donostian: 29 lagun eraman ditu Poliziak identifikatzeko

Ostegun goizeko 8:00etatik 12:20era Polizia operazio handia egon da Donostiako Martutene auzoko etxe okupatu batean. Espainiako Poliziak, Ertzaintzak eta Udaltzaingoak elkarrekin egin dute operazioa, “atzerritarren bulegoaren operazioa” dela azaldu dute. Donostiako... [+]


Lotsaren ituna

Duela aste batzuk Bartzelonan batu ginen Mugak Zabalduz karabanaren aurtengo ibilbidea eta helburua zehazteko asmoz. Uztailean Trieste eta Balkanetako mugara joango gara, berriro ere (bederatzigarren edizioa da) Europak sustatzen duen migrazio-politikak sufrimendua eta heriotza... [+]


Materialismo histerikoa
Atzerritar

Eta mugak igarota ere zer, muga azalean geratzen da, eta betirako, etengabe, da atzerritar barruan muga daramana, hain atzerritar, ezen ez duen guztiz pertsona ematen. Ezen hori baino ez dugun ikusten, hemengoa izanik ere bai, askotan, ijitoa bada, adibidez, atzerritarra... [+]


Frontexek bazekien ‘Adriana’ ontziko migratzaileak arrisku larrian zeudela, baina ez zuen ezer egin

Greziako kostaldean joan den urteko ekainean 720 migratzaile zeramatzala hondoratutako itsasontziaren kasuari buruzko ikerketa publiko egin du Europako Herritarren Defendatzaileak. Azaldu duenez, Frontex erakundeak ez du nahikoa "tresnarik" egoera horietan bere... [+]


Eguneraketa berriak daude