Eliza Katolikoaren pederastia kasuak ikertzea onartu dute Espainiako Kongresuan
EH Bilduk, ERCk eta Unidas Podemosek eskatu zuten ikerketa batzorde bat osatzeko Eliza Katolikoari lotutako kideek adin txikikoei egindako sexu erasoak ikertzeko. Asteartean aurrera egin du eskariak Kongresuko Mahaian, PPren eta Voxen aurkako botoekin.
aurre egingo dieten hedabide independenteak
Nafarroako Elizaren Abusuen Biktimen Elkarteak eskertu egin du alderdien proposamena, eta gaineratu du baldintza izan beharko litzatekeela ikerketa batzorde hori “aditu independenteek” osatutakoa izatea. Izan ere, jakina da Espainiako Eliza Katolikoak ez duela pederastia kasurik aitortzen eta oztopoak jarri dituela ikerketa oro abiatzeko.
Espainiako Apezpikuen Batzordeak erabakia kritikatu du, parlamentuko batzordeak gaia “auzi eta interes politikoen arabera” jorratuko duela iritzita. Luis Argüello apezpikuen batzordeko presidenteak garrantzia kendu die Eliza Katolikoan egon diren pederastia kasuei: “Adin txikikoen sexu abusuak gizarte espainol osoaren arazoak dira; ez die eragiten soilik elizgizonei, horiek kasuen ehuneko oso txiki bat ordezkatzen dute”.
Bada, zantzu guztien arabera, “portzentai oso txiki” hori izugarri handia izan liteke, hamarkadetan zigorgabetasun eta babes osoz jardun baitu Eliza Katolikoak. Bi aste barru erabakiko du Espainiako Gobernuak ikerketa batzordea parlamentukoa izango den ala aditu talde batena, El Salto-k argitaratu duenez. Egun, Espainiako Estatuko 31 Elizbarrutietatik bederatzitan zabalik dago pederastia kasuen gaineko ikerketa; tartean, Bilbokoan. Gainerako 22etan ez dute baimenik eman ikertzeko.
Europako azkenetakoa
Espainiako eta Italiako Eliza Katolikoak dira euren artxiboak zabaltzeari uko egin dietenak, eta ikerketak eragotzi dituztenak. Europako gainerako estatu gehienetan kasuak argitzeko bideak irekita daude. Frantziako Estatuan, kasu, batzorde independente batek urrian 2.500 orriko txosten bat argitaratu zuen. Horren arabera, gutxienez 330.000 haur eta neraberi sexu erasoak egin zizkieten Eliza Katolikoari lotutako 3.200 bat elizgizon eta irakasle laikok, 1950 eta 2020 artean. Frantziako Apezpikuen Batzordeak jakinarazi zuen biktimei kalte-ordain ekonomikoak ordaintzeko Elizaren ondasun materialak salduko zituztela.
Mainz (Alemania), 1454. Johannes Gutenbergek eskala handian inprimatutako lehen liburua argitaratu zuen, Berrogeita bi lerroko Biblia izenez ezagutzen dena. Gutenbergek ez zuen inprenta asmatu; dakigula, Txinan, 1040an, Bi Shengek asmatu zuen inprimatzeko lehen makina... [+]
Performance umoristiko batean gurutze batekin masturbatzen ari zarela irudikatzea delitua izan daiteke Espainiako Legearen arabera. Baina normaltzat hartu behar ei dugu, inoiz existitu ez zen norbait omentzea egurrezko panpina bihurtuta, “munduko jairik onenetako”... [+]
Espainiako Abokatu Kristauen Fundazioak Bilboko artista salatu du arrazoi beragatik, “eskarnio delitua” egin duela argudiatuta. EHZk barkamena eskatu die artistaren emanaldiak mindu dituenei, baina egoera gorrotoa sustatzeko baliatu dutenengandik “urrun”... [+]
Mariano Fazio apaiza, Opus Deiren buru izateko oinordekoen zerrendan lehena, lau hamardaketan zehar gutxienez 43 emakume esplotatu dituen sare baten parte zela ondorioztatu dute PROTEX Argentinako Pertsonen Salerosketaren aurkako Prokuradoretza eta Argentinako auzitegi batek... [+]
Donostiarra, defenda ezazu zurea leloarekin pankarta bat jarri dute, Jesusen Bihotza duen Espainiako bandera batekin batera.
Ziburuko Azokaren kari, Azokaroan aurkezturiko Gizatasun arrantzale (Euskaltzaleen Biltzarra) liburua esku artean hartuta, itsasoan –apez bezainbat arrantzale gisa– eramandako biziaz aritzea zuen xede kazetariak. Baina Maiatz argitaletxeak plazaratu berri duen Atxik... [+]
Erromako San Giovanni in Laterano plazan, errutinazko indusketa bat egiten ari zirela, arkeologoek IX.-XIII. mendeetako jauregi baten arrastoak topatu dituzte ezustean. Eta garai hartako aita santuen bizitokia izan litekeela uste dute. Bestela esanda, baliteke Patriarkatua... [+]
"Bake zubiak eraikitzeko laguntza" eskatu dio jendeari balkoitik egin duen lehen agerraldian.
Alain Esquerrek idatziriko Le silence de Bétharram (Betharramgo isiltasuna) liburuan eman du lekukotza Helene Perlantek, François Bayrouren alabak. 1980ko hamarkadan egon zen ikastetxe katolikoan ikasle eta berrogei urte luzeetan isilik atxiki ditu bertan jasandako... [+]
88 urterekin hil da Frantzisko aita santua astelehen goizean, iktus baten ondorioz. Azken boladan osasun arazoak izan zituen. Miñan liburua gomendatu zuen publikoki, migratzaileen egoera kontatzen delako.
Iruñeko artzapezpiku Florencio Rosello eta Tuterako gotzain Joseba Segura Nafarroako Elizak immatrikulatutako ondasunak itzultzeko prest azaldu dira epaitegiek hala aginduz gero, baina inmatrikulazioak legezkoak izan direla defendatu dute.
Frantziskok "Franciscomanía" zeinuarekin hasi zuen bere Aitasantutza. Fenomeno soziologiko horri esker, Vatikanoko boterearen zirrikituak aldez aurretik ezagutzen ez zituen gaztetasunaren ikono eta Elizako aldaketa-haizeen intsuflatzaile bihurtu zen.
Era berean,... [+]
Prentsaurrekoa eskaini dute ostegun honetan Marc Aillet Baionako apezpikuak, elizbarrutiko hezkuntza katolikoko zuzendari Vincent Destaisek eta Betharramgo biktimen entzuteko egiturako partaideetarikoa den Laurent Bacho apaizak. Hitza hartzera zihoazela, momentua moztu die... [+]
Elizak 23 kasu ditu onarturik Nafarroa Garaian. Haiek "ekonomikoki, psikologikoki eta espiritualki laguntzeko" konpromisoa adierazi du Iruñeko artzapezpikuak.