ELAk eta LABek Gipuzkoako aniztasun funtzionalaren sektorea publiko bihurtzea eskatu dute
Gaur egun eredu publiko-pribatua dela nagusi diote bi sindikatuek eta elkarretaratzea egin dute Donostian.
ELAk eta LABek Gipuzkoako aniztasun funtzionalaren lan-sektorea publiko egiteko eskaera egin dute. Ekainaren 9an Gipuzkoako Foru Aldundiak Txaran, Donostian, erregistratutako dokumentu batean gaur egun eredu publiko-pribatua nagusitzen dela azaldu dute. Bilera bat egitea ere eskatu diote Aldundiari, egungo ereduak langileengan dituen ondorio kaltegarriak aztertzeko.
Ekainaren 9an, arratsaldeko 18:00etan, elkarretaratzea egin dute Donostiako foru jauregiaren aurrean, Gipuzkoa plazan. Bertan sektorearen aldarrikapen nagusiak azaldu dituzte, besteak beste, KPIari lotutako soldata-igoerak bermatzea.
Sektoreko enpresa handienak –Aspace Vivienda, Aspace Centro de Día edo Gautena– hitzarmenak negoziatzen ari diren arren, enpresa horiek uko egin diote KPIa bermatzeari. Atzegiren kasuan, salatu dute enpresak egutegi berria ezarri nahi diela, negoziatzeko inolako aukerarik gabe.
Elkarretaratzea Aldundiaren parean, Gipuzkoa plazan. (Argazkia: @ELAdonostia Twitterren)
Jende askorekin eta elkarrizketaz inguratuta dagoenean isil-isilik edo ohi baino isilago egoten da Irati Erauskin (Hondarribia, Gipuzkoa, 1996). Horregatik, “oso irekia” den arren lotsatia dela uste dute batzuek. Entzumen urritasuna dauka, eta batzuetan “oso... [+]
Izaera berezia duten elkarteak eta behar bereziak dituzten haurren familia-elkarteak biltzen ditu Bizipozak, 38 denera. Familia horien errealitatea ikusarazi eta bertatik bertara ezagutzeko asmoz, jaia egingo dute apirilean. Unitate didaktikoak eta material pedagogiko ugari ere... [+]
Behar ez den lekuan autoa aparkatzen duten gidariak salatzen hasi zen Juan Larreta (Iruñea, 1968) duela bost urte. Esklerosi anizkoitza duenez, desgaituak diren pertsonentzako aparkalekuetan autoa uzteko txartela dagokio. Urteak daramatza Nafarroako txartelen erregistro... [+]
Enplegu publikoko plazen %2 adimen desgaitasuna duten pertsonentzat gorde behar den arren, sarri ez da betetzen, eta oposizioak deitzerakoan aintzat har ditzatela eskatu dute: "Funtsezkoa da, konturatu gaitezen gizarte hau denona dela, ez gutxi batzuena".
Kolorea eta argia ez ditu bereizten, ez du itsu ez garenok bezala ikusten, bestela baizik. Ez gaitu ikusten, ez dugu bera ikusten. Itsu gara bata bestearentzat. Hizketan hasi orduko ikusi dugu elkar, haren euskara segiduari gozo segitu diogu, hikarik naturalenean. Berak ekarri... [+]