El Salvadorren, Nayib Bukele presidenteak baimendu dio Poliziari eta Armadari bortizkeria hilgarria ("fuerza letal" gaztelaniaz) erabiltzeko espetxeetan. Bandei aurre egiteko estrategia dela dio, azken egunetan banda hauekin zerikusia izan dezaketen zeinbat hilketa gertatu baitira herrialdean, CNNk jaso duenez.
Autoritateek diote 50 pertsona baino gehiago hil dituztela asteburuan eta preso dauden bandetako kideek espetxez kanpoko hilketak agindu dituztela. Ordutik irudi beldurgarriak zabaldu dira El Salvadorreko espetxeetatik eta horietako asko Bukele presidenteak berak zabaldu ditu Twitter sare sozialean.
Herrialdeko espetxeetako zuzendariari honela agindu dio publikoki: "larrialdi gorena pandilleroak dauden espetxe guztietan, inteligentzia zerbitzuek jakinarazi digute bertatik agindu dituztela hilketak. Egunean 24 orduko itxialdia, egunero, polizia operazioak abian dauden bitartean".
Irudiotan ikus daitezke presoak bata bestearen gainean pilatuta, batzuk maskarak jantzita, beste asko ez. Amerikako espetxeetan koronabirus kasuak hedatzen ari dira, giza eskubideekin lotura durten erakundeak preso ez-biolentoak askatzeko eskatzen ari diren bitartean.
Jarraian, El Salvadortik datozkigun zenbait irudi:
Hauteskundeen emaitzak ez du inor sorpresaz hartu El Salvadorren: azken bost urteetan presidente izan dutenak horretan jarraituko du gainontzeko bostetan ere. Berrautaketa lortu duen herrialdeko lehen presidentea da; besteak beste, konstituzioak debekatzen duelako. Baina, botere... [+]
"Gizarteari eragindako kaltea konpontzeko", egunean 3.000 preso ingururi ezartzen dizkiete era guztietako lan behartuak, ordaindu gabe. Gero eta lanordu gehiago bete, orduan eta lehenago aterako dituzte espetxetik.
“Amerikako kartzelarik handiena” sortu du Bukele presidenteak, bandakideak sartzeko. Banda guztietakoak egongo dira nahastuta, 2020tik egin moduan. Giza eskubideen aldeko taldeek kartzeletako egoera salatu dute, eta ohartarazi bandak nahasteak hilketak eta matxinadak... [+]