238 migratzaile venezuelar El Salvadorrera deportatzeko XVIII. mendeko lege bat erabili du Trumpek
1798ko Atzerriko Etsaien Legea aplikatu du, Washingtoneko epaile federal baten aginduaren gainetik. Ustez Tren de Aragua "talde terorristako" kideak dira; Bukelek eskatuta, Mara Salvatruchako 23 kide salvadortar ere deportatu ditu. El Salvadorko makro-kartzelara eraman dituzte, eta gutxienez urtebete emango dute espetxeraturik.
AEBetako estatu-idazkari den Marco Rubiok igandean jakinarazi du 200 venezuelar baino gehiago El Salvadorrera deportatuko zituztela, Atzerriko Etsaien legea baliatuz. Nayib Bukele El Salvadorko presidenteak makrokartzelan sartuko ditu, eta trukean, Mara Salvatruchako ustezko bi buru eta 21 kide salvadortar ere –horiek guztiak AEBek terroristatzat jotzen dituztenak– deportatzeko eskatu zion Trumpi. AEBek eskatutakoa bete dutela jakinarazi du El Salvadorreko presidenteak.
Trumpek Tren de Araguako ustezko kide horiek "munstrotzat" jo ditu, eta eskerrak eman dizkio Bukeleri eskainitako laguntzagatik. Presidenteak aurreko lehendakariaren eta migratzaile venezuelarren aurka jo du: "Hauek dira Joe Biden ustelak eta muturreko ezkerreko demokratek gure herrialdera bidali zituzten munstroak. Nola ausartzen dira!". Bukeleri eskerrak emanez "ez dugu ahaztuko!" adierazi dio, elDiariok jaso duenez.
Trump, legearen gainetik
Trumpek "kriminal" horiek deportatzeko Bigarren Mundu Gerratik aplikatu gabe egon den 1798ko Atzerriko Etsaien legea baliatu du. Legearen funtsa jakinarazi du elDiariok: "Gerra garaian, nazio etsai bateko herritarrak atxilotzea edo deportatzea ahalbidetzen du, aldez aurreko entzunaldirik gabe, eta, haren pean, 14 urtetik gorako venezuelar guztiak, baldin eta banda horretakotzat jotzen badira, AEBetan badaude eta legezko egoiliar iraunkorrak ez badira, atxilotu eta kanporatu egin behar dituzte, atzerriko etsai gisa".
Presidenteak erabakia hartu eta gutxira, Washingtoneko epaile federal den James Boasbergek, edozein migratzaileren deportazioa kautelaz blokeatzeko agindua eman zuen. Horren ostean, betoa handitu zuen, araudi horren mende egongo ziren zaintzapeko migratzaile guztiak babesteko. Horren bidez, pertsona migratzaileak deportatzea helburu zuen hegazkin oro Estatu Batuetara itzultzera behartzen zuen epaileak. Trumpen gobernuak ez du bete epailearen betoa.
Etxe Zuriak "kontzienteki" ez zuen agindua bete, hegazkina "nazioarteko uren" gainetik ari zelako eta epaia ez zelako lurralde horretan aplikatzen. Halaber, argudiatu dute Boasbergek "bere aginpidea gainditu" zuela eta "hegazkinak norabidea aldatzeko (epailearen) agindua beranduegi iritsi" zela; elDiariok hala jaso du.
Maduro, erbesteratzeen kontra
"Venezuelako migratzaileak modu zital eta bidegabean kriminalizatu dituzte AEBek", salatu du Nicolas Maduroren gobernuak. Gainera, "lege anakronikoa, giza eskubideak urratzen dituena eta legez kanpokoa", bezala kalifikatu du Venezuelak Atzerriko Etsaien legea. Era berean, ohartarazi du atxilotutako venezuelarrek AEBetara migratu zutela "bizi-alternatibak" bilatzeko eta "oparotasun ekonomikoa" izateko, AEBek Venezuelan egindako "blokeo kriminala"-k bultzatuta.
Jeffrey Kruse buru zen Defentsa Departamentuko inteligentzia zerbitzuek eginiko txosten baten arabera, AEBek Irango gune nuklearrei eginiko erasoek ez zuten Teheranen gaitasun nuklearra "guztiz suntsitu", bizpahiru hilabetez atzeratu baizik. Trumpek, ordea, adierazi zuen... [+]
.jpg)
Mexikoko mugako hesia beltzez margotu du AEBetako Gobernuak. Lehenengo brotxakadak ematera bertaratu da Segurtasun Nazionaleko idazkaria bera, Kristi Noem. Neurri horren bidez, hesiaren tenperatura igo nahi dute, eta horrela migratzaileen pasabidea zailtzeko.
AEBko Zientzia Fundazioaren Antartikako Programak (USAP) jakitera eman duenez, Antartikako ikerketa-baseetan 2022-2024an egin duten galdeketan, parte-hartzaileen % 41k adierazi du sexu-erasoa edo sexu-jazarpena jasan duela.
AEBetako presidentea Zelenskirekin eta Europako haren aliatuekin bildu da astelehenean, Etxe Zurian. Badirudi Trumpek ontzat jo duela Vladimir Putinek ostiralean izandako bileran proposatutakoa: Ukrainako gerra amaitzeko Kiev "lurralde truke posibleez" hitz egiteko gai... [+]
Ostiralean Alaskan izango duten bileraren bezperan heldu da mehatxua. Friedrich Merz Alemaniako kantzillerrak deituta, gailur birtual bat egin dute asteazkenean Zelenskik, Trumpek eta Europako hainbat agintarik. Ukrainako presidenteak adierazi du Trumpen eta Putinen arteko... [+]
AEBetako presidenteak Ukrainarekin su-eten akordio batera iristeko ezarritako epea amaituta, Alaskan bilduko dira Trump eta Putin ostiralean. Bloomberg hedabidearen arabera, Errusia eta AEBak gerra "izozteko" plan bat prestatzen ari dira, Moskuk orain arte Ukrainan... [+]
Asteko albiste nagusietako bat izan da, zalantzarik gabe: ehuneko 50eko muga-zerga ezarri die Trump administrazioak Indiatik datozkien esportazioei. Brasilekin parekatuta, zerga estatubatuar astunenak pairatu beharko dituen ekonomia handia izango da, aldaketarik ezean,... [+]
Joan den astean Trumpek ohartarazi zion Putini hamar eguneko epean Ukrainarekin su-eten akordio bat sinatu ezean, zigor ekonomikoak ezarriko dizkiola. Zelenskik sare sozialetan adierazi du ezinbestekoa dela Errusiako presidentearekin bildu aurretik lehenbizi su-etena... [+]
Von der Leyenek eta Trumpek akordioa lortu eta astebetera egin du mehatxua AEBetako presidenteak, Europako herrialdeek hitzartutakoa beteko ez dutela kezkatuta. Europako produktuei %15eko muga zergak ipintzeaz gain, Europako Batasunak AEBetan 600.000 milioi euro gehiago... [+]
Euskal diasporaren Boiseko Jaialdiaren testuinguruan, Etxepare Euskal Institutuak eta AEBetako euskal erakunde NABOk euskararen irakaskuntza sustatzeko akordioa sinatu dute. Hori horrela, AEBetako Euskal Etxeek euskara "sustatuko eta trinkotuko" dute, eta Jaurlaritzak... [+]
Historia garaikideko basakeriarik handienetakoak dira Hiroshimaren eta Nagasakiren bonbardaketak. 1945eko abuztuan, hiru eguneko epean, bi bonba atomiko jaurti zituzten lehen aldiz historian eta bi hiritako biztanleak modu indiskriminatuan hil zituzten. 1945aren amaierarako,... [+]
AEBetako Idaho estutako Boise hiriburuan ospatuko dute euskal kultura ezagutarazteko, eta euskal diaspora batzeko. Hainbat ekitaldi egingo dituzte uztailaren 29tik abuztuaren 3ra arte.
Horrez gain, Europa behartu egin du gasa AEBei erostera, 750.000 milioi euro xahutu beharko ditu horretan datozen hiru urteotan; beste 600.000 milioi euro gehiago inbertitu beharko ditu han, "inbertsio estrategikoetan"; eta, "ehunka milioi euro", zehaztapen... [+]
Ekainaren 13an hasi eta 24an amaitu zena “12 Egunetako Gerra” bezala ezagutuko da aurrerantzean. Gauza harrigarri batzuk gertatu ziren bertan, pentsaezinak ordura arte. Nahiz eta lerro hauek idaztean egun gutxi igaro diren bukatu zenetik, ondorio batzuk atera... [+]
Etxe Zuriko maizterrak larunbatean iragarri zuen EB Europako Batasunaren esportazioei %30eko muga zergak ezarriko dizkiela abuztuaren 1etik aurrera, biak merkataritza akordio batera ez iritsiz gero. Horren aurrean, AEBei muga zergak igotzeko prest dagoela adierazi du EBk... [+]