Ekologistak Martxan taldeak Bilbon bertan Egirletako zabortegian lindanoa dagoela salatu du

  • Hondakin arriskutsuen kudeaketa eta lindanoz kutsatutako zabortegiei buruzko ikerketarekin jarraitzen du Ekologistak Martxan taldeak. Oraingo honetan, gaztelaniazko Alto de Santo Domingo izenez ezagunagoa den Egirletan dagoen zakartegian aurkitu du lindanoa elkarte ekologistak. Zabortegia itxita dago jada, baina han lagatako substantziek urak eta inguruan bizi diren pertsonak kutsatzen jarrai dezakete.


2020ko apirilaren 10an - 12:07
(Argazkia: Ekologistak Martxan)

Enekurin topatutakoaren ondoren, elkarte ekologistak hexakloroziklohexanoa (lindanoa) aurkitzen duen Bilboko bigarren zakartegia da hau: Egirleta edo Santo Domingokoa. Zabortegia dagoeneko itxita egon arren, han lagatako substantziek urak eta inguruan bizi diren pertsonak kutsatzen jarrai dezakete.

Eusko Jaurlaritzak, Ingurumen, Lurralde Plangintza eta Etxebizitza Sailaren bitartez, bazekien hexakloroziklohexanoa (HCH) zegoela. Ekologistak Martxan taldeak froga atxikitu ez ezik, irregulartasun hauek ere jaso ditu salaketan:

“Lehentasuna duen substantzia arriskutsu batengatik zabortegiko kutsadura salatzen dugu (…). Bertan, produktuon kalteak jasan ditzakeen etxebizitza bat dago, baita telekomunikazio instalazio bat eremu kutsatu horren gainean ere. (…) Lurzoru kutsatuen legeak agintzen duen arren, ez dirudi sustatzaileek ezer jakinarazi dutenik. (…) Hortaz, kokagune horretarako sarbidea zelatatuta eta mugatuta egon beharko litzateke".

Ez da elkarte ekologistak arrazoi berberagatik salaketa jartzen duen lehen aldia. Horrela egin zuen Bilbon bertan kokatutako Enekuriko zabortegian, Lemoizko Jatakoan, Regatoko Modorretakoan eta Etxeulikoan, Santurtzin. Aipatutako kasu guztietan, administrazioak bazekien lindanoak eragindako kutsaduraren berri salaketak jarri aurretik. Halere, ez zuen eta ez du ezer egin lindanoaren sakabanaketa eta eraginak saihesteko.

Horregatik, Ekologistak Martxan taldeak salatu du “kutsaduraren jakinaren gainean zegoen administrazioaren jarrera, baita horrek ondorioak zuzentzeko edo txikiagotzeko inolako neurririk ere hartu ez izana”.

 


Kanal honetatik interesatuko zaizu: Lindanoa
Larrezabalen lindanoz kutsatutako gunean segurtasun-neurririk ez dagoela salatu dute

Mungiako zabortegi zaharrera sartzea eragozteko neurririk ez dagoela esan dute Ekologistan Martxan-ek eta Butroi Bizirik Trantsizioan-ek.


2020-10-15 | Jone Markuleta
Legezkoa baino Lindano maila altuagoa dute Nerbioi eta Ibaizabal ibaien arroek

Lindanoak eragindako kutsadurak okerrera egin du ibai eta lurzoruetan, Ekologistak Martxanek jakinarazi duenez. Kontrolik gabe isuri zen eta emaitzak orain dira ikusgai. 


2020-05-13 | ARGIA
Lemoizko zabortegi ondoan obrak egiteagatik kexa jarri du Ekologistak Martxan taldeak

Ekologisak Martxan taldeak erakunde publikoetan kexa jarri du Lemoizko Jata mendian Puente Baray Forestalek egin dituen lur-mugimendu eta zuhaitz-mozketengatik. Talde Ekologistak 2019an egindako azterketak erakutsia du inguruko zuhaitz-landaretzan lindanoa dagoela eta... [+]


2019-08-14 | ARGIA
Lindano dosi altuak aurkitu dituzte Bizkaiko Jata eta Enekuriko basoetan

Ekologistak Martxan-ek egin du salaketa, zuhaitzen laginak aztertu eta gero. Erakundeen arduragabekeria salatu du. Sutea piztuz gero lindanoa gas hilgarri bilakatu daitekeela ohartarazi du.


2018-07-13 | Hala Bedi
Tratatu gabeko 5.000 milioi litro ur isuri ziren 2017an Zadorra ibaira

AMVISA udal enpesa pribatuak aurkeztutako memoriaren datuek berretsi dute Zadorrako ura lindanoarekin kutsatuta dagoela


Eguneraketa berriak daude