ARGIA.eus

2022ko urtarrilaren 22a

Legezkoa baino Lindano maila altuagoa dute Nerbioi eta Ibaizabal ibaien arroek

  • Lindanoak eragindako kutsadurak okerrera egin du ibai eta lurzoruetan, Ekologistak Martxanek jakinarazi duenez. Kontrolik gabe isuri zen eta emaitzak orain dira ikusgai. 

Jone Markuleta @JMarkuleta
2020ko urriaren 15a
Nerbioi ibaia, Portugaleten (Argazkia: Fred Romero)

Europar Batasunean 2008tik debekatuta badago ere, Euskal Herrian oraindik ezaguna da lindanoa. Intsektizida gisa erabili izan da, baina gizakiarentzako toxikoa eta arriskutsua da, eta ingurumenean luzaz irauten du. Ekologistak Martxan elkarteak argitaratu duen Lindano: ondare toxiko baten gaurko egoera txostenean jasotzen da taldeak egindako ikerketa bat, helburu zuena aztertzea 2017an eta 2018an lindanoa egon ote den lurzoruan eta ibaietan. Azteketa burutzeko Espainiako Gobernuko Trantsizio Ekologikorako eta Erronka Demografikorako Ministerioak eta Uraren Euskal Agentziak egindako 1.667 analisitan oinarritu dira.

2017tik egoerak "okerrera" egin duela ondorioztatu dute. Izan ere, datuek erakusten dute egoeraren larritasuna: 2017an baimendutako lindano kantitatetik gora zeukan Arabako, Bizkaiko eta Gipuzkoako lurzoru eta ibaien %1,4k, eta urtebete geroago %11,9 ziren kutsatutako eremuak.

Substantzia toxikoaren kantitatea deigarria da Ibaizabal eta Nerbioi ibaien arroetan. Nerbioi ibaian kutsatzaile horren legezko mugak gainditu dira bai urteko batez bestekoari dagokionez (20 nanogramo litroko), baita une jakinetarako gehieneko balioei dagokienez (40 nanogramo) ere, Ura Agentziak egindako analisien arabera. Ur kutsatuen laginak ibaiaren beheko zatiari dagozkio, Nexana eta Chemical pestizida-fabriken antzinako industria-kokalekuen inguruneari, 1982an eta 1987an lan egiteari utzi zioten arren.

Txostenaren arabera, nonahi banatu ziren hondakinak, Erandioko eta Barakaldoko Nexana eta Chemical enpresetakoak, eta zuzenean lotuta daude lindanoaren kontrolik gabeko isurketekin, "hondakinak kontrolik gabe garraiatu baitzituzten batetik bestera" eta bereizi gabe isuri baitziren.  

Talde ekologisten ikerketei esker, azken urteotan legez kanpoko hainbat zabortegi aurkitu dituzte, Santurtziko Etxe-Uli, esaterako. 

 

Kanal honetan artxibatua: Lindanoa

Lindanoa kanaletik interesatuko zaizu...
Larrezabalen lindanoz kutsatutako gunean segurtasun-neurririk ez dagoela salatu dute

Mungiako zabortegi zaharrera sartzea eragozteko neurririk ez dagoela esan dute Ekologistan Martxan-ek eta Butroi Bizirik Trantsizioan-ek.


2020-05-13 | ARGIA
Lemoizko zabortegi ondoan obrak egiteagatik kexa jarri du Ekologistak Martxan taldeak

Ekologisak Martxan taldeak erakunde publikoetan kexa jarri du Lemoizko Jata mendian Puente Baray Forestalek egin dituen lur-mugimendu eta zuhaitz-mozketengatik. Talde Ekologistak 2019an egindako azterketak erakutsia du inguruko zuhaitz-landaretzan lindanoa dagoela eta... [+]


Ekologistak Martxan taldeak Bilbon bertan Egirletako zabortegian lindanoa dagoela salatu du

Hondakin arriskutsuen kudeaketa eta lindanoz kutsatutako zabortegiei buruzko ikerketarekin jarraitzen du Ekologistak Martxan taldeak. Oraingo honetan, gaztelaniazko Alto de Santo Domingo izenez ezagunagoa den Egirletan dagoen zakartegian aurkitu du lindanoa elkarte ekologistak... [+]


2019-08-14 | ARGIA
Lindano dosi altuak aurkitu dituzte Bizkaiko Jata eta Enekuriko basoetan

Ekologistak Martxan-ek egin du salaketa, zuhaitzen laginak aztertu eta gero. Erakundeen arduragabekeria salatu du. Sutea piztuz gero lindanoa gas hilgarri bilakatu daitekeela ohartarazi du.


2018-07-13 | Hala Bedi
Tratatu gabeko 5.000 milioi litro ur isuri ziren 2017an Zadorra ibaira

AMVISA udal enpesa pribatuak aurkeztutako memoriaren datuek berretsi dute Zadorrako ura lindanoarekin kutsatuta dagoela


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude