Emakumeak borrokan

Oiolako urtegia saretik deskonektatzeko eskatuko dio Eusko Legebiltzarrak Barakaldoko Udalari

  • Ingurumen Batzordeak onartutako legez besteko proposamenaren arabera, Eusko Legebiltzarrak zuhurtzia printzipioa aplikatzeko eta Oiolako urtegiko urik erabiltzen ez dela bermatzeko galdatuko dio Barakaldoko Udalari, kontsumorako egokia dela guztiz frogatu bitartean. Txosten teknikoek hala gomendatuz gero urtegi osoa garbitzeko ere eskatuko dute. 

Unai Brea @unaibrea
2015eko otsailaren 20a
Udazkenean, ur gutxiegi izateagatik itxi zuten Oiolako urtegia. Ur mailak bere onera egin duenean, Eusko Jaurlaritzako Osasun Sailak itxierari eusteari erabaki du, zuhurtziagatik.

EH Bilduk, PPk eta EAJk onartutako testuaren lehen puntuak dioenez, eta eztabaidan behin baino gehiagotan gogorarazi denez, Barakaldoko Udala da deskonexioa gauzatzeko eskumena duen erakunde bakarra.      

Izan ere, bertako osoko bilkurak hiru aldiz onartu ditu, alkatetza duen PSE-EE ez beste taldeen botoekin, deskonexio horren aldeko mozioak. Haatik, erabakia alkatearen dekretu baten bidez baino ezin da gauzatu. “Ez dakit zer arrazoi daukan Barakaldoko alkateak osoko bilkuraren erabakia ez betetzeko”, esan dio Joseba Zorrillak (EAJ) Natalia Rojori (PSE-EE).

PSE-EE izan da proposamenaren aurka agertu den bakarra. Natalia Rojo bozeramaileak bere alderdiaren aurkako erasotzat hartu du beste hirurek aurkeztutako testua, eta gezurretan aritzea eta elektoralismoz jokatzea leporatu die. Datu ofizial guztien arabera Oiolako ura segurua dela azpimarratu du.

“Analisiak egiten dira astero, eta emaitza da ura kontsumorako egokia dela. Oiolako urari EAEko gainerako urei baino bost aldiz gehiago exijitzen zaio”, esan du Rojok. Gainera, gogorarazi du urtegia oraintxe itxita dagoela eta beraz proposamenak ez daukala zentzurik, datozen hauteskundeetako emaitzak baldintzatu nahi izatetik harago.

Dani Maeztuk (EH Bildu) adierazi du Oiolako urak bete egiten duela uraren kalitateari buruzko gaurko legedia, baina legedi horren aurkako helegitea martxan dagoela Europar Batasuneko auzitegietan. Izan ere, Oiolako urtegian dagoen kutsatzailea, HCH (lindanoa), biometagarria da, alegia, behin gorputzean sartuta bertan finkatzen da. Legediak ezarritako datuek kontsumoa baimentzen dute, baina zuhurtzia printzipioak besterik dio”.

“Ez dago lindanorako balore segururik”, azpimarratu du Maeztuk, eta hauxe galdetu dio Natalia Rojori: “Araudia aldatu eta parametroak aldatuz gero, zer? Prest zaude arrisku hori zure gain hartzeko?”.

Indarrean dagoen legediaren arabera, uretan onar daitekeen gehienezko HCH kopurua litroko 40 nanogramokoa da; urteko batez bestekoak, berriz, ezin du izan 20 nanogramo baino handiagoa. Oiolan isurtzen den Angela errekastoan, iazko abenduan, 258 nanogramo atzeman ziren. Kontzentrazioa jaitsi egiten da urtegian, baita legearen barrukoa izateraino jaitsi ere, baina halere datuok kezkatzeko modukoak direla, eta seguru egon arte onena zuhurtziaz jokatzea dela adierazi dute proposamena babestu dute hiru alderdiek.

Momentuz, inguruko biztanleak ari dira zuhurtzia printzipioa beren kontura ezartzen, PPko Mª Carmen Lopez de Ocarizek esandakoari kasu egitera: “Aspaldi utzi zioten txorroteko ura kontsumitzeari, analisiek esaten dutena esaten dutela”.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Oiolako urtegia kanaletik interesatuko zaizu...
2017-09-27 | Unai Brea
Lindanoz kutsatutako guneen garbiketa ziurtatu dadila eskatu dute ekologistek Eusko Legebiltzarrean

Ekologistak Martxan taldeko ordezkariak Eusko Legebiltzarreko Ingurumen Batzordean izan dira, EH Bilduen eskariz, Espainiako Estatuan lindanoak eragindako kalteei buruzko txostena aurkezten. Europako Legebiltzarrean egindako azken bisitan talde politiko guztiek arazoari irtenbidea bilatzeko hartutako konpromisoa gogorarazi nahi izan dute.


2017-06-07 | Xalba Ramirez
Lindanoa, osasunerako eta ingurumenerako mehatxua hamarkadak igaro ostean ere

Lindanoak Espainiako Estatuan eragindako kutsadurari buruzko txostena argitaratu du Ekologistak Martxanek, Pozoitze iraunkor eta isil baten kronika izenburupean. Taldeko bozeramaile Javier Vázquez Velascok Barakaldon aurkeztu duen txostenean azken mendean fabrikatutako eta modu okerrean kudeatutako lindanoaren gaineko ikerketa jasotzen da. Mugimenduaren helburua lindanoa oraindik kutsadura iturri dela salatzea da; era berean, neurriak eskatu dizkiete instituzioei.


2016-03-15 | Unai Brea
Europak Oiolako urtegiaren garbiketa finantzatuko luke, bertoko erakundeek proiektu bat aurkeztuz gero

Europako Batzordeak finantzaketa lortuko luke Trapagareneko Oiolako urtegiaren arazoa konpontzeko, eskumena daukaten erakundeek behar bezalako proiektua aurkeztuz gero. Hala jakinarazi die Daniel Calleja Batzordeko Ingurumen zuzendariak Oiolako Urtegiaren Deskonexioaren Aldeko Plataformako kideei, Bruselan egindako bileran.


2016-03-14 | ARGIA
10. Ekozinemaldia dator, energi trantsizioa ardatz

Ekozinemaldiak hamargarren edizioa du 2016an. Ekologia sozialari buruzko dokumentalak eta film luze eta laburrak eskaintzen ditu Ekologistak Martxanek antolatutako ekimenak; aurten energi eredua, klima aldaketa eta energi trantsizioa izango ditu ardatz nagusi.


2016-03-14 | Unai Brea
Oiolako urtegiaren arazoa konpontzeko eskatuko dute Europako Legebiltzarrean

Joan den azaroan Marina Albiol (Izquierda Unida) eta Josu Juaristi (EH Bildu) europarlamentarioen bisita jaso eta gero, Oiolako Urtegiaren Deskonexioaren Aldeko Plataformako zenbait kide Europako Parlamentuan izango dira martxoaren 14 eta 15ean, bertako Eskaera Batzordean Oiolako kutsaduraren arazoaz jarduteko.


2015-11-27 | Unai Brea
Lindanoz kutsatutako Oiolako urtegian europarlamentarioak bisitan

Oiolako Urtegiaren Deskonexioaren Aldeko Plataformako kideek ondo ezagun dute Europako Legebiltzarrera joateko bidea. Orain, berriz, hango diputatu biri egokitu zaie Barakaldora bisita egitea: EH Bilduko Josu Juaristi eta Izquierda Unidako Marina Albiol. Biek ala biek gertutik ezagutu dute Oiola.


Uraren kutsadura Ezkerraldean, konpondu gabeko arazoa
MULTIMEDIA - erreportajea

Azken urteetan lindanoz kutsatutako ura edan eta erabili dute, tarteka, Barakaldon eta Sestaon. Une honetan behin-behineko etenaldia dago Oiolako urtegiaren eta sarearen arteko konexioan, baina ekologista eta herritarrek eskatzen dute eten hori behin betikoa izatea kutsadura erabat desagertu arte.


Oiolako urtegia oraindik lindanoz kutsatuta dagoela salatu dute

Oiolako urtegiak lindanoz kutsatuta jarraitzen duela salatu du urtegiaren deskonexioaren aldeko plataformak.


Oiolako urtegian bost ingurumen-arau hausten direla dio Europak

Urriaren 15ean eta 16an izan dira Oiolako Urtegia Deskonektatzearen Aldeko Plataformako kideak Europako Parlamentuan. Parlamentuko Eskaeren Batzordeko idazkari nagusiak adierazi du Barakaldoko udalak bost ingurumen-arau urratzen dituela urtegiaren kudeaketan.


Oiolako urtegiaren auzia Bruselara eraman dute hirugarren aldiz

20 pertsona inguru joan dira Bruselara Oiolako urtegiaren egoera aztertu eta neurriak hartu daitezen eskatzera.


Eguneraketa berriak daude