Larrezabalen lindanoz kutsatutako gunean segurtasun-neurririk ez dagoela salatu dute

  • Mungiako zabortegi zaharrera sartzea eragozteko neurririk ez dagoela esan dute Ekologistan Martxan-ek eta Butroi Bizirik Trantsizioan-ek.


2021eko uztailaren 20an - 12:02
Azken eguneraketa: 14:06
Larrezabalen lindanoz kutsatutako gunea. Argazkia: Ekologistak Martxan

Larrezabale zabortegi zaharrean (Mungia, Bizkaia) lindanoz kutsatuta dagoen eremura sartzea eragozteko segurtasun-neurririk ez dagoela salatu dute.

Mungiako Udalak aurten hasi ditu zonaldearen arrisku maila kalifikatzeko lanak, 2017an Ekologistak Martxan plataformak egindako eskaera baten ondoren. Azterketa egiteko obrek iraun bitartean, bidea itxita egon da, “substantzia asrriskutsuak zeudela ohartarazten zuten seinaleekin”, baina, orain, neurriak kendu dituztela salatu dute bi elkarteek. 

Duela gutxi, udalak gutun bidez erantzun du neurketak egiteko kontratatutako enpresak beharrezko neurriak hartuta zituela. Baina plataformek berretsi dute hasieran ezarritako prebentziorako tresna horiek bertan behera geratu direla: joan den asteburuan, txangozale talde batek zundaketak egiten ari diren lekura sartzea lortu zuen. Ertzaintzaren aurrean salatu dute gertatutakoa.

Lindanoa zabortegietan

Ekologistak Martxanek askotan salatu izan du lindanoak zabortegiak izandako eremuetan sortzen duen poluzioa. 2019. urtean kutsatutako beste eremu baten kasua azaleratu zuen plataformak: Lemoizko Jatako mendian dagoen zabortegiaren ondoan egiten ari ziren obretan prebentzio-neurriak hartzeko eskatu zuten.

Urte berean, Eusko Jaurlaritzak lindanoak eragindako kutsaduraren aurka egiteko lege proposamena onartu zuen, eta Ekologistak Martxanek legea aplikatu behar zuten hainbat udali egin zien dei: Bilboko, Barakaldoko, Trapagarango, Erandioko, Sondikako, Mungiako, Santurtziko eta Gasteizko aginte publikoei.

 


Kanal honetatik interesatuko zaizu: Lindanoa
2020-10-15 | Jone Markuleta
Legezkoa baino Lindano maila altuagoa dute Nerbioi eta Ibaizabal ibaien arroek

Lindanoak eragindako kutsadurak okerrera egin du ibai eta lurzoruetan, Ekologistak Martxanek jakinarazi duenez. Kontrolik gabe isuri zen eta emaitzak orain dira ikusgai. 


2020-05-13 | ARGIA
Lemoizko zabortegi ondoan obrak egiteagatik kexa jarri du Ekologistak Martxan taldeak

Ekologisak Martxan taldeak erakunde publikoetan kexa jarri du Lemoizko Jata mendian Puente Baray Forestalek egin dituen lur-mugimendu eta zuhaitz-mozketengatik. Talde Ekologistak 2019an egindako azterketak erakutsia du inguruko zuhaitz-landaretzan lindanoa dagoela eta... [+]


Ekologistak Martxan taldeak Bilbon bertan Egirletako zabortegian lindanoa dagoela salatu du

Hondakin arriskutsuen kudeaketa eta lindanoz kutsatutako zabortegiei buruzko ikerketarekin jarraitzen du Ekologistak Martxan taldeak. Oraingo honetan, gaztelaniazko Alto de Santo Domingo izenez ezagunagoa den Egirletan dagoen zakartegian aurkitu du lindanoa elkarte ekologistak... [+]


2019-08-14 | ARGIA
Lindano dosi altuak aurkitu dituzte Bizkaiko Jata eta Enekuriko basoetan

Ekologistak Martxan-ek egin du salaketa, zuhaitzen laginak aztertu eta gero. Erakundeen arduragabekeria salatu du. Sutea piztuz gero lindanoa gas hilgarri bilakatu daitekeela ohartarazi du.


2018-07-13 | Hala Bedi
Tratatu gabeko 5.000 milioi litro ur isuri ziren 2017an Zadorra ibaira

AMVISA udal enpesa pribatuak aurkeztutako memoriaren datuek berretsi dute Zadorrako ura lindanoarekin kutsatuta dagoela


Eguneraketa berriak daude