EHZ festibalaren aldeko elkartasun jaia egingo dute Gasteizen
EHZ festibala bertan behera geratu zela jakinarazi eta berehala hainbat jaialdi txiki sortu dira eta sortzen ari dira hari babesa emateko, Elkartasun erauntsia lelopean. Besteak beste, Bilboko Biba kulturgunean eta Donostiako Bukowskin antolatu dituzte elkartasun jaiak, eta datorren astean, hilaren 11n, Gasteizko gaztetxean egingo dute.
Jon Basaguren, Libe, Iñigo (E.T.S.), Bidelapurrak, Montauk, Roto eta Dr. Sax izango dira taula gainean, jaialdi akustikoa eskaintzeko. 20:00etan izango da.
Elkartasuna
"Sorgin zelaian, gurea asma lemapean, EHZren 22. edizioa iragatekoa zen aurten. Arrosan hasitako ametsari jarraipena eman behar genion Garroko gazteluan. Baina aurten ez da posible izanen. Urte guzi hauetan auzolanean eraikitako proiektu honek, nehoiz baino beharrezkoagoa du Euskal Herri osoaren elkartasuna. Elkartasun erauntsia behar dugu", azaldu zuten antolatzaileek jaialdia bertan behera utziko zutela jakinarazteko prentsaurrekoan.
Albiste hau Arabako Aleak argitaratu du eta Creative Commons lizentziari esker ekarri dugu.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
Hil ala biziko biltzar nagusia antolatu du EHZ festibalak. Talde motor baten behar gorrian da.
Arrosa, Idauze-Mendi, Heleta eta Lekornetik pasatu ostean, aurtengo EHZ Nomada izanen da.
2017an etenaldia egitea erabaki ondotik eta 2019an eraberrituta itzultzeko helburuarekin, ez zen Euskal Herria Zuzenean Festibalaren ediziorik espero aurten. Azken momentuan, baina, EHZ Nomada antolatzea erabaki dute.
Etenaldia iragarri du EHZ festibalak eta 2018an jaialdirik ez dutela antolatuko baieztatu dute. Nolanahi, 2019an proiektua berrituta itzultzeko asmoa agertu dute.
Zea Mays, PiLT, Anestesia eta Biarritz Dance School taldeak igoko dira oholtza gainera. Ezpeletako merkatu estalian egingo dute jaia arratsaldeko zazpietatik aurrera.
EHZ festibala bertan behera geratuko dela iragarri dute ostiral honetan. Antolatzaileek arratsaldean eginiko agerraldian azaldu dutenez, eguraldi iragarpenak behartu ditu erabakia hartzera.
Eguraldi txarraren ondorioz bertan behera gelditu da EHZ festibalaren 22. edizioa. Hala ere laguntzaile ugari hurbildu da desmuntaketara, eta elkartasun mezu eta ekitaldiak Euskal Herrira hedatu dira.
Ostiralean jaialdia bertan behera utzi ostean elkartasun keinu ugari ari da jasotzen Euskal Herria Zuzenean festibala. Zailtasun ekonomikoei aurre egin behar diete orain, baina EHZk aurrera egingo duela iragarri dute.
EHZ festibala bertan behera geratuko dela iragarri dute ostiral honetan. Antolatzaileek arratsaldean eginiko agerraldian azaldu dutenez, eguraldi iragarpenak behartu ditu erabakia hartzera.
Aurten ere, Euskal Herria Zuzenean festibaleko eztabaida guneak hitzorduak antolatu ditu, Garroa gazteluko Xerrenda gunean. "Euskal Herrian eta munduan egunez egun jendarte askearen alde ari diren dinamikak ezagutuz, gure iniziatibak aberastea dugu xede", adierazi dute.
