Emakumeak borrokan

EHUko errektoretzarako bozak gaur, kritika eta protesta artean

  • Nekane Balluerka EHUko errektore izateko hautagai bakarraren alde botoa eman edo ez erabaki beharko dute gaur ikasle, irakasle eta langileek. Leioan mobilizazio jendetsua antolatu dute 12:00etan.

ARGIA @argia
2016ko azaroaren 24a

Aldeko botoa, zuria edo abstentzioa, horiek dira EHUko komunitateko 47.000 lagunek gaur egin beharko duten hautua. Iñaki Goirizelaia orain arteko errektorearen taldekoa izan den Nekane Balluerka soilik aurkeztu da errektoregai hauteskundeotan, hainbat sektore eta ildo politikoko jenderen babesa lortu du gainera. Beraz, ezusterik ezean, berak gidatuko du unibertsitate publikoa datozen urteetan.

Alabaina, ikasle mugimenduak kritika zorrotzak egin dizkio, ez soilik hautagaitzari, baita eta EHUren unibertsitate ereduari oro har ere. Hain zuzen, gaur 12:00etan mobilizazio jendetsua eta protesta giroa espero da Leioako campusean.

Goirizelaiak segurtasun neurri bereziak iragarri ditu, azken asteotan eta errektoretzarako hauteskundeen kanpainan ikasleek bultzatu duten boikota dela-eta. Zentzu horretan, Ernai gazte antolakundeak salatu du eztabaida "kriminalizatu eta desitxuratu" nahi izatea eta prozesuan ez direla aintzat hartu ikasleen aldarriak eta eskaerak.

Bozketa goizeko 09:00etan hasiko da eta arratsaldeko 18:00etan itxiko dira hautestontziak.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: EHU

EHU kanaletik interesatuko zaizu...
Arrainetan metatzen dira antidepresibo, antibiotiko eta eguzki-kremen osagaiak, EHUren ikerketa baten arabera

Ikertzaileak azaldu duenez, arrainetan metatzen diren kutsatzaileak gizakiengana heltzeko arriskua dagoen jakin beharra dago.


Unibertsitate publikoaren funtzioak, mahai gainean

Gizarte-eraldaketarako funtsa hezkuntza dela sinetsita, Euskal Herriko Unibertsitateak duen rolaz eta norabideaz gogoetatzen sei urte daramatza Unibertsitate Kritikoa Sareak. Egungo joera neoliberalen eta “atzerapen demokratikoaren” aurrean, EHUk zein funtzio bete behar duen eztabaidatzeko jardunaldiak antolatu dituzte ostegun honetan.


2019-02-15 | Hala Bedi
Gasteizko Herri Unibertsitateko itxialdia debekatu du EHU-k

Gasteizko Errektoreordetzak eta Dekanotza taldeak Herri Unibertsitatean aurrera eraman ohi diren itxialdiak debekatu ditu. 1.700 sinadura bildu dituzte eta astelehenean mobilizazioa egingo dute debekua salatzeko.


2019-02-14 | ARGIA
Euroligako lauko finala Gasteizen
Prekarietatea salatzeko EHUren aurkako ekintza

Ernai erakundeak Gasteizko EHUren campuseko Errektoreordetzaren aurkako ekintza burutu du, salatzeko unibertsitateak Gasteizko Lauko Finalean doan lan egitera animatu dituela ikasleak. Ekintzaren bidez, larunbatean prekarietatearen kontra Bilbon egingo den manifestaziorako deia egin du Ernaik.


2019-01-30 | Iņigo Igartua
Gasteizko Lauko Finalean doan lan egitera animatu ditu ikasleak EHUk

Lau milioi euroko diru-laguntza jaso du Gasteizen egingo den Europako saskibaloi finalak. Baina ekitaldian dohainik lan egingo duten 170 boluntario nahi ditu Euroligak, ostatua eta garraioa ordaindu gabe.


2019-01-04 | Axier Lopez
Doan lan egiteko jendea nahi du 4 milioi euro publiko jaso dituen Gasteizko 'Final Four'eko antolatzaileak

Maiatzaren 17, 18 eta 19an antolatuko dute Europako saskibaloi txapelketaren finala Gasteizen. Antolakuntzak jakinarazi duenez, egun horietan 170 lagun behar dituzte "boluntario" lan egiteko. Ez dute bidaiarik, ostaturik eta diru-saririk jasoko trukean. Hala Bedik jaso duenez, Arabako Aldundiaren, Eusko Jaurlaritzaren eta Gasteizko Udalaren artean, 4 milioi euro eman diote Euroligari Lauko Finala antolatzeko.


Segurtasun zaintzaileak ez dira Leioako Campuseko fakultate bateko ikasleen gunearen parean gehiago egongo

Gizarte eta Komunikazio Zientzien fakultateko Dekanotzarekin adostasun batera iritsi da ikasle mugimendua. “Eraso bat gelditzea lortu dugu”, adierazi dute ikasleek gaur egindako prentsaurrekoan. Leioatik! ikasle proiektu komunikatiboak egin du jarraipena.


2018-12-13 | Hala Bedi
Ariketa kolektiboa, torturak sortutako ertzei aurre egiteko

Bulkada Berrien Garaia Da-k antolatuta, mahai-ingurua egin dute Gasteizko Kanpusean, torturak gazteengan duen eta izan zuen eragina aztertzeko. Bertan izan dira Iker Moreno Gazte Antolakundeko militante ohia, Oihana Barrios psikologa eta Ignacio Mendiola soziologoa. Torturak sortutako eta isildutako ertzen inguruan ariketa kolektiboen beharra dagoela azpimarratu dute.


2018-12-12 | ARGIA
Gasteizko campuseko erasoarekin lotuta hiru lagun atxilotu ditu Ertzaintzak

Hiru gazte atxilotu ditu Ertzaintzak astearte arratsaldean Gasteizen, EHUn joan den azaroaren 30ean ikasle batek jasan zuen erasoarekin lotuta daudelakoan. Horietako bat aske utzi dute eta agintaritza judizialaren aurrean agertu beharko du, deitzen dutenean.


"Gure Leihoa" aldizkaria sortu du Leioako Ikasle Mugimenduak

Ikasleei hitza ematea helburu duen aldizkari autogestionatua sortu dute EHUren Leioako campusean. Salgai dago astelehenaz geroztik.


Azkenak
EGILEA
Eguneraketa berriak daude