EH Bilduk eta Elkarrekin Podemosek agerraldi sorta eskatu dute "euskal espetxe eredua diseinatzen hasteko"
Lan eta Justizia Batzordean Araba, Bizkaia eta Gipuzkoan ezarri beharreko kartzela sistemaz hausnartzeko, agerraldi sorta bat eskatu dute EH Bildu eta Elkarrekin Podemosek. Aurrez gai horren inguruan batzorde berezi bat osatzeko eskatu zuten bi taldeek baina EAJ, PSE eta PPren botoekin atzera bota zuten proposamena.
Hala ere, batzorde berezia sortu gabe ere helburua bete nahi dute orain sektoreko arduradun eta adituen agerraldiekin, modu horretan posible izango delakoan euskal espetxeen egungo egoera ezagutzea, aldatu beharreko elementuak detektatzea eta neurriak eta lehentasunak zehaztea, “betiere giza eskubideen errespetuan oinarritutako espetxe eredu propioa diseinatu eta garatu ahal izateko”.
Kartzela eredu propio baten diseinuarekin zerikusia duten arlo guztiak landuko dituzte, hau da, eskumen arloa, kartzela politikaren egikaritzea, osasuna, familia, emakumeak eta adingabeak. Horretarako, ondorengo agerraldiak eskatu dituzte, besteak beste: Lakuako Lan eta Justizia sailburua, kartzela osasunaren arduraduna eta kartzela hezkuntzaren arduraduna, Kataluniako Justizia sailburua, Arartekoa, Kataluniako Sindikoa (herri defendatzailea), espetxe zaintzarako epaileak, Bizkaiko Abokatuen Elkargoko kartzela batzordea, Euskal Kriminologia Institutua, Zaballako kartzelako zuzendaria, Gurutze Gorria, Sida Alava, Etxerat, Salhaketa, Cassandra kolektiboa eta hiru foru aldundien gizarte politiketako sailak.
Bere heriotzaren 19. urteurrenean, Karmele Solaguren gogoratu dute bere omenez herrian jarritako monolitoaren aurrean. Solaguren kotxe istripu batean hil zen, bere semea Ekain Gerra Madrilgo espetxe batera bisitatzera egindako bidai batean. Solaguren bezalako biktimen aitortza... [+]
“Sara gogoan” plataformak preso politikoen senidea motibazio politikoko “biktima gisa” ofizialki aitortzeko beharrezkoak diren mekanismoak antolatzeko eskatu die Nafarroako erakunde nagusiei. Hura omentzeko memoria ekitaldia egingo dute azaroaren 28an.
Subijanaren eta Borderen kasuan bigarren aldiz, Basauriko espetxeak onartutako hirugarren gradua lehengoratu du Espainiako Espetxe Zaintzako Epaitegi Zentralak. Subijana preso arabarra larriki gaixo dago. Sarek “atsekabea eta haserrea” adierazi ditu, eta... [+]
Urriaren 1ean bi urte bete dira Eusko Jaurlaritzak EAEko espetxeen kudeaketa bere gain hartu zuenetik. Bi urteko balantzearen txostena argitaratu berri du. 1.577 pertsona daude preso. %86 daude zigortuta, %8 emakumeak dira eta %31 hirugarren graduan daude. Euskal Espetxe... [+]
Fiskaltzat euskal presoen gradu progresioen hiru laurdenei errekurtsoa jarri diela salatu du. Martxan diren salbuespeneko politikekin bukatzeko beharra aldarrikatu du presoen eskubideen aldeko plataformak.