Sare Herritarrak Auzitegi Nazionalaren jarrera "oztopatzailea" salatu du
Fiskaltzat euskal presoen gradu progresioen hiru laurdenei errekurtsoa jarri diela salatu du. Martxan diren salbuespeneko politikekin bukatzeko beharra aldarrikatu du presoen eskubideen aldeko plataformak.
Sare Herritarrak 2022 eta 2023 urteen arteko espetxe politikaren balorazioa egin du, eta bertan Auzitegi Nazionalaren jarrera “oztopatzailea” kritikatu eta salbuespen politikak salatu ditu. Txostenaren arabera, Eusko Jaurlaritzak onartutako hirugarren graduen %75eri jarri die helegitea fiskaltzak.
Positiboki ikusten du azken urtean tratamendu batzarrek 24 progresio proposatu dituztela, Jaurlaritzako Justizia Sailburuak onartuak; gainera, beste zortzi progresio-proposamen daude. Hala ere, zera salatu dute: “Espetxe politika arrunta aplikatzearen balizko emaitzatik oso urrun daude oraindik, betetze-denboragatik erdi-askatasunean edo baldintzapeko askatasunean egon beharko lukete euskal preso gehienak”. 115 preso inguru izango liratekeela kalkulatu dute.
Espainiako Auzitegi Nazionalak espetxeetako tratamendu batzordeen erabakien inguruan “konfrontazio-jarrera” duela adierazi du Sarek, eta oraindik salbuespen politikak aplikatzen direla.
Izan ere, Eusko Jaurlaritzak onartutako 24 progresioetatik hamaseiri errekurtsoa jarri die fiskaltzak. “Guztiz bestelako testuinguru baterako pentsatutako araudia indargabetzen ez bada, eska daitekeen gutxienekoa da araua zentzuz eta malgutasunez aplikatzea”, adierazi du plataformak. Presoen gizarteratze prozesuak Euskal Herrian kontrolatu beharko liratekeela ere aldarrikatu du.
Hala, egoera normalizatzeko prozesu bat eskatu du Sarek, salbuespenezko legeak indargabetu eta “gainditutako faseak min handiagorik eragin ez dezan”.
Bere heriotzaren 19. urteurrenean, Karmele Solaguren gogoratu dute bere omenez herrian jarritako monolitoaren aurrean. Solaguren kotxe istripu batean hil zen, bere semea Ekain Gerra Madrilgo espetxe batera bisitatzera egindako bidai batean. Solaguren bezalako biktimen aitortza... [+]
“Sara gogoan” plataformak preso politikoen senidea motibazio politikoko “biktima gisa” ofizialki aitortzeko beharrezkoak diren mekanismoak antolatzeko eskatu die Nafarroako erakunde nagusiei. Hura omentzeko memoria ekitaldia egingo dute azaroaren 28an.
Subijanaren eta Borderen kasuan bigarren aldiz, Basauriko espetxeak onartutako hirugarren gradua lehengoratu du Espainiako Espetxe Zaintzako Epaitegi Zentralak. Subijana preso arabarra larriki gaixo dago. Sarek “atsekabea eta haserrea” adierazi ditu, eta... [+]
Urriaren 1ean bi urte bete dira Eusko Jaurlaritzak EAEko espetxeen kudeaketa bere gain hartu zuenetik. Bi urteko balantzearen txostena argitaratu berri du. 1.577 pertsona daude preso. %86 daude zigortuta, %8 emakumeak dira eta %31 hirugarren graduan daude. Euskal Espetxe... [+]
Espetxe politikaren ondorioz euskal preso politikoen “eskubideen urraketak” ematen direla salatu du Sarek, eta lege arrunta aplikatuz guztiak “etxera bidean” jartzeko unea dela aldarrikatu du. Donostiako manifestazioa abuztuaren 19an izango da, eguerdiko... [+]