EH Bilduk Espainiako Gobernuaren dekretuaren alde bozkatu du Kongresuan
ERCk eta CUPek ezezko botoa eman dute, eta EAJk aldekoa. Ukrainako Gerrak eragindako kalte ekonomikoei aurre egiteko gobernuaren ekonomia plana aurrera atera da EH Bilduren botoei esker. Espainiako eta Kataluniako politika astindu duen Pegasus espioitza kasuaren testuinguruan egin da bozketa.
Mertxe Aizpuruak ostegun goizean iragarri du EH Bilduren aldeko boza. “Beste behin, herritarrei zor diegun erantzukizunez jokatu eta dekretu hau aprobatuko dugu, ezin delako jendea izan gobernu honen akats larrien ondorioak ordaintzen dituena”, adierazi du koalizioaren bozeramaileak. “EH Bilduren bost diputatuei esker, Ukrainako gerraren ondorio sozioekonomikoei aurre egiteko neurri sorta onartuko da gaur”, azaldu du koalizioak sare sozialetan. EAJk ere aldeko boza iragarri du.
Pegasus espioitza kasuak sortutako iskanbilaren testuinguruan egin da bozketa –Pedro Sánchez presidente egin zuten talde politikoen babesa auzitan jarri duena aste honetan–. Iragan ostiralean, esaterako, bilera egin zuten espioitza jasan duten ordezkari politikoen alderdiek –EH Bildu, ERC, JxCat, PDeCAT, eta CUP–. Bilera horretan adierazi zuen Aizpuruak berak gobernuak jarrera egokia agertu ezean “ondorioak” egongo zirela: “Gobernuak ikusi behar du bere erabakiek eta gertatzen ari dena —oso larria baita— benetakotzat hartu nahi ez izateak ondorioak edukiko dituela. Espero dezagun egun batzuen buruan jarrera aldatzea, hau Europan onartezina delako”.
Atzo, asteazkena, Margarita Robles Defentsa Ministroak auziaz hitz egin zuen, eta egoera lasaitu edo bideratu ordez hautsak are gehiago harrotu zituen, espioitza justifikatu baitzuen.
ERCk eta CUPek ezezkoa
ERCk Espainiako Gobernuaren dekretuari ezezkoa eman dio. “Espainiako Gobernuari eginiko lehen oharra da”, adierazi du, Roblesen dimisioa eskatzearekin batera. “Nola fidatuko gara hau bezalako kasu baten aurrean ezer egiten ez duen gobernu batez, eta, gainera, harrotasuna agertzen duena?”, azaldu du bere kontrako boza CUPek.
Suhiltzaileek itzaltze lanetan jarraitzen duten arren, egonkortu dute kontrolik gabeko sutea. Espainiako Gobernuak larrialdi aurreko faserako plana onartu du, autonomia erkidegoen eta Espainiako Gobernuaren arteko komunikazioa hobetzeko; dena den, larrialdien kudeaketa autonomia... [+]
Auzitegi Gorenak martxoan ebatzitakoari jarraiki, astelehenean irletatik penintsulako adin txikikoentzako zentroetara lekualdatuko dituzte zortzi asilo eskatzaile. Gobernuak adierazi du adin txikikoen babes sarean integratzeaz arduratuko den etorkinen %90 maliar jatorrikoak... [+]
Astearte honetako gobernu bileran onartuko dute PSOEk eta Sumarrek, akordioa iragarri baitute. Neurria "berehala" ipiniko dela indarrean jakinarazi dute.
Cerdán auziari loturiko Servinabar sozietatearekin eta Antxon Alonsoren beste hemeretzi enpresarekin kontratu publikorik izan ote den jakiteko aztertu ditu EAEko gobernuak azken hamar urteetako esleipenak. Antxon Alonsok Espainiako Senatuko talde politikoen galderak... [+]
Bide parlamentarioa egin beharko du orain. Lege testu honen arabera, 30 urteko epea ezarriko dute sekretuak desklasifikatzeko, eta 45 urtekoa "goi mailako" sekretuendako. Bakoitza hamabost urtez luza daiteke.
Egiari Zor elkarteak pozgarritzat hartu du Nazio Batuen Erakundeko Giza Eskubideen Batzordeak Espainiako Estatuaren indarkeriaz egin duen txostena. Elkarteak azpimarratu du txostenak Nafarroako Gobernuak eta Eusko Jaurlaritzak dokumentatutako 5.000 tortura salaketak balioan... [+]
Gipuzkoako enpresak hainbat kontratu sinatu ditu Israelgo industria militarrarekin, eta diru publikoa jasotzen du ibilgailu elektriko bat garatzeko, Espainiako Gobernuak finantzatutako proiektu baten bidez.
Espainiako Gobernuaren estrategia politikoaren barruan mugitu du fitxa PSOEk: protagonista handirik gabeko irudi batekin jakinarazi dute akordioa, baina detaile gutxi emanda eta datarik ipini gabe.
Espainiako presidente Pedro Sánchezek Madrilgo kongresuan aurkeztu du ustelkeriaren kontra bere plana, Santos Cerdán auziaren ondorioz oposizioak estu hartu ondoren. Bost atal nagusitan banatu du eta ELGA erakundeak gainbegiratuko luke kanpotik, betetzen ote den... [+]
1.300 milioi eurotik gorako 2 milioi isun baino gehiago ekarri ditu legeak. Atzera botako zutela hitzeman zuten PSOEk, Podemosek, Sumarrek, EH Bilduk, ERCk, EAJk, Juntsek nahiz BNGk.
Mark Rutte NATOko Idazkari Orokorrak ukatu egin du “baztertze klausula” onartu zaionik Espainiako Estatuari. Kalkuluen arabera, BPGren %3,5a gastu militarretara bideratu beharko du gobernuak, NATOk eskatzen dituen kompromisoak betetzeko.
Igandean iragarri du akordioa Pedro Sánchez Espainiako presidenteak. Espainiak gastu militarrera BPGaren %2,1 bideratuko duela ziurtatu du.
Antton López Ruiz Kubati, Kai Saez de Egilaz, Pipe San Epifanio, Haimar Altuna, Oihana Garmendia eta Oihana San Vicenteri 120 ongi etorri baino gehiago antolatzea eta terrorismoa goratzea leporatzen zien Espainiako Auzitegi Nazionalak. Auzipetuek, akusazio partikularrak eta... [+]
Oraindik ez dago garbi noiz arte eutsiko dion bere erabakiari Pedro Sánchez Espainiako Gobernuko lehendakariak, baina korapilo handi samarra sortzen ari da NATOren barruan, honek aurrekontu militarra %5era igotzea arbuiatu ondoren.
Espainiako Gobernua osatzen duten PSOEren eta Sumar alderdien arteko koalizioak aurkeztutako lege proposamena onartu dute Kongresuan ostegun goizean, frankismoaren apologia egiten duen edozein erakunde debekatuko edo legez kanpo utziko lukeena