Robles Defentsa ministroak Pegasus auziko espioitza justifikatu du

  • Espainiako Kongresuan CNIren espioitza kasuari buruzko azalpenetan estu hartu dute gaiaz galdegin dioten diputatuek, eta Margarita Robles Espainiako Defentsa ministroak iradoki du zilegi dela espioitza Espainiako Estatua apurtu nahi dutenekin.

Margarita Robles, Espainiako Defentsa ministroa. (Arg.: Defentsa Ministerioa)

2022ko apirilaren 27an - 15:46

Hamar egun bete direnean eman ditu lehenbiziko azalpenak Espainiako Kongresuan Pedro Sánchezen gobernuko ministroak. Aitor Esteban jeltzaleak, esaterako, galdetu dio ea non gelditu den halako eskubide urraketarik onartuko ez lukeen giza eskubideen aldeko magistratu hura.

Baina espioitza aitorpentzat hartzearena CUPeko Mireia Vehíren galderari erantzutean etorri da: "Zer egin behar du estatuak, norbaitek konstituzioa urratzen badu, independentzia aldarrikatu, kaleak itxi edo orain Ukraina inbaditzen duen Errusiako buruzagiekin harremanak dituzten politikariekin?", galdetu du ministroak.

Roblesek esan du Sekretu Ofizialen Batzordea eratzen denean Paz Esteban CNIko zuzendaria han izango dela azalpenak ematen eta "ezustekoak" egongo direla iragarri du. Bere Ministeriotik Kongresuko korridoreetan aipatu dutenez, halaber, baliteke estatuko beste polizia batzuek ere Pegasus erosi izana.

Ukrainako gerraren ondorioen dekretua kolokan

ERCk, besteak beste, Margarita Roblesen dimisioa eskatua du dagoeneko, baina iragartzen ari da azalpenek asebetetzen ez badute Espainiako Gobernua eror daitekeela eta, bide horretan, lehenik eta behin hainbat legeren onarpena oztopa dezakeela.

Ostegun honetan, esate baterako, bozkatuko da Kongresuan Ukrainako gerrak eragindako ondorioak baretzeko dekretuaren bozketa, eta Gabriel Rufian ERCko Kongresuko bozeramaileak aurreratu du agian ez dutela dekretua onartuko. Horren aurrean, Sánchez presidenteak PPri dei egin dio dekretua onar dezan eta bere aliatuak ez diren Kongresuko taldeekin ari da negoziatzen haren onarpena.

Egoera estutzen ari zaio apurka Pedro Sánchezi eta ostegunerako eta ostiralerako Polonia eta Moldaviara joateko asmoak bertan behera utzi ditu, dekretuak erortzeko duen arriskuaren aurrean.

Kataluniako Legebiltzarrak, halaber, asteazken honetan onartu du auzitegietara eramango duela espioitza operazio. PSCk eta En Comú-k bat egin dute horretan indar independentistekin eta aurka bozkatu dute PPk, C's-ek eta Voxek.


Kanal honetatik interesatuko zaizu: Espioitza
Fiskaltzak dio ez dela delitua polizia infiltratuak emakumeekin sexu harremanak izatea

Bost emakumek kereila jarri zuten Kataluniako mugimenduetan hiru urtez infiltratutako poliziaren aurka, haien aurkako sexu abusuak egin zituela egotzita. Fiskaltzak epaileari eskatu dio ez onartzeko kereila, eta adierazi du harremanetan emakumeen "onespena" egon zela.


Sei urtez Madrilgo mugimendu sozialetan infiltratutako beste polizia baten berri eman dute

2015etik 2021era mugimendu antifaxista eta antierrepresiboetan infiltratutako poliziaren kasua publiko egin du El Saltok, Directarekin elkarlanean ikertu ondoren. Hamabost hilabetean hedabideek argitaratutako polizia satorren seigarren kasua da.


2023-07-11 | ARGIA
Auzitegi Nazionalak artxibatu egin du Pegasus espioitza kasua

Espainiako presidente Pedro Sánchezen eta beste lau ministro mugikor bidez espiatzeagatik irekitako kasua itxi egin dute, Pegasus programaren jabe den Israelgo Gobernuaren eta Justiziaren "erabateko" kolaborazio faltagatik.


2023-04-23 | David Bou
Marc, Dani eta Ramón

Artikulu honen izenburuan agertzen diren hiru izen propioak ez datoz bat horrela deitzen ziren pertsonen errealitatearekin. Marc Hernàndez Pons, Dani Hernàndez Pons eta Ramón Martínez Hernàndez ziren Barne Ministerioak Polizia Nazionaleko hiru... [+]


Espainiako Gobernuak onartu du Poliziari baimena eman ziola gizarte mugimenduetan infiltratzeko

Espainiako barne-ministro Fernando Grande-Marlaskak adierazi du infiltrazioekin lotutako informazioa espediente sekretu batean dagoela bilduta. Polizia horiek inteligentzia agente gisa definitu ditu, "ordenaren eta segurtasun publikoaren" intereseko informazioa... [+]


Eguneraketa berriak daude