Donostiako Udalak behin betiko onartu du Garibai kaleko Plan Berezia. Horrela, 23. zenbakiko eraikinean etxebizitza turistikoak jarriko dituzte lehen solairutik seigarrenera. Beheko solairuak eta sotoak hirugarren sektoreko erabilera mantenduko du.
Erabakiarekin kritiko azaldu da EH Bildu: “Hotel berri honi gaur emandako oniritziaren aurretik, udal gobernuak iragarri zuen hotelen hedapena geldiarazteko konpromisoa hartua zuela lizentzia berriak emateko interes publiko gehiagorik ez dagoelako”. Hain zuzen ere, atzoko udal batzordeetan hotelen inguruan hitz egin zuten EH Bilduk egindako interpelazio batengatik. Nekane Arzallus Hirigintza zinegotziak adierazi zuen hotel berriak jartzeko proposamenak baztertzen ari direla, udalaren ustez hirian ostatu kopuru nahikoa dagoelako.
Hotelen ugaritzea “mugatzeko” EH Bilduk egindako proposamenak udal gobernuak baztertu dituela gaineratu dute. “Aitzakia beti berdina da: gobernuak ezin duela ezer egin eta eskuak lotuta dituela”.
Donostia Turismoak apirilaren 10etik aurrera jarriko du neurria indarrean, eta derrigorrez bete beharko da, bestela isunekin zigortuko dutelako gidari turistikoa.
Turismoari buruzko pertzepzioaz galdetu die EHUk donostiarrei, eta ondorioztatu du herritarren erdiak baino gehiagok “frustrazioa” sentitzen duela. Donostiako Udalak eta Eusko Jaurlaritzak finantzatu dute ikerketa.
Bericato enpresak erosi du duela 70 urte baino gehiagoz Bilboko Portuko Agintaritzaren egoitza izan den eraikina.
Iruñeko Alde Zaharreko Alde Zahar ekimenak turismo masiboaren aurkako eta auzoaren defentsarako kanpaina abiatu du ostegun honetan.
Bizilagunek legez kanpo utzi dute Donostiako Zubieta kaleko etxebizitza turistiko bat, euren estatutuetan erabilera hori debekatuta zegoelako aurretik.