ARGIA.eus

2021eko uztailaren 28a

Egia auzoko esperientzia Eibarko Euskararen Transmisioa mintegian

  • Donostiako Egia auzoan 200dik gora lagunek hartu dute parte astebetez euskara hutsean bizitzeko ahaleginean. Bagera elkarteak Donostian zabaldu asmo duen ekimenaren berri emango du Eibarren. Donostiako Egia auzoan 200dik gora lagunek hartu dute parte astebetez euskara hutsean bizitzeko ahaleginean. Bagera elkarteak Donostian zabaldu asmo duen ekimenaren berri emango du Eibarren.

ARGIA @argia
2016ko martxoaren 18a
Egia auzoan martxoaren 12an egun osoko jaia egin zuten. Argazkia: Dani Blanco.

Urtarrilaren 8an hasi zen Egian Euskaraz Bizi Nahi Dugulako ekimena eta martxoaren 12an bukatu dute egun osoko jaiarekin. Antolatzaileak kontent dira lortutako emaitzekin, eta pozik hartuko lukete egitasmoa Euskal Herrian zabaltzea. Donostiako Bagera euskara elkarteak sustatzaile lana hartu du eta dagoeneko Añorga auzoan prestaketa lanetan hasita daude herritarrak. Donostia inguruko herri batzuetan antzeko ekimenak abian jarriko diren hotsak badira.

Eibarko Eta kitto! euskara elkarteak urtero antolatzen duen Euskararen Transmisioa mintegirako, maiatzaren 3rako, Bagerako kide Aitziber Gurutzeaga gonbidatu du Egiakoaren berri emateko.

Ez da mintegiko hitzaldi bakarra izango. Xabi Aizpurua Ugarte UEMAko kideak “Gazteek ez dakite euskara hizkuntza gutxiagotua dela” hitzaldia eskainiko du. Aizpuruak Soziolinguistika Klusterrak urtero ematen dituen Hausnartu sarietako bat irabazi zuen 2015ean. Ondoko izenburua zuen berak aurkeztutako lanak: “Euskararen pertzepzio soziolinguistikoa nola landu udalerri euskaldunetako ikasleekin: hizkuntza ekologia eta arnasguneen ideia”.

Ondoko hitzaldiak ere entzun ahal izango dira:

Jon Maia (bertsolaria): “Etorkinen integrazioa eta bertakoen egokitzapena”.

Estitxu Garai (EHU): “Euskararen erabilera nola saldu”.

Juani Iriondo (Eibarko San Andres Ikastetxea): “Eusle programa ikastetxearen esparruan aplikatua”.

Deñe Zabalo (Elgoibar Ikastolako Guraso Elkartea): “Erabilera areagotzeko ekimenak: izan ispilu”.

Amaia Zenarruzabeitia (Eibarko Arrateko Andra Mari ikastetxea): “Gurasoek autogestionatutako euskara- eskolak”.

 

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Euskalgintza

Euskalgintza kanaletik interesatuko zaizu...

Azkenak EGILEA
Argia buletina
Egunaren laburpena
zure e-postan
Eguneraketa berriak daude